ESTHER 3

Haman In Judah Mi Siatsuah A Tum

1Tikcu a hung rei deuh tikah, siangpahrang Xerxes in Haman an ti mipa cu a kuthnuai bawi pawl hmuahhmuah lakih bawi upa bik ah a tuah. Haman cu Hammedatha ih fapa a si ih Agag#Agag cu Amalek Siangpahrang a si; Amalek mi pawl cu Israel mi thawn an ral-aw zet. ih tesinfa a si. 2Siangpahrang in a kuthnuai ih hnaṭuantu hmuahhmuah hnen ah, “Haman cu nan upat pei ih a hmai ah khukbil in nan lu nan kun pei,” tiah thu a pek. Curuangah an zatein Siangpahrang ih thupekmi vek cun an tuah. Asinain Mordekai cun a tuah duh lo. 3Siangpahrang hnaṭuantu bawi dang pawl in, “Ziangah so siangpahrang thu cu na thlun duh lo?” tiah an ti. 4Nikhat hnu ni khat an sim rero naón an thu cu a ngai thotho lo. Mordekai cun, “Kei cu Judah mi ka si ih Haman hmai ahcun ka lu ka kun thei lo,” a ti. Cuih thu cu Haman an sim ih Mordekai ih um daan hi a zawi-aw thei ngai pei maw, tiah an mang a bang. 5Haman hmaiah Mordekai cu a khukbil in a lu a kun lo ding, ti a theih tikah Haman cu a thin a heng ngaingai. 6Cuih tlunah Mordekai cu Judah mi a si ti a theih tikah cun Mordekai pakhat lawng hrem ding cu a lung a kim nawn lo. Persia ram sungih Judah mi hmuahhmuah thah ṭheh a tum.

7Siangpahrang Xerxes in siangpahrang a ṭuannak kum hleihnih kum, thlakhat thla, Nisan#Nisan thla cu March thlahrek le April thlahrek a ceem. thla ahcun, mi a phiarnak ding ni le thla theih duh ah Haman in “Purim,” an timi camcawhfung zuuk dingah thu a pek. An zuh tikah thla hleihnih thla, Adar#Adar thla cu February thlahrek le March thlahrek a ceem. thla ni hleithumnak an zuuk.

8Cule Haman in Siangpahrang hnenah, “Bawipa, na uksung le na ramṭhen kipah hin mi phunkhat an um ih an thil tidaan tla cu miphun dang pawl ih thil tidaan thawn an bang aw lo. Cuih tlunah na ukmi ram sungih daan khal an thlun duh lo. Curuangah hiti ih zoh men dingah hin na hrangah a ṭha lo a si. 9Na lung a kim a si ahcun himi pawl hi thah ṭheh dingah thu pe aw. Cutiih na tuah asile na ram uknak hrangih hman dingah na tangka inn sungah ngun tangka cuai thawng zahnih le thawng sawmli#cuai thawng zahnih le thawng sawmli timi hi talent thawng hra tiin a um. Talent pakhat cu cuai kul hluanli tluk a si. keimah hrimhrim in ka pek thei ding, tiah ka lo kam a si,” tiah a ti.

10Cutikah siangpahrang in a thupekmi pawl hmual nei dingah a hminkhennak zunghruk cu a phuak ih Judah mi pawl a huatu Agag tesinfa Hammedatha ih fapa Haman hnenah cun a pek. 11Siangpahrang in Haman cu, “Cuih tangka cu na kut sungah ka lo pek; minung pawl khal ka lo pek cih. Ṭha na ti bangin na duhduh in tuah aw,” a ti.

12Curuangah thlakhat thla, ni hleithumnak ni ah, Haman in siangpahrang ih sungṭuan pawl cu a ko ih thuthan ding mi cu a auh hai. Ramsung ramṭhen kipih an hmanmi ca in siseh, miphunkip hnenah anmah ih ṭong ciar in siseh, an kuat ih ramṭhen uktu bawi le bawi dangdang hnen tla ah an kuat ṭheh. Cuih ca cu Siangpahrang Xerxes hmin in an ngan ih a zunghruk in tacik an khen. 13Mi an thlah mi pawl in an ramsung khuazakip ah an fehpi. Thla hleihnih thla, Adar thla, ni hleithum ni, ni khat sungah Judah mi hmuahhmuah cu nunau, mipa ti lo, upa nauhak ti loin, thah thluh ding an si. Zaangfahnak zianghman um loin an ci ih hmih thluh ding an si; an thilri hmuahhmuah khal lon thluh ding an si. 14Mi hmuahhmuah in an theih ih cuih ni ih an timtuah ciarnak dingah cuih ca cu ramṭhen tin ah than thluh ding a si zo.

15Siangpahrang ih thupek vekin mi an thlah mi pawl cun zamrangte in khuazakip ah cuih thu cu an than. Susa Khawpi khalah cuih thu cu an than. Cule cuih thuthannak ruangah Susa khawsungmi pawl cu mangbang ih an um lai ah siangpahrang bawipa le Haman cu an to ih zu an in tlang.

Currently Selected:

ESTHER 3: FCL

Highlight

Copy

Compare