SAAM HLABU 19
19
Sersiammi Parah Pathian Sunlawinak
1Van pawl khin Pathian sunlawinak
an sim ih,
Tlolak kaupi cun a kutsuak
an langter.
2Sun in sun hnenah thu a sim ih,
Zan in zan hnenah theihnak
a thlenter.
3Ṭong an hmang lo, aw khal
an suah lo;
Thawmvang zianghman theih a si lo.
4Asinain an aw cu leilung khua
zakip ah a thang;
An thuthanmi cu vanhram deng
a thleng.
Van ahl khin Pathian in ni hrangah
puanthlam a zar sak;
5Ni cu a inn ihsin mo neitu
tlangval pa bangin a rung suak,
Tlan zuamnak ih a teltu tlangval
ṭha bangin.
6Khatlam vanhram dengin a thok ih,
Khatlam deng tiang a heel ih
a tlan.
A satnak ihsin zohman a relh
theitu an um lo.
Bawipa Ih Daan
7 Bawipa ih daan cu a famkim,
Nunnak thartertu a si.
Bawipa ih thupek mi pawl cu
rintlak an si,
A fim lomi fimnak petu a si.
8 Bawipa ih daan pawl cu
a dikzet,
A thluntu hrangah lungawinak a si.
A thukham pawl cu a dikzet,
Thinlung mit vaangtertu a si.
9 Bawipa ṭihzah cu
a thiangfai,
Kumkhua in a hmun ringring.
Bawipa ih thu ṭhennak
cu a dik,
Ziangtik khalah a dik a si.
10Sui hnakin duh a um sawn,
Sui ṭha bik hnak khal in.
Khuaitizu hnakin a thlum sawn,
Khuaithlar ihsin a formi
khuaitizu hnak khal in.
11Na siahhlawh i fimtertu a si,
Na daan thlun cu hlawknak tumpi
a si.
12Mah ih palhnak a thei theitu
zoso a um?
Thupte mawhnak in i thiangter aw.
13Tumhrim sualnak khal in
i hum awla,
I uktu ah cang hram hlah hai seh.
Cuticun mi famkim ka si ding ih
Tuksumza sualnak in ka luat ding.
14Ka hmur in a suakmi ṭongkam le
Ka thinlung ih khawruahnak tla hi,
Maw Bawipa, na hmaiah cotlak
si hram seh;
Ka beunak lungpi le i runtu.
Currently Selected:
SAAM HLABU 19: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
