Ebreos 11
11
O pachape e ppurego
1O pachape si e vera kai ka la so adurichara, o pacha ande ezgode kai ni dikka. 2Goleke die lachi orba katar amare purane soke saia len pachape.
3Ta pala o pachape amen llana kai o Del cherda e ppuv#Gn 1.1; Sal 33.6,9; Jn 1.3. ta sa so si ando miloso ta so amen dikka akana cherdilo katar so ni dikkola.
4Pala o pachape, o Abel dia mai lacho kurbano e Devle neko o Kain, goleke o Del ppenda kai vou saia chacho ta o Del mangla te lel so diaia le o Abel.#Gn 4.3-7. A o Abel si mulo ta llik akana sai sikiva katar leko pachape ando Del.
5Pala o pachape o Enok avilo inllardo llundo te na pinllarel o meripe ta ni marakkle le ios, soke o Del inllarda le, ta e Devleke alava ppenen kai mai anglal te avel inllardo, o Enok kandiaia e Devle.#Gn 5.21-24. 6Soke te na avel amen pachape nasti ava drago e Devleke, soke te ava pasa o Del morabi te pacha kai istina si o Del ta kai pomozil golen kai roden le.
7Pala o pachape o Noe kana o Del ppenda leke kai ka avenpe ezgode kai ande gola llivesa ni dikkona, vou kandia ta cherda goia bari llimia te sai braduil pe familia.#Gn 6.13-22; 1 P 3.20. Ta isto pala gua pachape, o Noe dosarda e sueto ta lia o chachipe kai lelpe cheres o pachape.
8Pala o pachape o Abraam kana o Del ikkarda le, vou kandia ta likisto te llal kai e ppuv kai o Del ppendaia kai ka del le, a o Abraam ni llanela kai ka llal ta kandia e Devle.#Gn 12.1-5. 9Ta pala o pachape kai saia le zivisarda sargo iek lleno avere ppuviengo isto ande ppuv kai o Del ppendaia leke kai ka del le.#Ebr 6.13-15. Ta zivisarda ande chare, sargo o Isaak ta o Jakob, kai i lenge o Del ppendaia kai ka del len goia ppuv.#Gn 23.4; 26.3; 35.12,27. 10Soke o Abraam pachala kai iek llive ka dikkel gua foro kai o Del chinadaia te cherel ta kai vazdia pe iek ttan zuralo.
11Ta pala o pachape kana e Sara nasti avena la minone ta o Abraam saia but ppuro, o Abraam lia zor e Devletar te sai avel dad,#Gn 15.6; 17.19; 18.11-14; 21.2. soke pachaia kai o Del ka cherel so ppendaia leke. 12Goleke o Abraam i kana saia pasa po meripe, avilale bari vicha sargo e cheraia e milosoke ta sargo e chisai kai si pasa e mora, kai nasti llindol.#Gn 15.5; 22.17; 32.13. 13Sa gola llene mule ta ni lie e ezgode kai o Del ppendaia kai ka del len; ta pala o pachape kai saia len von dikkle len duratar, ta veselisaile ta dikkle isto von pe, sargo llene avere ppuvienge kai samo nakken katar gaia ppuv. 14Ta e llene kai ppenen gaia ezgoda gale alavenchar, achardol kai von llik akana roden iek ppuv. 15A te mislisailea ande ppuv katar von likistea von te manglea sai irisailea incha. 16A von rodena iek ppuv mai lachi, kai si ando miloso. Goleke o Del ni lallal te avel lengo Del,#Ex 3.6,15. soke vou lacharda lenge iek foro.
17Ta pala o pachape, o Abraam kana o Del zumada le, lia e Isaake te del le kurbano. Ta mangela te del pe edine chave,#Gn 22.1-14. a o Del diaia le po alau ta ppendaia leke: 18“Katar o Isaak ka avel tut iek vicha.”#Gn 21.12. 19Gava si soke o Abraam llanela kai e Devle si le e zor i te vazdel e mulen; goleke gua pachape e Abraameko cherda te na mundarel pe chaurre#Gn 22.5,13. ta gava saia sargo kana o Isaak pale zivisarda. 20Pala o pachape o Isaak blagosisarda e Jakobo ta e Esaule pala e ezgoda kai saia te aven mai angle.#Gn 27.27-29,39-40.
21Pala o pachape, o Jakob kana saia po meripe dia po alau e duie chaurrenge katar o Jose kai o Del ka blagosin len, ta istardilo pe pi rovli ta blagosisarda e Devle.#Gn 47.31—48.20.
22Pala o pachape, o Jose kana saia pase te merel ppenda kai e israelitura ka liken mai angle katar o Ejipto, ta mukla alava so te cheren leke kokalenchar.#Gn 50.24-25; Ex 13.19; Jos 24.32.
23Pala o pachape, kana biandilo o Moises, leki dei ta leko dad gurude le trin chon, soke dikkle kai o minono saia sukar ta ni daraile katar e alava kai ppendaia o charo te mundaren sa e minonen.#Ex 1.22—2.2.
24Ta pala o pachape o Moises kana barilo ni kamla te ikkaren le chaurro katar e chei e charoki;#Ex 2.10-12. 25Vou mangla te maren le gia sar marena e llenen kai sea katar o foro e Devleko, a na te avel ando bilachipe kai nakkel. 26Leke mola mai but te nakkel e patnia kai saia te nakkel o Mesias neko o barvalipe katar o Ejipto.
27Pala o pachape o Moises llelotar katar o Ejipto,#Ex 2.11-15; Ex 13.17—14.30. ta ni darailo katar e joli e charoki; ta saia zuralo pe so mangela te cherel, sargo kana dikkela e Devle kai nasti dikkol. 28Pala o pachape o Moises ttoda e sinia e paskuaki ta ppenda te makken e udara e ratea ta gia o suecho e merimako te na mundarel ni iekke purve chaurre kai biandilo ande suako familia katar e israelitura.#Ex 12.21-30. 29Pala o pachape e israelitura nakkle e Mora e Loli sargo pe ppuv e suki; ta mapalal kana e ejipsiura mangle te nakken, von tasile.#Ex 14.21—15.21.
30Pala o pachape peradinaile e zidura katar o foro o Jeriko, kana e israelitura ppirde truial o foro efta llive.#Jos 6.12-21. 31Ta pala o pachape, e Rahab e kurvichka, ni muli e llenenchar kai ni kandie, soke voi pomozisarda e llenen katar o Israel kai diea ando foro po chorial.#Jos 2.1-21; 6.22-25. 32¿So mai but ka ppenau? ni ka avel man vreme te dava orba katar o Jedeon,#Jue 6—8. katar o Barak,#Jue 4—5. katar o Sanson,#Jue 13—16. katar o Jefte,#Jue 11—12. katar o David,#1 S 16.1—1 R 2.11. katar o Samuel#1 S 1.1—25.1. ta katar e poraukura. 33Pala o pachape dobisarde ppuvien, inllarde o chachipe, ta lie so o Del ppendaia lenge kai ka del len, ppangle e muia e lionenge,#Jue 14.5-6; 1 S 17.34-37; Dn 6. 34mundarde bare iaga,#Dn 3. nasle te na aven mundarde katar o jarni, Ikande zor katar o kovlipe, ta resle te aven zurale po maripe, ta dobisarde avere llenen kai marenape ta sea lenge dusmanura. 35Sea nesave diskinie kai pachaie ando Del, goleke o Del vazdia katar o meripe lenge familia.#1 R 17.17-24; 2 R 4.25-37.
Aver ni kamle te mukliaren len ta mule ande patnia, te sai usten katar o meripe ta te zivin iek zivoto mai lacho. 36Aver nakkle patnia soke marena espurnia lendar ta marena len e bichoia,#Jer 20.2; 37.15. ta ppandena len e lanchonenchar ande rubie.#1 R 22.26-27; 2 Krn 18.25-26; Jer 20.2; 37.15; 38.6. 37Ta averen mundarde e barrenchar, averen chinde len po dopas o mundarde len e jarnienchar; a aver llana pe iek rig ta pe aver ta lenge patave sea cherde katar e morchi e bakrengi ta busniengi; sea chorre dukkade ta mardine. 38Gala llene sea gia lache, kai gaia ppuv ni sea prema gava sueto, ni saia len kai te llan, ppirena po pusto pe burdura ta katar o putardipe e ppuviako.#1 R 18.4; 19.9.
39O Del saia veselo sa gale llenenchar soke saurre pachaie ande le, a niko lendar ni lia so o Del ppendaia kai ka del len; 40a gua saia soke o Del chinadaia iek ezgoda mai sukar, te sai la i amen so vou ppendaia kai ka del. O Del ka cherel chache gole llenen kana ka cherel amen chache.
Currently Selected:
Ebreos 11: ROM07
Highlight
Share
Copy
Want to have your highlights saved across all your devices? Sign up or sign in
Nuevo Testamento en Romané © Sociedad Bíblica Chilena, 2007.