JOSHUA 20

Rolnak Khawpi Pawl

1 Bawipa in Joshua hnenah, 2“Hitiin Israel mi hnenah sim aw, ‘Moses hnen ihsin ka lo sim zo vekin mithattu an rolnak ah khawpi pawl hril uh. 3Tumtahnak zianghman nei loih mi a that pangtu an um tikah phuhlamtu#phuhlamtu timi hi cuih san ahcun an thah mi ih a sungkhat in phuhlam tengteng a ṭul tiah an rak zum. hnen ihsin an luatnak dingah nan hrilmi khawpi pawl cu an rolnak hmun a si pei. 4Mithattu cu hi khawpi pakhatkhatah a tlan pei ih khawsung luhnak kotka ah cawl tahrat in khawsung upa pawl hnenah a thuhla cu a sim pei. Cuih hnuah khawsungah an lutter pei ih a umnak hmun an ngaihtuah sak pei. 5Phuhlam duhtu in cutawk khua tiang a rak dawi asile a kut sungah mithattu cu pe hlah hai seh. Huat awknak zianghman nei loin a thah pang a si ruangah khawsung mi in an rak hum pei. 6Khawsung misenpi hmaiih a thu an rel hlan sung le, culai ih Puithiam Sang a thih lai hlan lo, acuih khua ah a um ringring pei. Cuih hnuah a duh a si ahcun a ra tlannak khua ah a kir thei sal ding,’ tiin sim aw,” tiah a ti.

7Curuangah Jordan in nitlaknak lamah Naftali tlangpar ram Galilee pengah Kedesh khua, Efraim tlangpar ramah Shekhem khua, Judah tlangpar ramah Kiriath Arba (cucu Hebron) khua, 8Jordan tiva ihsin nisuahnak lamah Jerikho khua in nisuahnak kapih a ummi tlangrawn ah Reuben hrin pawl ram Bezer khua, Gad hrin pawl ih ram sung Gilead ah Ramoth khua, le Manasseh hrin pawl ih ram sung Bashan ah Golan khua an hril. 9Hi khua pawl cu Israel mi hrangah siseh, anmah ih lakih a ummi ramdangmi hrangah siseh, an rolnak hrangih hrilmi an si. Tumtahnak nei loih mi a that pangtu cu hi khua pawlah hin humhimnak an ngah pei. Cu tawkah misenpi hmaiah a thu an rel hlanah cun phuhlamtu in an that thei lo ding a si.

Currently Selected:

JOSHUA 20: FCL

Highlight

Copy

Compare