SHOLUMON JIKHOIN" 3
3
1Nga" yhoeb yoo tho' moo myen khang" myen yhoeb wigi
ngoo jheddab su: ri yhoebmo, myang zi nghoid.
Ngoo nyang: ri cang sho: nghoid loug we' nyang: ri ashoug" myang nghoid da:.
2Ngoo gi voomoo" khoug: cang khyoo: cang yhoem: gyoo: cang thu so" yen" wigi
ngoo gi ngoo jheddab su: ri cang shoo: bye: zi nghoid.
Ngoo cang shoo: nghoid loug we' nyang: ri ashoug" myang nghoid da:.
3Voomoo" zung" bang: ri myang wigi
ngoo gi nyangnu" ri nanu" nga" jhed ri abo myang goo" la" ein: myid: bye:.
4Nyangnu" yo' gang: go" thang: daso' zoo: ri
nyang: ri ngoo shau" myang bye: zi nghoid.
Ngoo nyang: ri zei: zeing wigi nga" myhi' da" yhoem: ngoo ri khu: kaid da" yab moo
aju" ju" gi nyang: ri anhang: kaid zi nghoid.
5Yerusalem myiyi: myhi' yi we"-
Nanu" gi ngoonu" da" jheddab myid ri aphyed pyam wa ein:
shoocid: joem yo' xaid joem ri jham' tang: lho:
ngoo ri dangsoo" khoin" byid: we'.
Soem" Loem: ein: da" Jikhoin"
Myiyi: myhi'
6Kid" ung" bang: oung" byid: da" nam pyo: Mura xu: myikhoug" pung yhang: ti"
dain" pyoid yoo khyo" nam do, lo zigi cenoem nghoid lha".
7Sholumon gi nya: zhungtang moo zhoung: wigi dang lo nyid ago".
Israela mung" mo reung: thang da" gyizoo: yi nghoid da"
kangso' zung" bang: khyug xi: yug we' bo da:.
8Nyangnu" dangain" shamcoin" ci: wigi meing: zain: jang" moo seing" yang" bang: nghoid ago".
Myen" ri thougtheung zain: bang: gye" bo wigi
nyangnu" yugkhang" moo" gi shambyang ri voin ci: ago".
9Khokham Sholumon gi seig phau" thang ja: yo'
koid da" zhungtang moo zhoung: wigi dang lo ago".
10Houg: da" zeing moo ngei yo' thoeb.
Houg: atho' moo myhu" da" pain" gi sheing: khyeing: pain" nghoid.
Hau: da" tang nhi" gi Yerusalem mo myiyi: myhi' yi
jheddab myid yo' yo, to" da" khalham" void pain" nghoid da:.
11Ziun myiyi: zoo: yi we"- re" wigi khokham Sholumon ri yu" ge'.
Nyang: gi lo, xo' pui" koid da" pyo: thang goug thang nyid" ri
nya: vhuloem moo nya: myhi' zhung" byid: da" bidmug ri zhung" ci: da:.
Currently Selected:
SHOLUMON JIKHOIN" 3: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.