SAAM HLABU 16
16
Rinsannak Thlacam #David Ih Phuahmi Hla
1Maw Pathian, kei i hum hram aw;
Ziangahtile nang cu ka beunak
na si ih ka lo rinsan.
2 Bawipa ih hnenah, “Nangmah cu
ka Bawipa na si ih,
Nangmah locun ṭhatnak zianghman
ka nei lo,” ka ti.
3 Bawipa ih mi thiang pawl cu
ziangtluk in so an mawi!
Anmah thawn um cu ka lungawinak
bik a si.
4Khawzing dangdang hnenih a tlan
rerotu pawl cu
Anmahte vansaannak an pe aw a si.
An raithawinak ah ka tel lo ding;
An khawzing pawl ih hmin tla
ka hmur in ka sal lo ding.
5Maw Bawipa, nangmah cu
ka ro le ka covo na si;
Ka hai mi hmuahhmuah nangmah in
i pek.
Ka nunnak cu na kut sungah a um.
6Ramri i tuahsakmi cu ziangtluk
in so an mawi!
Ka hrangah ro sunglawi an si.
7Rem i ruahsaktu Bawipa cu
ka thangṭhat;
Zan khalah ka thinlung in
ralrinnak i pek.
8Ka hnenih Bawipa a um cu
ka thei ringring;
Ka vorhlam ih a um ruangah,
Zianghman in i hnin thei lo ding.
9Curuangah lungawinak le
thinnomnak in ka khat;
Ka hna a ngam ringring a si.
10Ziangahtile mithi khua ahcun
i fehter siang lo ding ih,
Nangmah a lo rinsantu cu khur
sungah cun na tanta lo ding.
11Nangmah in nunnak lamzin cu
i hmuh ding;
Na umnak ah lungawinak a kim ih,
Na ban thacak ah nomnak kumkhua
in a um.
Currently Selected:
SAAM HLABU 16: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
