EZEKIEL 3
3
1Pathian in, “Milaipa, hi cazual hi ei aw; cuih hnuah feh awla Israel mi hmuahhmuah thu va sim aw,” i ti.
2Ka kaa ka ang ih cuih cazual cu ei dingah i pek. 3“Milaipa, hi cazual ka lo pekmi hi ei aw. Na pum puarzet in ei aw,” i ti. Ka ei ih khuaitizu bangin a thlum.
4Cule Pathian in, “Milaipa, Israel mi pawl hnenah va feh awla sim ding ka lo timi hmuahhmuah va sim aw. 5A harmi ṭong phundang a ṭongtu miphun dang hnenah ka lo thlah a si lo, Israel mi pawl hnenah ka lo thlah a si. 6An ṭong na theih lomi ṭong har a ṭongtu miphun tumpipi hnenah ka lo thlah a si ahcun na simmi an lo ngai ding. 7Asinain Israel mi cun zohman in an lo ngai lo ding; keimaió thu hman an ngai lo ding. An zatein milungruh le mipuarthau an si. 8Anmah bangin milungruh le milungkhoh ah ka lo tuah ve ding. 9Lungto bangin ka lo hngetter ding ih daimon bangin ka lo hakter ding. Hi raltho phun pawl cu ṭih hlah aw,” i ti.
10Cuih tlunah Pathian in, “Milaipa, ka lo simmi hmuahhmuah hi ṭhatein ngai awla ciing aw. 11Cuticun saltaannak hmunih a ummi na unau pawl hnenah feh awla, an lo ngai khalle ngai lo khalle Cungnungbik Bawipa keimah in an hnenih ka ṭongmi cu va sim aw,” i ti.
12Cule Pathian ih thlarau in i cawi ih ka dunglamah aw thawm a thang ruangro mi ka thei. Cuih aw cun, “Vancung ah Bawipa ih sunlawinak cu thangṭhat uh,” tiah a ti. 13Ramsa nung pawl in thli sungih an thla an khawn rero thawm le lengke ih thawm cu linghnin thawm vekin ka thei. 14Bawipa ih cahnak huham cu ka hnenah nasa zetin a ra thleng ih thlarau ih i cawi hloh zawng ah thinṭeu le thinheng zetin ka um. 15Cuticun saltaang pawl an umnak Khebar Tivapi kiang Tel Abib ah ka thleng ih cutawkah ni sarih sung ka um. Ka hmuhmi le ka theihmi in ka thin in pitter hluahhlo.
Bawipa In Kilvengtu Ah A Tuah
(Eze. 33.1-9)
16Ni sarih hnuah Bawipa in ka hnenah, 17“Milaipa, Israel miphun kilvengtu ah ka lo tuah ding. Ralrinnak ka lo pekmi cu an hnenah na than vivo pei. 18Mi ṭha lo pakhat a thi ding, tiah ka than ih a nuncan thleng in a nunnak humsuak dingah nang in ralrinnak na sim lo a si ahcun, misual in a thi thotho ding naón a thisen cu na parah ka hlam ding. 19Mi ṭha lo pakhat hnenah ralrinnak na sim naón a sualnak a baang cuang lo a si ahcun, misual in a thi thotho ding naón na nunnak cu zuah a si ding.
20“Mi ṭhazet pakhat in thilsual a tuah ih ṭihnungza hmunih ka thlenter tikah ralrinnak na pek lo ahcun a thi ding. A sualnak ruangah a thi ding ih thil ṭha a rak tuahmi pawl kha ka ciing lo ding. A thisen man cu na parah ka hlam ding. 21Mi ṭhazet pakhat ralrinnak na pek ih na thu ngai in sualnak a tuah lo ngaingai a si ahcun a nung ding ih na nunnak khal zuah a si ding,” a ti.
Ezekiel A ṭong Thei Lo Ding
22 Bawipa ih kut cu ka hnenih a um kha ka thei ih Bawipa cun ka hnenah, “Tho awla phairawn ah va feh aw. Cutawkah na hnenah thu ka lo sim ding,” a ti.
23Curuangah phairawn ahcun ka va feh ih cutawkah Bawipa ih sunlawinak cu Khebar Tivapi kiangih ka rak hmuh zo vekin ka hmu sal. Cutikah leilungah ka bok; 24asinain Pathian ih thlarau cu ka sungah a lut ih i dinter. Cule Bawipa in, “Inn ah va feh awla innsungah va kharhkhum-aw aw. 25Hridai in ṭem na si ding ih, milaipa, khui hmanah misenpi hmaiah na suak thei lo ding. 26Na lei cu ṭemmi a bang ding; na ṭong thei lo ding ih hi raltho minung pawl hi ralrinnak na pe thei lo ding. 27Cule na hnenah thu ka lo sim sal ding ih ṭong theinak ka lo pek sal tikah Cungnungbik Bawipa keimah ih ka lo simmi cu an hnenah na sim pei. Mihrek cun an lo ngai ding, asinain mihrek khat cun zianghman ah an lo siar lo ding, ziangahtile raltho phun an si,” a ti.
Currently Selected:
EZEKIEL 3: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.