2~KORINTHU 12

Lagyo: Polu Myang Da" Myo, Myang Yo' Pang Shoug Khyoo:

1Phau: khuang khyoo: gi akyu" aboo nghoid loug we hau: Aseing: jang" mo pang shuog da" khyoo: yo' myo, myang yo' sen: wigi ngoo phau: khuang kyoo shi" wa. 2Khristan byu dayug gi dayung moo lid loo" bye: daxe: myid: zain ayo, moo myhang: thang da" moug: khung: seom" pyam moo shu" dang: do, lo" zi shau: khyoo: ngoo se' (Hougsu" shu: dang: do, lo" ziri gung du: yo' nghoid loug hougsu" anghoid lang" gi gungdu" abo la". zi ngoo asi Mangsoo za: dase' nyid. 3Ngoo doem poug tid ba hau: byu ri pharadisu ju" sho' shu" dang: lo: zigi ngoose. Hau: zigi gyeung" nyang: bue" la". hougsu" anghoid lang" gi yhoebmo, za: te: nghodi la" mangsoo: za: dase. 4Hau: khyi, moo nyang: shug gyo: khyoo: gi xangsu: byu yi da myeung" khyo" age tid. Bu yi da" nhoid moo ayo" loung: ja: nghoid. 5Hougsu" yoomo hau: youg da" khyoo: ri ngoo phau: khuang wa.Nghoid loug we' ngoo nyang: khayhi' yoem: nu: nyid tho' moo gootu- nga" khyoo: ri ngoo nyang: aphau: khuang noug. 6Ngoo phau: khuang noug nghoid loug we' akoo" apyoid, su: ngoo bue" loo" wa za nghoid. Khasu" wim gari ngoo gi deugmain" khyoo: za: tid wa zi nghoid nyid. Nghoid loug we' ngoo aphau: khuang wa_Khasu" wim gari hang" nghoid loug we' ngoo zei da" moo" yo' tid da" dang: ri yo" myang boem wa nghoid wigi ngoori se' da" tho' moo ngoori myid gyi: khyoo: gi aboo goo" baja".

7Ngoo myang da" lo" thang aved' alhoo: yoomo ngo moo nheugloem: gyi: phau: khuang da" khyoo" aboo baja". Nga" da" gung moozu: no da" zi daja kham‹ zo: nyid. Hougsu" zu" nho: da" ziri satan wigi nhang" kaid da" lagyoo: phoo yhang: ti"- ngoori baid nhoug wigi nga" da" phau: khuang zi ri khyau" pyam' byid: nyid. 8Hau: zu" nho: noo ri shoem" pyam byid: wa shid re" ngoo gi hau: Aseing: jang" moo soem" lheung: ju" sho' akhuyu" mho' bye. 9Nghoid loug we' Mangsoo gi Nga" jeju" gi nangca" khyoo: shid re" ge" nyid bye- Khasu" wim gari nang: yoem: nu: lo" uri nga" yoem: moo" so' moo" gi reung: thang nyida" ga: wigi ngoori tu" byid: bye. Hougsu" nghoid yoomo Khristu da" yoem: zeing so' moo" gi-ngoo ri goem loem byid: lho: khau nghi: joyoo nghoid nyid tho' moo agoo"- ngoo yeom: nu: loo" yoomo ngo phau: khuang joyoo nghoid nyid. 10Hougsu" nghoid yoomo ngoo gi Khristu yoomo kham zeing: da" yoem: nu: khyoo joem- zeing:-kyi" khyeug khyoo:- pyishoo: lug lheung: khyoo: yo yau: khe" khyoo: yoomo gau yi nheig deug nyid.

Korinthu Byu Yi Shid Mo Lagyoo: Polu Gung Youg Bo Youg

11Ngoo gi koo pyoid yhang: te" zi nghoid nyid nanu" ge" ngoori khugsu: bue" loo" nhang: zi nhgoid. Nanu" gi ngoori bo thug khain: mo, nghoid ca" nyid. Khasu" wim gari ngoo ci" we' anghoid su lang" gi nanu" da" akhyag ga: da" Lagyoo: yi, tho' moo khasu" koid loug nge loo wa zi anghoid. 12Ngoo gi Lagyoo: dayug nghoid khyoo: sagsi: toin" shid wa shid re" myo: thang" da" alhoo: again joem yo' mau" pho" moozoo"- joem ri nanU" da" shid khoin" moo nheigloem: gyi: sheung: ziyo' toin" shed lid lo yu" bye. 13Nanu" jang" mo pang" thoug da" ngei ayu tho' moo agoo"- ngoo nanu' ri gootu: phung: yi yo' azhang nyhoem: khyo" koid lid lo yu" bye: la". Hougsu" myonhoo: khyen: da" yooboo koid shoid loo bye: nghoid rigi yooboo ri khyoid byid: ge'.

14Akhid" ngoo nanu" jang" moo soem" lheung: ein: lheung: re" ju" loem: wa shid re" jen" jen" nghoid nyid bye. ngoo nanu" ri gootu: ci: amho, noug nyid loo: wa. Khasu" wim gari ngoo vho: da" khyoo: gi ngei sheung: anghoid. Nanu" ri za: ngoo vho:-gyeung" nyang ga: rigi amyed ashen yigi nya : myhi' nya pho be" shid mo soidgain young: too" byid: aeung. Nya: myhi' nya pho she, nya: zoo: myid: yi shid re" young" too" byid: eung: nyid. 15Ngoo gi nanu" ri pang" thoug wa ein: nghoid rigi ngoo yo" zi dangain" yo' nga" gungdu: lhang ri ci: yhoung: pyam wa zi vho: ngei nyid su: nghoid. ngo nanu" ri gye" jheddab yoomo nanu" gi ngoori dajhi' za: te" jheddab wa zi nghoid la".

16Houg: yomo ngoo gi nanu" ri yoovoin lid: nhang: su: anghoid da" khyoo: nanu" myid eing: yhen: yu boem goo' wa nghoid. Nghoid loug we' ngoo gi nanu" ri mhau' fain" khyo" lid, mhoid thoung: to" lho: nyain: nyid ga: byu dayug yug gi tid loo goo" wa. 17Ngoo kha khyo" mhoug zoo: fain" zo: lo yu" bye: la". nanu" jhang khyoo: ngoo nhang: kaid da" lagyoo: yi mo khayug loem: nanu" ziyoo soid gain joem ri shoem" zo nyid go" la". 18Ngoo gi Titu ri nanu" jhang khyoo: ri" wa shid re" mho' lho: wigi da nhang" kaid. Gootu: mang: nhung" Khristan dayug we' nyang: yo' bo cang re" Titu gi nanu" tho' moo amyeung" ci: lho: jhoid shoem" zo: yu" la". nyang: yo' ngoo gi myid soin: Khyoo: daloem: za: shoin" wigi khyoo: daja: moo za: so" zi anghoid la".

19Ngoonu" gi ngoonu" nya: gung- ce: yooboo ayoo" ein:- shoem" goem dang: tid bang: nghoid ga: jhoo: go" la". Hougsu" anghoid o! Khristu tid nhang: nau: ziyo' dakhyoo" ti"- Mangso shid khoin" moo ngoonu" tid sang: nyid boem. Hau: tho' moo gootu: jheddab mo, we"-Ngoonu" zeiso' khyoo: dangain" gi nanu" ri pang" thoug wakhyoo" za dakoid nyid boem. 20Nanu" jang" moo ngoo ju" re" ri ngoo vho:- myang nau khyo" nanu" anghoid nyid lang wa ziri we' nanu" we' hau: vho: khyoo:- myang nau khyo" ngo moo anghoid nyid wa ziri we' ngoo gung: youg yau nyid. Hau: lho: ngoo gi nanu" moo myeung" myoo: yhoo: she: da" khyoo: noo" goo" zoo go" da khyoo:- nheig yo phoin: khyoo:- nyang: nya: akyu" za: sho: khyoo: dayug yo' dayug gei sang: shang pyang: go" khyoo: dang: so' so' go" khyoo: ngeug goo hi: go" ziyo' atoug" ashu: lu: fu: go" adu aveing" go" khyoo: ri ngoo re" myang wa ziri gung: youg yau nyid. 21Nanu" jhang khyoo: ngoo doem ju" re" uri Mangsoo gi ngoori nanu" da" shid khoin" moo doin: khyo' pyam zi shau" wa zi we ci' nyid akhid" nyid ju" sho' ri we' nheigloem: athid loo: za_ aved asam' akyang" byo, lho: nyam ziyo' gaintho' zung mo, myoo" sho' nyid boem yoomo ngoongoug byid thu' wa ziri ci nyid.

Currently Selected:

2~KORINTHU 12: LCL

Highlight

Copy

Compare