SUAHLANNAK 11

Moses In Fatir Thihnak Thu A Than

1Moses hnenah Bawipa in, “Faro le Izipt mi hnenah hremnak pakhat lawng ka thlengter thlang ding. Cuih hnuah a lo fehter ding. Thungai tile a lo thlah tikah cun hitawk ram ihsin a dawi in a lo dawi hlohhlo hai ding. 2Cuhrangah Israel mi pawl hnenah sim aw: Nunau khal mipa khal an innhnen pawl kha hlawnthil sui le ngun dil ciar hai seh,” tiah a ti. 3Bawipa in hna a ṭuan ruangah Izipt mi pawl in Israel mi pawl cu an upat hngin ih, Moses tla cu bawi pawl siseh misenpi pawl in siseh mimakzet ah an ruat.

4Moses in Faro hnenah, “Bawipa ih ṭongkam cu hiti in a si: ‘Zanṭim ah Izipt mi pawl hnenah ka feh pei ih, 5Izipt ram sungih fapatir hmuahhmuah, siangpahrang rocotu ding Faro ih fapatir ihsin thokin fang rialnak ih hnaṭuantu salnu ih fapatir tiangin an thi ding. Ṭilva hmuahhmuahih fatir khal an thi ṭheh ding. 6Kan dunglam khalah a um dah hrih lo ih kan hmailam khalah a um nawn lo dingmi ṭah le raak cu Izipt ram sungah a khat ding a si. 7Asinain Bawipa in Izipt mi le Israel mi cu a thleidang a si, ti nan theihnak dingah Israel mi pawl cu uico pakhatte hman in, ṭilva siseh milai siseh, a bo lo ding,’ a ti. 8Cutikah na kuthnuai bawi pawl hmuahhmuah cu ka hnenah an ra ding ih an lu an kuun ding ih, ‘Feh uh, nangmah le na mi pawl feh thlang hram uh,’ an ti ding. Cutikah ka feh ding a si,” tiah a ti. Cule thinheng zetin Moses in Faro cu a tlansan.

9Moses hnenah Bawipa in, “Izipt ram sungih mangbangza tam deuh ka tuahnak dingah Faro cun na thu a ngai lo ding a si,” tiah a ti. 10Moses le Aaron cun Faro ih hmaiah mangbangza hizat an tuah zo. Asinain Faro ih thinlung cu Bawipa in a hakter ih Israel mi pawl in Izipt ram an taan ding cu a siang hrimhrim lo.

Currently Selected:

SUAHLANNAK 11: FCL

Highlight

Copy

Compare