Popular Bible Verses from 1 Juan 3

Share

Chavalen, te na avel amaro volipe samo alava, morabi te sikadol gua volipe katar so chera chachimaia.

Amen pinllara so si o volipe soke o Jesukristo dia po zivoto pala amende; i amen si te da amaro zivoto pala amare pplalen.

Dikken pe gachin volil amen o Dad kai ikkarel amen chave e Devleke, goleke o sueto ni pinllarel amen, soke o sueto ni pinllarda le.

a gua kai cherel o bilachipe si e llavoloko, soke o llavolo cherel o bilachipe sar kana o Del cherda e manusen. Goleke avilo o Chavo e Devleko te zatrisarel e llavoloki buchi.

Gua kai biandilo e Devletar ni cherel bilachipe, soke e vicha e Devleki achel lea ta nasti cherel bilachipe, soke biandilo e Devletar.

Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko?

Gola kai kanden leke zakonura achen e Devlea a o Del achel lenchar. Goleke amen llana kai vou achel amenchar pala o Duo kai vou dia amen.

Llangliolpe ko si e chave e Devleke a ko si e chave e llavoloke, soke suako lleno kai ni cherel o lachipe ta ni volil pe pplale inai e Devleko.

Gaia si e viasta kai tumen asunden mai anglal: Te avel volipe maskar amende.

Pplalalen, na chudin tumen soke gola kai si katar o sueto murzin pe tumende.