1 Timoteyos 1
1
Salaamta
1Ni Gargeereena kin Yalla kee Masiix kin Yeesus ni cagah, Masiix kin Yeesus fartotta yakko doorime Bawlosko, 2#Fartottit hi Abittot 16:1tamaa imaanah rummah yi barha kin Timoteyos fanah; ni Abba kin Yalla kee ni Maddara kin Masiix kin Yeesusko nicma, raxma kee maaxiyo kottaalih takkoo.
Zirabti mudarrisiinko zeelitaanam
3Makedooniya adiyuk iniyo gedda akah ku asuuseekah, gari barhsime mazhab yaydurusiinimko ten taamaro ciloh, Efesosulle sug. 4Amayim balih lel tinem-tine kee abayshima hin waalidodde sayanki ten asus. Tayim yerhxin-yerhxin kibah imaanah geytima Yallih xagara balih xiyaa beytam maki. 5Ta amrih bursaale lel, tamaa tsitstsii afcaado, cado-qalbe kee rummaahit imaanko yamiite kaxano kinni. 6Xiyawko gari lel takkeeko yewciinih amficinnixe ankaaxadadde gaxeenih yanin. 7Tamaa arhxuk yaniinim hido fidbeelih adde waanishak yaniinim sinneh miyafhimiini hanuk, sercat mudarrisiin yakkoona farhan.
8Kado, xiyaw araxah yetneefeciinimko, sercat mece tiya kinam naarhige. 9Tayim naarhige, sercat akah yewcem xaqqi-wannun akkekkah, sercat-hinam kee akko yarhxiinim aabbinnixe marah, Yallih mashshi hin mara kee zambi-wannunuh, anqiddisinnixe mara kee diin hin marah, sinni abbub kee sinni inon yaatuke mara, nabsi-wannunuh, 10uma-xibarlitih, lawaathah, xiyaw yaabixe marah, zirablitih, zirabadde dhiiwittamah kee inkoh tamaa rummaahit mazhabko irolle xiyaa tayyaacemih kinni. 11Tayim lel tamaa anu warroysho amaanah yolle yomxoye, barakä-le Yallih nabnet mece wareelih tadiyem kinni.
Masiix kin Yeesus zambi-wannun gargeero yemeete
12Kaa akhdamo yi yiysiriyeh yi yeemenemhi sabbatah, ta khidmadde yi doore ni Maddara kin Masiix kin Yeesus cawwatoyshitak aniyo. 13#Fartottit hi Abittot 8:3; 9:4-5Amayim lel anu basoh Maddarah waatimah, hadanah, duuda kin mucaarid kuuk yine tiya kiyo hanuk kinni. Tayim sorha kee imaan waytoh abemhi sabbatah raxma kabbaateh aniyo. 14Masiix kin Yeesusko yamiite imaan kee kaxanoolih, ni Maddarahi nicma yottah mangum yoh temmenge. 15“Masiix kin Yeesus zambi-wannun gargeero yemeete” tarhxe marhxo rumma kee meceetih kabbaatimto missilam kinni. Anu lel umman tenko uma-tiya kiyo. 16Anu lel tayimhi sababah kinni raxma geyem; Masiix kin Yeesus tamaa naakitto hin ishi sabre, yookomeh umman tiyaako uma yottalle yuybulluweh, umman geedit aniina geyoona kayyah yaamano le marah misaal yok abe. 17Tamaa umman geedit nugus, rabinnixe, ambulluwinnixe, inki Yallah, umman gedda kee umman gedih xishma kee nabne takkoo. Amin.
18Timoteyos yi barhaw, yookomiinih tamaa ku zacabah aben nabii waanidde cikkishitak, ta amre amaanah kolle axayik aniyo. Tayimhi araxah lel mece dhiba abe lito. 19Imaan kee cado-qalbe eellaa. Xiyawko gari lel tayim xinaanah tiggidile cibri tamundhuceya balih sinni imaan yaylayin. 20Ten addadde lel Yallah waatime wayaanam yaarhagoona ciloh, Sheethanah oxoye, Himenayos kee Aleksaander yanin.
Currently Selected:
1 Timoteyos 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
