Ioan 2

Isusul Alãxi Apa tu Yin

1Sh-tu dzua a treia s-featsi unã numtã tu Cana a Galileiljei, shi muma al Isus eara aclo. 2Isusul cu ucenitsilji a lui eara acljimat la numtã. 3Cum bitisi yinlu, muma al Isus lji dzãsi a lui: “Elji nu au ma yin.” 4Isusul lji-dsãsi: “Ts-ai cu mini, muljeari? Oara a mea nu ari vinitã ninga.” 5Muma a lui lã dzãsi a huzmichearilor: “Fãtsets itsido tsi elu vã dzãtsi!” 6Shi aclo eara bãgati shasi vasi di cheatrã, tsi s-folosea trã curarea a Iudeilor, shi cathiun ncãpea cãti optudzãts pãnã unã sutã shi yinghits di litri. 7Isusul lã dzãsi: “Umplets vasili cu apã.” Sh-elji li umplurã pãnã nsus. 8Deapoea lã dzãsi: “Scutets tora sh-dutsets-lji a protlui a sãrbãtoariljei.” Sh-elji lji dusirã. 9Protlu a sãrbãtoariljei u-bãgã n-gurã apa adratã tu yin, elu nu shtia cã di iu yinea yinlu, ma shtia huzmichearlji tsi u-avea scoasã apa. Atumtsea protlu a sãrbãtoariljei acljimã dzinirli, 10shi lj-dzãsi: “Cathi om scoati ma nãinti yinlu atsel bunlu, shi cãndu acljimatslji au biutã ghini, scoati yinlu atsel-slablu, tini fãtseshi aljumtrea, lu ai tsinutã yinlu atsel-bunlu pãnã tora.” 11Isusul featsi aestã apãrnjitã a seamnilor tu Cana a Galileiljei shi aspusi mãrirea a lui, shi ucenitsilji a lui pistipsirã la nãsu. 12Dupã aestã, dipunã tu Capernaum elu sh-muma a lui, fratslji a lui shi ucenitsilji a lui, sh-armasirã aclo di putsãni dzãli.

Isusul Curã Locurili a Templui

13Pashtili a Iudeilor eara aproapi sh-Isusul s-alinã tu Ierusalem. 14Elu aflã tu templu atselji tsi vindea boi, oi sh-purunghi sh-alãxitori di pãradz shãdzãnda. 15Cum adrã un cãmgic di funi, lji avinã tuts dit templu deadun cu oili, boilji, sh-li scurpisi pãradzlji a alãxitorilor sh-arãsturnã measili, 16sh-atsilo tsi vindea purunghi lã dzãsi: “Loatsli aesti lucri di aoa! Nu u fãtsets casa a Tatãlui a meu ca casã di prãmãteftsã!” 17Ashãtsi ucenitsilji a lui adusirã aminti cã eara scriatã: “Zelu di casa a ta mi ardi ca foc!”#Ps 69:9. 18Atumtsea Iudeilji lji dzãsirã: “Tsi semnu nã aspunji cã ai autoritati s-li fats aesti lucri?” 19Isusul lã apãndisi a lor: “Aspãrdzets-lu aestu templu sh-di trei dzãli mini va lu adarã nãpoi!” 20Atumtsea Iudeilji dzãsirã: “S-hãrzãirã patrudzãtsi shi-shasi di anji si s-adarã aestu templu, sh-tini va lu adari di trei dzãli?” 21Ma elu zbura di templu a truplui a lui. 22Cãndu, ma nãpoi elu s-nyie dit mortsã, ucenitsilji a lui adusirã aminti cã elu aestã lã-u avea dzãsã sh-pistipsirã la Scritura shi la zborlu tsi avea dzãsã Isusul. 23Cãndu eara tu Ierusalem la sãrbãtoarea a Pashtiljei, multsã pistipsirã tu numa a lui vidzãnda thavmatili tsi fãtsea. 24Ma Isusul nu pistipsea la elji, cã elu lji cunushtea tuts. 25Elu nu avea ananghi tsi vãrã s-lji mãrtirisea di omlu, cã elu shtia tsi eara nãuntru a omlui.

Currently Selected:

Ioan 2: BLRR

Highlight

Copy