Popular Bible Verses from 1 Timoteyos 1

Share

“Masiix kin Yeesus zambi-wannun gargeero yemeete” tarhxe marhxo rumma kee meceetih kabbaatimto missilam kinni. Anu lel umman tenko uma-tiya kiyo.

Anu lel tayimhi sababah kinni raxma geyem; Masiix kin Yeesus tamaa naakitto hin ishi sabre, yookomeh umman tiyaako uma yottalle yuybulluweh, umman geedit aniina geyoona kayyah yaamano le marah misaal yok abe.

Ta amrih bursaale lel, tamaa tsitstsii afcaado, cado-qalbe kee rummaahit imaanko yamiite kaxano kinni.

Tamaa umman geedit nugus, rabinnixe, ambulluwinnixe, inki Yallah, umman gedda kee umman gedih xishma kee nabne takkoo. Amin.

Tayim naarhige, sercat akah yewcem xaqqi-wannun akkekkah, sercat-hinam kee akko yarhxiinim aabbinnixe marah, Yallih mashshi hin mara kee zambi-wannunuh, anqiddisinnixe mara kee diin hin marah, sinni abbub kee sinni inon yaatuke mara, nabsi-wannunuh, uma-xibarlitih, lawaathah, xiyaw yaabixe marah, zirablitih, zirabadde dhiiwittamah kee inkoh tamaa rummaahit mazhabko irolle xiyaa tayyaacemih kinni.