Mathiơ 14
14
Hêrôt pơdjai Yôhan Ƀatem
(Mak 6:14-29; Lŭk 9:7-9)
1Pah anŭn Hêrôt#14:1 Hmâo Hêrôt dua r̂ăng, ha r̂ăng ma, ha r̂ăng nă. Hêrôt ne nă. Ma ñu Hêrôt ngă pơtao pah a pơpôn Yêsu. An Mat 2:1 . ngă pơtao mơ̆ng ƀon Galilê, ñu hmĭ a r̂ă r̂oi mơ̆ng klơi Yêsu ngă. 2Nŭn ñu hiăp hr̂ŏm môt ngă buă ñu, ñu laĭ: «Nŭn Yôhan Ƀatem yơh,#An Mat 3:1. ñu dĭp glaĭ mơ̆ng môt djai boih, nŭn yơh ñu thâo ngă buă myang mơsêh hla ne.» 3Yua ahlâo Hêrôt mă čă Yôhan ba nao čĕ khŭk#An Mat 4:12; 11:2. yua mơ̆ng Hêruđie bơnai Philip, Philip nŭn dơi Hêrôt. 4Hêrôt mă čĕ khŭk Yôhan yua Yôhan laĭ ñu: «Klơi juăt Môsê khă bĭ br̂ơi ih mă tô̆ bơnai dơi ih ngă bơnai ih ôh.»#An Lêwi 18:16; 20:21. 5Hêrôt čiăng pơdjai Yôhan, plai ñu huĭ nă plơi lan yua gơñu yap Yôhan pô ba pơhiăp Ơi Adai. 6Tơl r̂ơi hơdŏl glaĭ r̂ơi a pơpôn Hêrôt, nŭn nă dr̂a Hêruđie mŭt nao suang ti năp môt tuai, ngă br̂ơi bŭt Hêrôt mơ-ak. 7Jr̂ŏng nŭn Hêrôt hiăp uăn hr̂ŏm nă dr̂a nŭn, laĭ ti br̂ơi nŏ yĕt ñu dueh. 8Mĭ ñu pơčeh br̂ơi ñu, nŭn nă dr̂a nŭn nao dueh mơ̆ng Hêrôt, ñu laĭ: «Br̂ơi kâo kŏ Yôhan Ƀatem čr̂oh tăm thah ba r̂ai pơ kâo ha ane.» 9Pơtao ñu bĭ ak bŭt ôh, plai ñu dŏ nŏng pơđơi r̂ăng ngă tui klơi nă dr̂a nŭn dueh, yua mơ̆ng klơi ñu uăn ti năp môt tuai. 10Ñu pơđơi r̂ăng nao pơ khŭk tr̂ĕ tô̆ kŏ Yôhan, 11nŭn r̂ăng čr̂oh kŏ Yôhan mơ̆ng thah ba nao br̂ơi nă dr̂a nŭn, jr̂ŏng nŭn ñu ba nao br̂ơi mĭ ñu. 12Môt hyĕn tui Yôhan jak gŏp gơñu nao tô̆ tâo Yôhan ba nao dŏl lôi, jr̂ŏng nŭn gơñu nao laĭ thâo br̂ơi Yêsu.
Nŭmpăng ma tô̆ čem mơnuih ma bâo r̂ăng
(Mak 6:30-44; Lŭk 9:10-17; Yôh 6:1-14)
13Pah Yêsu hmĭ klơi nŭn, ñu tr̂ŭn nao đĭ duk biă mơ̆ng ƀon nŭn, nao dŏ ƀon lơngăn taih mơ̆ng mơnuih lô nŭn. Tơl r̂ăng hmĭ klơi ne, hmâo mơnuih lô biă mơ̆ng plơi pơkŏn-pơkŏn, bat le tui nao Yêsu. 14Tơl Yêsu tr̂ŭn đuĕ mơ̆ng duk, nŭn ñu ƀôh mơnuih lô kĕt-keng, ñu hmâo bŭt-tai pap-dr̂ap gơñu, nŭn ñu ngă pơhuai br̂ơi mơnuih wă-nuă mơ̆ng môt gơñu br̂ơi huai. 15Tơl jĕ klăm môt hyĕn tui r̂ai pơ Yêsu, gơñu laĭ: «Ƀon ne taih mơ̆ng plơi r̂ăng, dăp ti mŏt boih, br̂ơi mơnuih lô ne wŏt glaĭ wŏ čiăng gơñu mŭt nao tăm plơi, blơi hnă ƀŏng gơñu pô.» 16Nŭn Yêsu laĭ nao pơ gơñu: «Anăm yong br̂ơi gơñu glaĭ ôh, gô-ih yơh pha br̂ơi gơñu hnă ƀŏng.»#An 2Pơtao 4:42-44. 17Môt hyĕn tui hiăp laĭ: «Ti ƀon ne mơi bĭ hmâo nŏ yĕt ôh, hmâo kăn nŭmpăng ma tô̆ dăp kan dua dr̂ơi đơč.» 18Yêsu laĭ: «Mă nŭmpăng dăp kan nŭn ba r̂ai pơ kâo.» 19Jr̂ŏng nŭn Yêsu pơđơi mơnuih lô nŭn dŏ ben mơ̆ng mr̂ơ̆k. Yêsu mă nŭmpăng ma tô̆ kan dua dr̂ơi nŭn, ngak đĭ ƀŏ ñu ngŏ adai dih dăp bơni Ơi Adai, jr̂ŏng nŭn wŏk nŭmpăng br̂ơi môt hyĕn tui ñu ček br̂ơi mơnuih lô nŭn.#An Mat 26:26-27. 20Bih gơñu ƀŏng tr̂ơi soh-sel, nŭn gơñu dôñ pơƀô̆ glaĭ nŭmpăng lơbeh nŭn, hmâo pluh dua gơjơ. 21Mơnuih ƀŏng nŭn a yap tô̆ đahkơi đơč, ai-ñu hmâo ma bâo r̂ăng, bĭ yap môt đahmơi dăp nă muai ôh.
Yêsu bat ngŏ ia
(Mak 6:45-52; Yôh 6:15-21)
22Jr̂ŏng nŭn Yêsu pơđơi môt hyĕn tui ñu đĭ duk găn nao hang gah dih hlâo, plai ñu dŏ hiăp hr̂ŏm mơnuih lô, pơđơi gơñu glaĭ. 23Jr̂ŏng Yêsu pơđơi môt nŭn glaĭ boih, nŭn ñu đĭ nao pơ kŏ čĭ ha dr̂ơi-jĕn ñu, čiăng iâo-laĭ. Tơl yop ti mŏt ñu dŏ nŏng dŏ ha dr̂ơi-jĕn ñu pơ anŭn mơ̆n. 24Pah mông nŭn duk biă nao taih mơ̆ng hang ia boih, nŭn hmâo angĭn bă găn lôi duk, wŏt glah ia klă nao r̂ai. 25Jiăm ti đaih, Yêsu bat ngŏ ia găn nao pơ môt hyĕn tui ñu. 26Tơl môt hyĕn tui ƀôh ñu bat ngŏ ia hla nŭn, môt gơñu huĭ br̂al dăp laĭ: «Bơngăt tâo yơh ne!» Gơñu ôl yua gơñu huĭ. 27Plai Yêsu pơhiăp nao pơ gơñu tăñ: «Dŏ đŏng bŭt-tai wŏ, kâo la, anăm huĭ ôh!»#An Mat 28:10; Pơƀôh 1:17. 28Pêtrôih laĭ nao pơ Yêsu: «Ơ khua, jơ̆ ih dơdi pơđơi kâo bat ngŏ ia nao pơ ih ho.»
29Yêsu laĭ: «R̂ai wŏ!» Nŭn Pêtrôih tr̂ŭn mơ̆ng duk bat ngŏ ia nao pơ Yêsu. 30Plai tơl ñu ƀôh angĭn kơtang, ñu huĭ, nŭn ñu tr̂ăm tr̂ŭn, ñu iâo ôl laĭ: «Ơ khua, dŏng kâo he wŏ!» 31Yêsu yo ngan mă nao ñu tăñ wŏt pơhiăp hr̂ŏm ñu: «Ơ mơnuih hmâo klơi ngư̆ anĕt,#An Mat 6:30. yua yĕt bŭt ih đĕl-đŏl hla nŭn?» 32Nŭn Yêsu dăp Pêtrôih mŭt tăm duk, jr̂ŏng nŭn angĭn dŏ đŏng hĕ. 33Môt dŏ tăm duk bon kơkuh pơpô̆ Yêsu dăp laĭ: «Ih nă Ơi Adai dơdi yơh!»#An Doh 2:7; Mat 3:17; 4:3.
Yêsu ngă pơhuai mơnuih mơ̆ng ƀon Kênêsaret
(Mak 6:53-56)
34Tơl gơñu găn tr̂uh hang gah dih boih, nŭn gơñu mŭt nao tăm ƀon Kênêsaret. 35Tơl nă plơi lan dŏ ha anŭn, thâo kr̂ăn laĭ ñu Yêsu boih, nŭn gơñu pơđơi mơnuih pơanah yô r̂ă r̂oi jŏp-jang tăm ƀon nŭn, dăp ba r̂ai bih mơnuih wă-nuă pơ Yêsu. 36Jr̂ŏng nŭn, gơñu dueh alôm Yêsu, br̂ơi gơñu ñah kăn tơkai ao ñu đơč.#An Mat 9:20-21. Bih mơnuih ñah, huai soh-sel.
© 2024, Wycliffe Bible Translators, Inc.