JOB 37
37
1Thlisia le ruahhrang in nasazet
in ka thin an khurter,
2Nan zatein Pathian ih aw thawm
ngai uh,
A kaa sung ihsin a suakmi khawri
thawm cu.
3Van ahl nimthlakau khuazakip ah
a thlah;
Leilung kilkip ah a thleng.
4Cule a awkhawk cu kan thei;
A nasa zetmi khawri cu a thang
durdo;
Culai ah nimthlakau cu cat loin
a tleu zohzo.
5Pathian ih thupek in mangbangza
thil a cang,
Kan theih ban lomi khawruahhar
thil pawl cu.
6Leilung parah vur tla dingin
thu a pek;
A thupek vekin ruahpi vanbong in
a sur.
7Hnaṭuantu milai pawl a cawlter,
Ziangbangtuk hna a ṭuan thei
ti kha theihter a duh.
8Ramsa pawl an puuk ah an lut,
An kua ah an lut ih an kual.
9Thlisia cu thlanglam in a hung
hrang,
Khawsik cu saklam in a rung
thleng.
10Pathian ih thaw in tidai
a khangter,
Cule a hak zetmi tikhal ah
an cang.
11Khawdur lakah tidai a ret,
Nimthlakau an tleu zohzo.
12Pathian thu an thlun ih leilung
kilkip an kap zukzo,
Pathian ih thupek bangtuk in
an um ṭheh,
Leilung pumpi khuazakip ah!
13Pathian in leilung ciar dingah
ruah a surter;
Milai hremnak ah maw,
Asilole a lungkimnak langternak
ah maw, ruah cu a surter a si.
14Job, malte sung cawlta awla
ngaihnik,
Pathian ih thil mangbangza
a tuah mi hi ruat hnik!
15Ziangtin Pathian in thu a pek ih
Khawdur ihsin nimthlakau a tleu
zohzo ti na thei thei maw?
16Khawdur cu vanah ziangtin
a thawn luailo ti na thei maw?
Pathian ih thil thiam zia hi!
17Sim thli a hung hran ih
leilung a sat tikah,
Na hnipuan le na thawsa thawn
na tuar cuahco.
18Pathian in van khi a pharh ih,
Thlalang vek hak in a tuah tikah,
Nang na bawm theimi ziang a um?
19Pathian hnenih kan ṭong dingmi
in sim hnik,
Kan thu ah ṭong ding kan nei lo,
Kan thinlung ah zianghman a um lo.
20Ka ṭong ding hi Pathian dilta
ka ṭul mawsi?
Pathian ih siatsuah ding cu mi in
ziangah so an hril rero ding?
21Van ih tleunak cu a tle nasa,
A tleu tukih kan zoh ngam lo;
Van cu thli in a sem fai ṭheh.
22Saklam in sui vekih a tleumi
a lang,
Pathian sunlawinak maktara thawn
kan thinlung cu a khat.
23Pathian ih huham a nasa tuk ih
kan naih ngam lo;
Dingzet le felzet in minung
hnen ah thu a rel.
24Mi hmuahhmuah in an ṭih hi
an mawh lo;
Ka fim a ti-awtu pawl cu Pathian
in zianghman ah a siar lo.
Currently Selected:
JOB 37: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
