1 SANSIARNAK 25
25
Hla saktu Le Awn-mawi Tumtu Pawl
1David le Levi mi lakih hotu bawi pawl in a tanglam hrin pawl cu Pathian biaknak ih hotu dingah an hril: Asaf, Heman le Jeduthun. Annih cu ṭingṭang, tingrisit le darsumsel thawn Pathian ih thu, profet ṭong in, a phuangtu an si. Pathian biak tikah anmah ih hnaṭuannak ciarah a tanglam pawl cu hotu ah hrilmi an si.
2Asaf ih fapa pali cu: Zakkur, Josef, Nethaniah le Asarelah an si. An hotu Asaf a si ih siangpahrang in thu a pek tikah Pathian ih thu cu a phuang ṭheu.
3Jeduthun fapa paruk: Gedaliah, Zeri, Jeshaiah, Shimei, Hashabiah le Mattithiah an si. An pa ih ho in ṭingṭang tum phah in Pathian ih thu cu an phuang ih thangṭhatnak hla an sak.
4Heman fapa hleili pawl cu: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezer, Joshbekashah, Mallothi, Hothir le Mahazioth an si. 5Heman cu siangpahrang ih profet a si ih, a rak tiamcia bangtuk in Heman cu Pathian in fapa hleili le fanu pathum thawn a sunloih. 6Biakinn ih Pathian an biak caanah an pa ih ho in darsumsel, ṭingṭang le tingrisit an zatein an tum ṭheu. Asaf, Jeduthun le Heman cu siangpahrang ih thupekmi ngai in an um. 7Hi mipa kul hluanli cu an tuahmi ciar ah an thiam theizet. An hnaṭuanpi Levi mi pawl tla hlasak thiam le awn-mawi tum thiam hlir an si. An zatein zahnih le sawmriat le pariat an si.
8An hnaṭuan dingmi hrilnakah mino siseh, upa siseh, hlathiam cia siseh, a zir pekte siseh, an zatein camcawhfung an zuk fingfing.
9Hi minung zahnih sawmriat pariat tla cu anmah le sungkhat ciar zoh in bur kul hluanli ah ṭhen an si ih, bur khatah minung hleihnih ciar an si. Bur khat in hotu pakhat ciar an nei ih a thuailam vekin a haha tein hna an ṭuan ṭheu:
Pakhatnak cu Josef, Asaf hrin hotu,
Pahnihnak Gedaliah,
10Pathumnak Zakkur,
11Palinak Izri,
12Panganak Nethaniah,
13Paruknak Bukkiah,
14Pasarihnak Jesharelah,
15Pariatnak Isaiah,
16Pakuanak Mattaniah,
17Pahranak Shimei,
18Hleikhatnak Uziel,
19Hleihnihnak Hashabiah,
20Hleithumnak Shubael,
21Hleilinak Mattithiah,
22Hleinganak Jeremoth,
23Hleiruknak Hananiah,
24Hleisarihnak Joshbekashah,
25Hleiriatnak Hanani,
26Hleikuanak Mallothi,
27Kulnak Eliathah,
28Hluankhatnak Hothir,
29Hluanhnihnak Giddalti,
30Hluanthumnak Mahazioth,
31Hluanlinak Romamti Ezer.
Currently Selected:
1 SANSIARNAK 25: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
