ESTHER 5

Esther In Siangpahrang Le Haman Rawl Ei A Ko

1Ni thum sung rawl a ulh hnuah Esther cu siangpahrang bawinu thuam in a thuam-aw ih siangpahrang inn sungta khaan ah a feh ih siangpahrang tokham lam hoi in a va ding. Siangpahrang bawipa cu sangka lam hoi in a siangpahrang tokham parah a rak to. 2Siangpahrang bawipa in siangpahrang bawinu Esther sangka lengih a din kha a hmuh tikah mithmai ṭha a pek ih a sui kianghrol cu a thlir. Esther in a hei naih ih a kianghrol zim cu a tham. 3Cutikah siangpahrang bawipa in, “Ziang so na duh, Siangpahrang bawinu Esther? Na duhmi cu i sim awla ka ram ukmi a hrek a si khalle ka lo pe ko ding,” tiah a ti.

4Esther in, “Siangpahrang bawipa na lung a kim ahcun, rawl ka suang ih tuihzan nangmah le Haman cu ka hnenih zanriah ei dingah ka lo sawm a si,” tiah a ti.

5Cutikah Esther duhnak kimter dingah Siangpahrang bawipa in Haman cu zamrangih kawh dingah thu a pek. Cuih zan cu Esther hnenah zanriah an ei. 6Sabitti an in ih siangpahrang in, “Na duhmi cu i sim aw, ka lo pe ding. I dilmi cu, ka ram ukmi a hrek a si khalle ka lo pe ding,” tiah Esther cu a ti.

7Cule Esther in, 8“Siangpahrang bawipa na lung a kim ih ka lo dilmi i pek tum a si ahcun thaizan Haman thawn ka hnenah zanriah ei hrih dingin ka lo sawm. Cutikah ka lo dil duhmi cu ka lo sim leh ding,” a ti.

Haman In Mordekai Thah A Tum

9Haman cu zanriah a einak ihsin lungawizet le thinnuamzet in inn ah a tin. Siangpahrang inn kotka kiangah Mordekai a hmu ih a kiangih a feh tikah Mordekai cun upatnak zianghman a pe lo ih a thawh hman a tho lo; curuangah Haman cu a thin a heng ngaingai. 10Asinain a thin a suup ih inn ah a tlung. A inn ah a rualpi pawl a sawm ih a nupi Zeresh tla a ko ih, 11an hnenah cun a lennak le fapa tampi a neihnak, siangpahrang in bawi upa bikih a tuahnak le bawi dang hnakin amah a thupit zia pawl cu a rel ih tluang a khawng ciamco. 12“Hi hmuahhmuah tlunah siangpahrang bawinu Esther in siangpahrang bawipa le keimah lawng zanriah in do; thaizan khal a hnenah zanriah kan ei hrih ding. 13Sikhalsehla khi Judah pa Mordekai, siangpahrang kotka kiangih a to ka hmuh sungah cun hi ka relmi pawl khal hi ka hrangah thulolak ah a cang ṭheh,” a ti.

14Curuangah a nupi le a rualpi pawl in, “Ziangah so minung thlai thahnak pi sawmsarih le pi nga saangin na tuah lo? Thaizing ah Mordekai thlai dingin siangpahrang na sim pei ih zanlam ah thinnuam tein rawl na zawh leh pei,” tiah an ti.

Cuih an simmi cu Haman in ruahnak ṭhazet a si, tiah a ruat ih thlaithahnak cu a tuah.

Currently Selected:

ESTHER 5: FCL

Highlight

Copy

Compare