JOB 24
24
1Ziangah so Pathian in thuṭhennak
ni a khiah lo?
Amah a riantu pawl in thudik an
conak dingah!
2Milai in ram tam deuh ngah duh ah
ramri lungphun an ṭhawn;
Tuu an rak fir ih anmah ih tuu
lakah an ret.
3Ngakṭah farah pawl ih laak tla
an fir;
A leiba a kuan ṭheh hlan lo
nuhmei nu ih cawcang an hren.
4Mi zonzai pawl an palcih hai ih,
Mi tlasam pawl cu anmah ṭih ah
an relh.
5Curuangah mifarah pawl cu hramlak
laak bangin ramcaar ah rawl an hawl;
Khuitawk hmanah an faate hrangah
rawl an ngah thei lo.
6Midang lo sungah rawl an lak;
Mi ṭha lo pawl ih sabit hmuanah
sabit rah an khawm.
7Zan ah puan loin lawngte in an it,
An taksa hlumtu zianghman a um lo.
8Tlang par ih ruah in a ciah hai;
Beunak a um lo ruangah lungpi
phenah an bek.
9Mi ṭha lo pawl in pa nei lo
nauta pawl salah an zuat;
Mifarah ih faate pawl cu leiba
ai ah an lak.
10Mi zonzai pawl hnipuan nei loin
khawleng ah an feh;
Fangteel an phur rero naón an ril
a rawng thotho.
11Siti dingah olif an rial,
Sabitti dingah sabit rah an rial;
Asinain an ti a haal thotho.
12Khawpi sungah hriamhma pu mi le
A thi cuahco mi pawl an au rero;
Asinain an thlacamnak cu Pathian in
Zianghman ah a siar lo.
13Annih cu tleunak duh lotu an si;
A theih khal an thei lo ih
a lamzin an thlun duh lo.
14Zinglam khawfingcatah mithattu cu
farah le mitlasam that dingah a pok,
Cule zanah mi thil a fir.
15Uire pa cu khawthimah mi a hngak,
‘Zohman in in hmu lo ding’ a ti;
Theih ṭih ah a hmai a khuh-aw.
16Fifir in zan ah inn an bauh,
Asinain sun ahcun inn ah an relh;
Tleunak cu an hrial.
17Sun vang cu an ṭih;
Asinain zan khawthim cu an ngam.
[Zofar]#Zofar ih ṭongmi a si, tiah a zumtu an um.
18Mi ṭha lo cu tilian in a fenhlo;
A ram neihmi cu Pathian ih siatcam
mi ram a si;
A sabit hmuan ih hnaṭuan dingah
an feh nawn lo.
19Vur cu a satnak le a caarnak
hmun ahcun a ziam vekin,
Misual cu a nungmi umnak ram in an
hlo a si.
20Zohman in an thei lo, amah ih nu
hman in a ciing nawn lo;
Tholung in an ei ih zanthing tlu
bangin a rop ṭheh.
21Ziangahtile nuhmei a tisiat,
Fa nei lo a cingmi nunau parah,
Zaangfahnak zianghman a nei lo.
22Pathian in a huham in micak
pawl a siatsuah,
A caangvai ih miṭha lo an thi.
23Pathian in himnak hmunah a umter,
Asinain a mit in a thlingthla
ringring.
24Caan tawi sung cu mi hlawhtling
zet a si;
Asinain rei lote-ah hrampi bangin
a vuai sal;
Ah ciami fangkung bangin.
25Ka simmi vekin a si lo, tiah
a el theitu nan um maw?
Ka ṭongmi hi a dik lo, tiah
a langter theitu nan um maw?
Currently Selected:
JOB 24: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
