SOLOMON HLA 3
3
Nunau
1Zansiar ka tintling ah zau ing,
Ka duh nang hi zanmang lawng
ah maw ka lo man;
Hawl len hmanning ka tong thiam lo.
2Khawpi kot-thler zalam tawi in,
Zinpi, zinṭeek khalah ka zoh;
Lung ka duh val lawng cu ka hawl,
Hmanseh ka tong thei ve si lo!
3Khawsuah hau-hnar kiltuón in hmu,
“Ka duh valpa nan hmu maw?”
tiin ka sut.
4Anmah ka lan vete in ka tong;
Thlah thiam nawn loin kutin ka kai;
Ka suahsemnak ka nuih innsung
thlenpi hlan cu.
5Jerusalem leengrual le tla,
Kan duhawknak kharhmar lo dingin,
Zuanzaang tlan cak zukneng,
zaathar hminsaal in,
kei thu in kam uh.
Hla Fingthumnak
Nunau
6Nelrawn ihsin meikhu zing bang,
Sumsaw hawltu pawl ih zuarmi,
Zihmui le mura rimthaw thawn,
A rami hi ziangso a si?
7Solomon a ra luailo lai,
A bawi tokheng parah an phur;
Israel ralkap sungih ṭha bik,
Ralkap sawmruk tla in an kil.
8An zatein ralnam hmang thiam,
Raldo ṭhangtu thiam pawl si hai.
Ralnam cio kha an hmanter ih,
Zan ih ral ruk do thei dingah.
9Thing ṭha bikih tuahmi a bawi
tokheng parah,
Solomon siangpahrang bawi an phur.
10Bawi tokheng ke ngun in an khuut,
Sui pianzia puan in an tuam,
Coihcinmawi suipuan mawi cun;
A todan nem sendup puanih tuammi,
Duhnungza in Jerusalem nuih
tahmi a si.
11Ra suak cio uh Zion nunau,
Siangpahrang Solomon ra zoh uh;
A sui lukhuh a lu tlunah a khum,
A nupi ṭhit a lungawi le thinnom
ni ih
A nu ih khumter mi cu a si.
Currently Selected:
SOLOMON HLA 3: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.