1 Timoteyos 4
4
Gari imaanko yawcoona kinon
1Yamiite waqhtelle, gari sinni imaan xabeenih doolable ufayit kee junuun aydaras katattawna kinoonim, Ufayi cadimbililih arhxuk yane. 2Ta aydaras lel niyaako rabte munaafiqhiin kin zirablitko kinni yamiitem. 3Usun marca takkemko deesoona kinon, tamaa yaamineh rumma yaarhige mari xamdeelih kabbaatoona Yalli yukhluqhe folooko sinne yabbarhoona, xiyaw yaamaroona kinon. 4Yalli yukhluqhem inkoh mecem kinni, xamdeelih kabbaatimtemko lel, xinnitimtamah walaa inkim adde mitane. 5Amayim lel Yallih waanitta kee salaatah tinqiddisemhi sabbatah kinni.
Masiix kin Yeesus mece khaddaam
6Tayim tamaa saculuh caddossemko, imaan waani yudruse tiya tekkeyaako, tamaa katattayteh tanito mece mazhabah, Masiix kin Yeesus mece khaddaam takko kito. 7Caalamti tinem-tine sayyot daacunhiyaako mirix-erhex. Sarreh Yallih mashshih akah tadiyeekah ishe labcaadish. 8Nabsi karim labcaadishaanam dago makko luuk, Yallih mashshi labcaadaanam, kaadit aniina kee tamaato le aniinahi wacdi gantah adde yanemhi sabbatah umman ginah naba makko leya. 9Ta marhxo rumma kinni, ummanti lel kabbaato alle tane. 10Amayimhi idhdhah, umman tiya, fertoh lel yaamine marahi Gargeereena kin yane Yalladde cag linomhi sabbatah, xawalak kee andufulinuk nane.
11Tayim amreh toxoyeh uydurus. 12Ku cindhaaneh walaa inketti ku ilaace wayooki, tamaa yaamine marak waanih, adabeh, kaxanoh, imaanah, tsitstsayeh misaal akko ab. 13Anu amiitem fanah, Kutuub xiyawah yaqhriinim, warroyshaanam kee yaydurusiinimidde hammit. 14Tamaa muttuxuwa, nabii waanih araxah kaniisat naba mari gabub kolle hayen gedda koh tomxoyeya mibaddaahishin. 15Atu afeededituk tanitom ummanti yablo ciloh, taymidde meceetih ramac adde terhxeh ab. 16Ishe kee tamaa taxaye darse macalsit. Taymille lel qath-erhex, tahe abtemko, ishe kee ku yaabbe mara gargerto kito.
Currently Selected:
1 Timoteyos 4: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
