SOLOMON HLA 4
4
Mipa
1Mawi sersi ee, ka duh bik cu,
Na lu tuamnak puanmawi phen ih
Duhnak khat mi na mit sersi,
Gilead tlang in merual tlan bang
Na samthlai rem zam sialso hai.
2Meh le kholhfai mi tuuhmul bang
Na ha tianrem vaarte in an fai;
A beuh um lo rem thliahthli hai.
3Patsen hlaar bang na hmur a mawi,
Na ṭong mawite khawh a
theih lo;
Na lukhuhnak puan naal phen in,
Na biang note a lang cemci.
4Na hngawng, David lungdawl sang
bang,
Ngil ih a hluum zetmi a bang;
Ralphaw thawngkhat baannak bangtuk,
Hlawnthil ṭhirual erhnak a si.
5Na siangṭaang ih pawhte tla cu,
Lili pangpar mawi bik lakih,
Zukneng faphir pawhfawp
an bang.
6Mura zihmui tlang cung parah,
Cuih rimhmui tlang ah ka um
ding;
Zinglam thlizil a hran tik le,
Khawfing a cah tiang ka um
ding.
7Ka duh bikmi na mawizia hi!
Soi ding um loin na mawi
hleice!
8Lebanon tlang in i thlun aw,
ka ham cia mi;
Lebanon ihsin rung hram aw;
Kiosa le tlavang pawl an umnak
Amana Tlang, Senir tlang le
Hermon tlang ihsin rung
ṭum aw.
9Zohkhop thei lo ka thainu ding,
Na ṭaang cung ṭhi erh mi
tla in,
Ka lung thinril hmuah in a lak.
10I duhnak in ka lung ngamter,
Ka lunghnemtu le ka ham cia;
I hnamnak cu sabit hnakin a thlum
sawn;
Na zihmui cu ziangdang hnakin a
rim a hmui sawn.
11Ka duh bikmi,
Na hmur khuaitizu bang in
a thlum;
Na ṭong ka hrang hnawi le
khuaitizu bang an si.
Na thilthuam cu Lebanon rimhmui
bang a hmui.
12Ka thinhnemtu, ka ham ciami,
A thup lakih hmuan vek a si;
Kulh mi hmuan le maih bul cerhti;
13A cu tawkah hanghnah ziangkim
mawite in an cerh;
Hmangthaw rahnak taleti hmuan
bangin an ciing;
Hmangṭha bik in a rah a suak.
14Henna le nard, saffron le,
Kalamus le sinamon pawl,
Rimhmui phunphun an kim a si.
Mura le aloi tla an um,
Rimhmui bik phun tiangin
an kim.
15Cerhti put le tiva luang in
Cuih hmuan cu an hningter
ringring;
Lebanon tlang ihsin rung luang,
Tiva pawl in ciarter ringring.
Nunau
16Maw saklam thli, nang ṭhang
thlang aw;
Maw thlanglam thli, ka hmuan
hran aw;
A sungah rimhmui khatter aw;
Lung ka duh val a hmuan pan seh,
A hmang thlum bikmi rah ei seh.
Currently Selected:
SOLOMON HLA 4: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.