SHOLUMON JIKHOIN" 2
2
1Ngoo koem' gi Sharon jang: pa: mo zukyen: bain:
boem gyoo: cang yug da" myioeb bain: danghoid da:.
Yuggi phoo
2Zu: gyoem" mo myioeb bain: yhang: ti" nga" jheddab su: gi
byid: zoomyi: yi myoo" sho' akhoug: moo nyid nyid da:.
Myiyi: myhi'
3Nga" jhed ri gootu: yuggi yi yo' tu' yu" ri
siyoo gyoem" mo shisang" gam yo' du nyid da:.
Ngoo hau: bid shoem: moo zhung: nau wigi
agam moo shi" gi nga" shid re" gye" coug: nyid zi nghoid.
4Nyang: gi ngoo ri pui" yhoem: khyoo: shu" vang lo" wigi nga" atho' moo jheddab ga: da" dungkhoin: ri tab to" da:.
5Ngoo ri zabyid shi" yo' yoem: boo nhang: wigi
shi" sang" yo' gyeing: loo" nhang: zi nghoid.
Ngoo gi jheddab myid yoomo noo shoug" nyid.
6Nya: lo, kung" lo, nga" vhuloem gyid" moo kaid to" wigi
nya: lo, yo lo, yo' ngoo ri po: ci:.
7Yerusalem myiyi: myhi' yi we".
Nanu" gi ngoonu" da" jheddab myid ri aphyed pyam wa ein:
shoocid: joem yo' xaid joem ri jham' tang: lho:
ngoo ri dangsoo" khoin" byid: we'.
Eig loem: Ein: da" jikhoin"
Myiyi: myhi'
8Nga" jheddab su: da" thui: ri ngoo shau" gyo:
Nyang: gi nga" jhang khyoo: boem gung khyo" we'
boug bu" zoo: joem khyo" we' byam gi gi tang" lo nyid da:.
9Nga" jheddab su: gi xaid yam" zoo: yo' du da:.
Shoo" cid: loo: yhang: ti" du da:.
Nyang: gi vang khyam: yam moo lo yab jo.
Nyang: gi bang: zoo: khoem" mo we'
xi' yam duang: bang" mo we' jau" yu" kaid da:.
10Nga" jhed su: gi ngoo ri dang: tid nyid da:.
Yuggi phoo
Nga" jhed we" cang loo we'.
Nga" kang: tei" we" ngoo yo' dage" yhi: shang.
11Xung" lid lo wigi moug: we' avoo loo:.
12Kyoem: khoug: moo bain: boo" bo" young" jo, bye:.
Jikhoin" khoin" wa da" ayo, ju" bye:.
Yoodam moo pheing" kyoug" myeung thui: ri shau" gyo:.
13Lafoem' shi" joem we' myheung shid" loo bye:.
Zabyid boo" bo" ziyo' nam pyo: nyid da:.
Nga" jhed we" cang loo we'.
Nga" kang: tei" we" ngoo yo' dage" yhi: shang.
14Nang gi lug pyo' gyoo: moo nyid da" pheing" kyoug" yo' du da:.
Re" da" yu" jheddab tung" myonhoo: ri ngoo ri yu" nhang: we'.
Re" gyoo: noug tung" da" thui: ri ngoo ri gyoo: nhang: we'.
15Zeigni joem yo' zeigni zoo: yiri myheig too" we'.
Nyangnu" gi ngoonu" da" aboo" boo" bye: da" zabyid khyam: ri
lhu: shoin' pyam bye: zi nghoid.
Myiyi: myhi'
16Nga" jheddab su: gi ngoo seung: su: nghoid wigi ngoo ri we' nyang: seung: da:.
Nyang: gi nya: gougnyhoug joem ri
myioeb bain: yoo moo coung" zho" nyid da:.
17Nga" jhed we" nab soin: lid zoo" aloo: shi" uri
Myen" thang: moug: acoid shi" uri Bethera boem gung moo
xaid zoo: shoocid: loo: yhang: ti" doem tau" loo we'.
Currently Selected:
SHOLUMON JIKHOIN" 2: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.