1 Juan 3

1Dikken pe gachin volil amen o Dad kai ikkarel amen chave e Devleke,#Jn 1.12-13; Gl 4.5-7. goleke o sueto ni pinllarel amen, soke o sueto ni pinllarda le. 2Pplalalen, akana amen sam chave e Devleke, ta ni ios ni sikadol sar ka ava amen, samo llana kai kana ka avel o Jesukristo ka ava sargo vou, soke ka dikka le sar si vou. 3Suako lleno kai si le vera ande le, chistolpe isto vou pe, gia sargo o Jesukristo si chisto.

4Suako lleno kai cherel bilachipe#2 Tesl 2.3-8. ni guruvel o zakono; soke o bilachipe si kana ni guruven o zakono. 5A tumen llanen kai vou likisto te chistosarel amen katar o bilachipe,#Jn 1.29; 1 P 2.24. soke ande le inai bilachipe.#Jn 8.46; 1 P 2.22; 2 Ko 5.21; Ebr 4.15; 7.26. 6Suako lleno kai achel lea, ni cherel bilachipe; soke gua kai cherel bilachipe, ni dikkla le ta ni pinllarda le. 7Chavalen, te na kojavel tumen niko; gua kai cherel o lachipe si lacho sargo vou kai si lacho; 8a gua kai cherel o bilachipe si e llavoloko, soke o llavolo cherel o bilachipe sar kana o Del cherda e manusen.#Jn 8.44. Goleke avilo o Chavo e Devleko te zatrisarel e llavoloki buchi.

9Gua kai biandilo e Devletar ni cherel bilachipe, soke e vicha e Devleki achel lea ta nasti cherel bilachipe, soke biandilo e Devletar. 10Llangliolpe ko si e chave e Devleke a ko si e chave e llavoloke, soke suako lleno kai ni cherel o lachipe ta ni volil pe pplale inai e Devleko.

11Gaia si e viasta kai tumen asunden mai anglal: Te avel volipe maskar amende.#Jn 13.34; 15.12; 1 Jn 2.7-11. 12Na sargo o Kain kai saia bilacho ta mundarda pe pplale. ¿A soke mundarda le? Soke e bucha katar o Kain sea bilache, a e bucha katar leko pplal sea lache.#Gn 4.8.

13Pplalalen, na chudin tumen soke gola kai si katar o sueto murzin pe tumende. 14Amen llana kai nakklam katar o meripe llik kai o zivoto soke voli amare pplalen. Gua kai ni volil pe pplale, achel ando meripe. 15Suako lleno kai murzil pe po pplal si sargo iek lleno kai mundarel;#Mt 5.21-22. a tumen llanen kai gua kai mundarel nasti lel o zivoto ostade. 16Amen pinllara so si o volipe soke o Jesukristo dia po zivoto pala amende;#Jn 10.11; 15.13; Gl 2.20. i amen si te da amaro zivoto pala amare pplalen. 17Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko? 18Chavalen, te na avel amaro volipe samo alava, morabi te sikadol gua volipe katar so chera chachimaia.

19Gia amen llana kai sam katar o chachipe, ta ande amaro lio ka avel vera angla o Del; 20soke te ppukavel amen amaro lio katar fiso, o Del si mai baro neko o lio ta llanel sa e ezgode. 21Pplalalen, amaro lio te na dosarda amen, si amen vera ando Del; 22ta vou ka del amen sogo ka manga letar soke amen kanda leke zakonura, ta chera so drago leke. 23A leki buchi si te pacha ande leko Chavo, o Jesukristo, ta te avel volipe maskar amende gia sar vou sikada amen.#Jn 13.34; 15.12,17. 24Gola kai kanden leke zakonura achen e Devlea a o Del achel lenchar. Goleke amen llana kai vou achel amenchar pala o Duo kai vou dia amen.#Jn 17.21-23,26; Rm 8.14-16; 1 Krn 2.10-12.

Currently Selected:

1 Juan 3: ROM07

Highlight

Compare

Copy