JOSHUA 12
12
Moses Nehmi Siangpahrang Pawl
1Israel mi pawl ih nehmi le luahmi ram pawl cu Jordan ihsin nisuahnak lamah - Arnon phairawn ihsin Jordan tiva kuam in saklam ah Hermon Tlang tiang a si. Israel ih nehmi siangpahrang cu: 2Heshbon ih a ummi Amor mi pawl ih siangpahrang Sihon a si ih a ukmi ram cu Arnon phairawn kapih ummi Aroer khua ihsin acuih phairawn laifang in Ammon mi pawl ramri-ih a luangmi Jabbok tiva tiang a si ih Gilead ram tla a hrek a tel cih. 3Cule Jordan tiva kuam Tipi Thi ihsin nisuahnak lamah cun Galilee Tili ihsin Beth Jeshimoth lamah thlanglam ramih a ummi Pisgah Tlang tluan tiang a si.
4Cun Refaim phun sung ihsin a um sun Bashan siangpahrang Og khal an neh. Og cu Ashtaroth le Edrei khua ihsin uktu a rak si. 5A ram ukmi sungah Hermon Tlang le Salekah, Bashan peng pumpuluk, Geshur le Maakah mi pawl ih ramri tiang, Gilead ram hrek Heshbon siangpahrang Sihon ih ukmi ram tiang an tel.
6Hi siangpahrang pawl cu Moses le Israel mi pawl in an neh. Bawipa ih siahhlawh Moses in an ram cu a long, an co dingah Reuben hrin, Gad hrin le Manasseh hrin a hrek pawl hnenah a pek.
Joshua Nehmi Siangpahrang Pawl
7Jordan ihsin nitlaknak lam ram, Lebanon horkuam ih ummi Baalgad ihsin Seir lamah cun Halak Tlang tiang, Joshua le Israel mi pawl in an neh. Hi ram cu an miphun zat in Joshua in a ṭhen ih a kumkhua ih an co dingah a pek hai. 8Hi ram sungah hin tlangpar ram, nitlaknak ram, Jordan tiva kuam, tlanghram tluan pawl, nelrawn ram le Negev ram pawl an tel a si. Hi ram cu Hit mi, Amor mi, Kanaan mi, Periz mi, Hiv mi le Jebus mi pawl umnak ram a rak si. 9An nehmi siangpahrang pawl cu:
Jerikho siangpahrang,
Ai siangpahrang (Bethel khua kiang),
10Jerusalem siangpahrang,
Hebron siangpahrang,
11Jarmuth siangpahrang,
Lakhish siangpahrang,
12Eglon siangpahrang,
Gezer siangpahrang,
13Debir siangpahrang,
Geder siangpahrang,
14Hormah siangpahrang,
Arad siangpahrang,
15Libnah siangpahrang,
Adullam siangpahrang,
16Makkedah siangpahrang,
Bethel siangpahrang,
17Tappuah siangpahrang,
Hefer siangpahrang,
18Afek siangpahrang,
Lasharon siangpahrang,
19Madon siangpahrang,
Hazor siangpahrang,
20Shimron Meron siangpahrang,
Akshaf siangpahrang,
21Taanak siangpahrang,
Megiddo siangpahrang,
22Kedesh siangpahrang,
Jokneam siangpahrang (Karmel ih um),
23Dor siangpahrang
(Tifinriat kap ummi),
Goiim siangpahrang (Galilee#Galilee timi hi Hebru Ca Thianghlim sung ahcun Gilgal tiin a um. ih ummi), le
24Tirzah siangpahrang tla an si. An zatein siangpahrang sawmthum le pakhat an si.
Currently Selected:
JOSHUA 12: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
