Popular Bible Verses from Ebreos 11

Share

O pachape si e vera kai ka la so adurichara, o pacha ande ezgode kai ni dikka. Goleke die lachi orba katar amare purane soke saia len pachape.

Soke te na avel amen pachape nasti ava drago e Devleke, soke te ava pasa o Del morabi te pacha kai istina si o Del ta kai pomozil golen kai roden le.

Ta pala o pachape amen llana kai o Del cherda e ppuv ta sa so si ando miloso ta so amen dikka akana cherdilo katar so ni dikkola.

Pala o pachape o Abraam kana o Del ikkarda le, vou kandia ta likisto te llal kai e ppuv kai o Del ppendaia kai ka del le, a o Abraam ni llanela kai ka llal ta kandia e Devle. Ta pala o pachape kai saia le zivisarda sargo iek lleno avere ppuviengo isto ande ppuv kai o Del ppendaia leke kai ka del le. Ta zivisarda ande chare, sargo o Isaak ta o Jakob, kai i lenge o Del ppendaia kai ka del len goia ppuv.

Pala o pachape o Noe kana o Del ppenda leke kai ka avenpe ezgode kai ande gola llivesa ni dikkona, vou kandia ta cherda goia bari llimia te sai braduil pe familia. Ta isto pala gua pachape, o Noe dosarda e sueto ta lia o chachipe kai lelpe cheres o pachape.

Pala o pachape o Enok avilo inllardo llundo te na pinllarel o meripe ta ni marakkle le ios, soke o Del inllarda le, ta e Devleke alava ppenen kai mai anglal te avel inllardo, o Enok kandiaia e Devle.

Pala o pachape, o Abel dia mai lacho kurbano e Devle neko o Kain, goleke o Del ppenda kai vou saia chacho ta o Del mangla te lel so diaia le o Abel. A o Abel si mulo ta llik akana sai sikiva katar leko pachape ando Del.

Ta pala o pachape kana e Sara nasti avena la minone ta o Abraam saia but ppuro, o Abraam lia zor e Devletar te sai avel dad, soke pachaia kai o Del ka cherel so ppendaia leke.

Soke o Abraam pachala kai iek llive ka dikkel gua foro kai o Del chinadaia te cherel ta kai vazdia pe iek ttan zuralo.

Ta pala o pachape o Moises kana barilo ni kamla te ikkaren le chaurro katar e chei e charoki; Vou mangla te maren le gia sar marena e llenen kai sea katar o foro e Devleko, a na te avel ando bilachipe kai nakkel. Leke mola mai but te nakkel e patnia kai saia te nakkel o Mesias neko o barvalipe katar o Ejipto. Pala o pachape o Moises llelotar katar o Ejipto, ta ni darailo katar e joli e charoki; ta saia zuralo pe so mangela te cherel, sargo kana dikkela e Devle kai nasti dikkol.

Ta pala o pachape, o Abraam kana o Del zumada le, lia e Isaake te del le kurbano. Ta mangela te del pe edine chave, a o Del diaia le po alau ta ppendaia leke

Ta pala o pachape, e Rahab e kurvichka, ni muli e llenenchar kai ni kandie, soke voi pomozisarda e llenen katar o Israel kai diea ando foro po chorial.

Pala o pachape e israelitura nakkle e Mora e Loli sargo pe ppuv e suki; ta mapalal kana e ejipsiura mangle te nakken, von tasile.

Pala o pachape peradinaile e zidura katar o foro o Jeriko, kana e israelitura ppirde truial o foro efta llive.

Pala o pachape o Moises ttoda e sinia e paskuaki ta ppenda te makken e udara e ratea ta gia o suecho e merimako te na mundarel ni iekke purve chaurre kai biandilo ande suako familia katar e israelitura.

Pala o pachape, o Jose kana saia pase te merel ppenda kai e israelitura ka liken mai angle katar o Ejipto, ta mukla alava so te cheren leke kokalenchar.

Pala o pachape, o Jakob kana saia po meripe dia po alau e duie chaurrenge katar o Jose kai o Del ka blagosin len, ta istardilo pe pi rovli ta blagosisarda e Devle.

Pala o pachape o Isaak blagosisarda e Jakobo ta e Esaule pala e ezgoda kai saia te aven mai angle.