H'Rut Klơi Laĭ Thâo Hlâo
Klơi Laĭ Thâo Hlâo
Phăp hr̂ă H'Rut ne r̂ă r̂oi mơ̆ng klơi hơdĭp Naômi, đahmơi sô̆n-sat Israel, hr̂ŏm nă pơtâo ñu H'Rut, đahmơi sô̆n-sat Mô-ăp. Naômi đuĕ mơ̆ng plơi ñu pô hr̂ŏm nă hr̂ŏm kơi ñu, nao dŏ dăng pơ čal Mô-ăp, yua pah anŭn hmâo klơi ĭ lơpa tăm ƀon Yuđa. Pah ñu dŏ pơ čal Mô-ăp, kơi ñu djai lôi. Nă đahkơi ñu 2 r̂ăng dŏ bơnai sô̆n-sat Mô-ăp, a iâo ƀŏ bơnai gơñu Ôpa dăp H'Rut. Jr̂ŏng nŭn nă đahkơi Naômi 2 r̂ăng djai lôi mơ̆n. Tơl Naômi hmĭ a laĭ Ơi Adai pha nŏ ƀŏng pơ Yuđa, nŭn ñu čiăng glaĭ nao. Nŭn H'Rut, nă pơtâo ñu, klaih lôi sô̆n-sat ñu pô, nao pơ Yuđa hr̂ŏm Naômi khma ñu. Ñu laĭ: «Sô̆n-sat ih, sô̆n-sat kâo mơ̆n, Yang ih, Yang kâo mơ̆n.» Ơi Adai br̂ơi H'Rut hmâo kơi phr̂âo a iâo ƀŏ ñu Ƀô-ôh, Ƀô-ôh nŭn thâo r̂ăk-r̂em H'Rut dăp Naômi. Jr̂ŏng nŭn H'Rut pơpôn r̂ai nă đahkơi a iâo ƀŏ ñu Ôƀet. Ôƀet nŭn ơi Đawit, Đawit nŭn yơh ngă pơtao mơ̆ng čal Israel, wŏt ñu ơi don Yêsu Krih he mơ̆n (Mat 1:1-6).
Currently Selected:
H'Rut Klơi Laĭ Thâo Hlâo: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.