Biă 40

Buă bơdŏng sang seng tŏng lơgoh hiam

1Jr̂ŏng nŭn Yêhôwa pơhiăp hr̂ŏm Môsê: 2«R̂ơi ti sa mơ̆ng blan sa, br̂ơi ih bơdŏng sang seng tŏng lơgoh hiam, sang a pơhiăp hr̂ŏm Yêhôwa.#40:2 Sang a pơhiăp hr̂ŏm Yêhôwa ne phar̂a mơ̆ng sang Môsê bơdŏng đĭ mơ̆ng ahlâo (an Biă 33:7-11). Sang hađăp nŭn mơ̆ng sang phr̂âo ne, bih dua boh nŭn a iâo sang a pơhiăp hr̂ŏm Yêhôwa yua bih dua boh sang nŭn r̂ăng nao pơhiăp hr̂ŏm Yêhôwa. Plai sang phr̂âo ne a iâo ha tô̆ dŏng sang seng tŏng lơgoh hiam, yua sang phr̂âo ne r̂ăng ngă yang. 3Br̂ơi ih čr̂oh hip klơi uăn bơgop tăm sang seng tŏng nŭn, jr̂ŏng nŭn tô̆ seng pĭng lôi hip nŭn.#An Biă 25:10-16; 16:33. 4Br̂ơi ih tô̆ tŭ ba nao đah anŭn, jr̂ŏng nŭn bih nŏ yĕt-yĕt a ti čr̂oh ngŏ tŭ, br̂ơi ih dă lôi br̂e.#An Biă 25:23-30. Br̂ơi ih ba nao le phui đeng, jr̂ŏng nŭn tô̆ bih phui đeng nŭn čr̂oh ngŏ le ñu.#An Biă 25:31-40. 5Br̂ơi ih tô̆ pr̂a ngă yang a ngă mơ̆ng maih čr̂oh čuh khiơng ƀâo hiam,#An Biă 30:1-10. ba nao čr̂oh gah năp hip klơi uăn bơgop. Jr̂ŏng nŭn br̂ơi ih tô̆ seng pĭng lôi bah amăng sang seng tŏng. 6Br̂ơi ih tô̆ pr̂a a čr̂oh čuh lôi čĭm ngă yang,#An Biă 27:1-8. ba nao čr̂oh gah năp bah amăng sang seng tŏng, sang a pơhiăp hr̂ŏm Yêhôwa. 7Jr̂ŏng nŭn tô̆ thông#An Biă 30:18-21. čr̂oh plah-wah sang a pơhiăp hr̂ŏm Yêhôwa mơ̆ng pr̂a ngă yang, dăp tuh ia tăm thông nŭn mơ̆n. 8Br̂ơi ih tô̆ seng wĭng lôi jŭm dăl lan sang nŭn, jr̂ŏng nŭn tô̆ seng pĭng lôi bah amăng he mơ̆n.#An Biă 27:9-19. 9Br̂ơi ih tô̆ ia muă boh ôliw a lŭk hr̂ŏm khiơng ƀâo hiam,#An Biă 30:22-38. ba nao tr̂ih sang seng tŏng, dăp tơgr̂ư̆ hnă a yua tăm sang nŭn, nĭng nŭn yơh, ih ti ngă br̂ơi sang nŭn dăp tơgr̂ư̆ hnă tăm sang nŭn br̂ơi lơgoh hiam. 10Br̂ơi ih tr̂ih ia muă nŭn ngŏ pr̂a a čr̂oh čuh lôi čĭm ngă yang, dăp tơgr̂ư̆ hnă a yua mơ̆ng pr̂a ngă yang nŭn, nĭng nŭn yơh, ih ti ngă br̂ơi pr̂a ngă yang nŭn lơgoh hiam, jr̂ŏng nŭn pr̂a ngă yang nŭn ti jr̂ŏng hĕ lơgoh hiam hloh. 11Br̂ơi ih tr̂ih ia muă mơ̆ng thông, dăp le a tŏ ñu, čiăng ngă br̂ơi thông nŭn lơgoh hiam. 12Br̂ơi ih ba nao Ơrô̆n, dăp môt nă đahkơi ñu, nao pơ bah amăng sang a pơhiăp hr̂ŏm Yêhôwa, jr̂ŏng nŭn pơđơi môt gơñu nơi tăm ia.#40:12 Pơđơi môt gơñu nơi tăm ia lơ «Br̂ơi ih jr̂o br̂ơi môt gơñu mơ̆ng ia.» 13Jr̂ŏng nŭn br̂ơi ih tô̆ khô ao lơgoh hiam ba nao buh br̂ơi Ơrô̆n, jr̂ŏng nŭn ling ia muă ƀâo hiam mơ̆ng ñu, čiăng ngă br̂ơi ñu lơgoh hiam, nĭng nŭn yơh, ñu ti ngă buă ngă yang br̂ơi kâo. 14Br̂ơi ih ba nao môt nă đahkơi ñu, nŭn buh br̂ơi gơñu ao đah-lăm, 15jr̂ŏng nŭn ling ia muă ƀâo hiam mơ̆ng gơñu, hla ti ih ling br̂ơi ma môt gơñu mơ̆n, čiăng gơñu ngă buă ngă yang br̂ơi kâo. Klơi ling ia muă ƀâo hiam ne čiăng bơdŏ br̂ơi môt gơñu ngă buă ngă yang tơgr̂ư̆ nôk nao-nao hayoh.»#An Biă 29:1-37.

16Jr̂ŏng nŭn Môsê ngă tui tơgr̂ư̆ klơi Yêhôwa pơtă br̂ơi ñu. Môsê ngă tui hla nŭn yơh.#An Phŭn 6:22.

17Mơ̆ng r̂ơi ti sa, blan ti sa, mơ̆ng thŭn ti dua, gơñu bơdŏng đĭ sang seng tŏng lơgoh hiam. 18Môsê bơdŏng đĭ sang seng tŏng hla ti ne: Ñu čĕ bơbong a čr̂ŏ hơđang gơnăng ha pŏk ha pŏk, dăp čr̂ŏ hơđang gơnăng mơ̆ng bơbong nŭn, jr̂ŏng nŭn hlô̆ kơyâo kăl lôi hơđang gơnăng, nŭn ñu bơdŏng đĭ kơmeh dŏng.#An Biă 36:20-36. 19Jr̂ŏng nŭn ñu phiang seng a ngă mơ̆ng blâo be gah ngŏ sang seng tŏng, jr̂ŏng nŭn ñu gom seng a ngă mơ̆ng klĭ gah ngŏ dŏng, hla ti Yêhôwa pơtă br̂ơi ñu.#An Biă 36:14-18.

20Môsê tô̆ hơđang bohtâo klơi uăn bơgop#An Biă 34:28-29. čr̂oh tăm hip, jr̂ŏng nŭn čr̂ŏ gai a kông tăm hip, dăp klŏp lôi kơnŏp ñu, kơnŏp nŭn a iâo “Kơnŏp klơi pơsĭl lôi klơi glaĭ.”#An Biă 25:17-22. 21Jr̂ŏng nŭn ñu tô̆ hip ba nao čr̂oh tăm sang seng tŏng, nŭn ñu kă đĭ seng pĭng lôi hip klơi uăn bơgop, hla ti Yêhôwa pơtă br̂ơi ñu.#An Biă 26:33-34.

22Môsê čr̂oh tŭ#An Biă 40:4. tăm sang seng tŏng a pơhiăp hr̂ŏm Yêhôwa, dŏ gah năp seng nŭn, mơ̆ng ping gah djao tăm sang seng tŏng,#40:22 Bah amăng sang nŭn pơmoh nao pơ ping gah ngŏ. Nŭn yơh jơ̆ a mŭt nao tăm sang, a ti ƀôh tŭ nŭn dŏ gah nuă. 23jr̂ŏng nŭn ñu dă nŭmpăng mơ̆ng tŭ nŭn ti năp Yêhôwa, hla ti Yêhôwa pơtă br̂ơi ñu.

24Môsê čr̂oh le phui đeng tăm sang a pơhiăp hr̂ŏm Yêhôwa bŏng nao r̂ai năp tŭ, mơ̆ng ping gah nuă tăm sang seng tŏng,#40:24 Jơ̆ a mŭt nao tăm sang, a ti ƀôh le phui đeng nŭn dŏ gah djao. 25jr̂ŏng nŭn ñu čr̂oh đĭ bih phui đeng ti năp Yêhôwa, hla ti Yêhôwa pơtă br̂ơi ñu.#An Biă 40:4.

26Môsê čr̂oh pr̂a ngă yang a ngă mơ̆ng maih#An Biă 40:5. ti năp seng a pĭng lôi hip, tăm sang seng tŏng a pơhiăp hr̂ŏm Yêhôwa, 27jr̂ŏng nŭn ñu čuh khiơng ƀâo hiam ngŏ pr̂a ngă yang nŭn, hla ti Yêhôwa pơtă br̂ơi ñu.

28Môsê tô̆ seng pĭng bah amăng sang seng tŏng,#An Biă 26:36-37. 29nŭn ñu tô̆ pr̂a a čr̂oh čuh lôi čĭm ngă yang,#An Biă 40:6. ba nao čr̂oh gah năp bah amăng sang seng tŏng, sang a pơhiăp hr̂ŏm Yêhôwa. Jr̂ŏng nŭn ñu tô̆ čĭm čuh lôi ngă yang mơ̆ng pr̂a nŭn, dăp čuh lôi pŭng a pơyŏl mơ̆ng pr̂a nŭn mơ̆n, hla ti Yêhôwa pơtă br̂ơi ñu.#An Biă 29:38-42.

30Môsê čr̂oh thông ia#An Biă 40:7. plah-wah pr̂a ngă yang, mơ̆ng sang a pơhiăp hr̂ŏm Yêhôwa, jr̂ŏng nŭn ñu tuh ia tăm thông nŭn, čr̂oh a r̂ao. 31Thông ia nŭn a čr̂oh br̂ơi Môsê dua ñu Ơrô̆n, dăp môt nă đahkơi Ơrô̆n, r̂ao le ngan gơñu. 32R̂ĭm wŏt gơñu mŭt nao tăm sang a pơhiăp hr̂ŏm Yêhôwa, môt gơñu r̂ao le ngan hlâo ƀơĭ, dăp r̂ĭm wŏt gơñu nao jĕ pr̂a ngă yang, môt gơñu r̂ao le ngan mơ̆n, hla ti Yêhôwa pơtă br̂ơi Môsê.

33Sang seng tŏng dăp lan ñu wŏt pr̂a ngă yang, Môsê tô̆ seng wĭng lôi jŭm dăl, jr̂ŏng nŭn ñu tô̆ seng pĭng lôi bah amăng lan sang nŭn mơ̆n.#An Biă 40:8.

Nĭng nŭn yơh, Môsê ngă bih buă nŭn jr̂ŏng boih.

Kơthŭl gơnăm dăp klơi gơdr̂ih-gơdr̂ŏng Ơi Adai

(Yap 9:15-23)

34Jr̂ŏng nŭn kơthŭl gơnăm#An Biă 13:21; 19:9, 16; 33:9. r̂ai gom lôi sang a pơhiăp hr̂ŏm Yêhôwa, dăp klơi gơdr̂ih-gơdr̂ŏng Yêhôwa dŏ bŏ mơ̆ng sang nŭn. 35Môsê bĭ thâo mŭt nao tăm sang a pơhiăp hr̂ŏm Yêhôwa ôh, yua kơthŭl gơnăm dŏ ngŏ sang nŭn, dăp klơi gơdr̂ih-gơdr̂ŏng Yêhôwa dŏ bŏ mơ̆ng sang nŭn mơ̆n.

36R̂ĭm wŏt Ơi Adai ngă br̂ơi kơthŭl gơnăm đông đĭ biă đuĕ mơ̆ng sang seng tŏng, nŭn nă čo Israel gŭ đĭ bat nao pơ năp dŏng. 37Plai jơ̆ laĭ kơthŭl gơnăm bĭ đông đĭ ôh, gơñu bĭ gŭ bat nao le, khă tơl r̂ơi kơthŭl gơnăm nŭn đông đĭ. 38Yua gah r̂ơi bih nă plơi lan Israel ƀôh kơthŭl gơnăm Yêhôwa dŏ gah ngŏ sang seng tŏng, plai gah mlăm dŏng, gơñu ƀôh phui dŏ tăm kơthŭl gơnăm nŭn mơ̆n, tơgr̂ư̆ ƀon pă Yêhôwa ba nao gơñu.

Currently Selected:

Biă 40: JKB

Highlight

Copy

Compare