Uvreilji 4
4
1Trã atsea, metsi armãni un tãxiri tra s-intrã tu dispustusirea a lui, s-avem fricã cã, nacã vãrã di voi armãni nafoarã. 2Cã sh-a noauã nã si easti dimãndatã bunã-hãbarea ashãtsi di cum sh-a lor, ma trã elji nu avu axii zborlu tsi avdzãrã, cã nu si mpriunarã prit pistea cu atselji tsi lu avdzãrã. 3Noi tsi pistipsim intrãm tu dispustusiri, ashã cum Dumnidzãlu ari dzãsã:
“Cum mi giurai tu inatea a mea:
‘Nu va intrã pute tu dispustusirea a mea.’”#Ps 95:11.
Cu tutã cã faptili a lui s-bitisirã di tu adrarea a lumiljei. 4Cã elu ari dzãsã tu un loc ashãtsi anvãrliga di dzua a shaptea: “Sh-Dumnidzãlu dispustusi tu dzua a shaptea di tuti faptili a lui.” 5Sh-dinou tu aestu loc dzãsi: “Nu va intrã pute tu dispustusirea a mea!”#Ps 95:11.
6Trã atsea, armãni tsi niscãntsã va intrã tu atsea dispustusiri, iarã atselji cai loarã buna-hãbari ma nãinti nu intrã trã itia a niascultariljei. 7Dumnidzãlu apofãseashti unã dzuã, “Azã”, dzãcãnda cu gura al David dupã multu chiro, ashã cum s-dzãsi di ma nãinti:
“Azã, ma s-avdzãts boatsea a lui,
s-nu li nchitrits ininjli a voastri.”#Ps 95:7,8.
8Cã macã Iosueu lã featsi atselji s-dispustuseascã, Dumnidzãlu nu va grea dupã aesti lucri ti unã altã dzuã. 9Ashãtsi armãni un dispustusiri di Sãmbãta trã populu al Dumnidzãu, 10cã atsel cai intrã tu dispustusirea a lui dispustusi sh-elu idyiul di faptili a lui, ashãtsi di cum featsi sh-Dumnidzãlu. 11S-nã cupãsim, trã intrari tu atsea dispustusiri tra s-nu cadã vãrã tu idyiul urnechi a niascultariljei.
12Zborlu a Dumnidzãlui easti yiu sh-lucrutor, sh-ma struxitã di itsi spatã cu doauã tãljituri, shi si pitrundi pãnã tu dispãrtsarea a suflitlui sh-a duhlui, a noadilor sh-a mãduuãljei, sh-poati s-giudicã minduirili sh-vrearili a inimãljei. 13Sh-nu ari fãpturã ascumtã nãintea a lui, ma tuti lucrili suntu aspusã sh-discupiriti tu ocljilji atsilui a cui noi va lji dãm lugurii.
Hristos, Arhipreftu a Nostru Njilãos
14Ashãtsi avãnda un arhipreftu mari cai ari strãbãtutã tserurili, Isusul, Hiljiu al Dumnidzãu, s-tsãnem ghini mãrtiria a noastrã. 15Cã noi nu avem un arhipreftu tsi nu tradzi deadun cu noi tu slãbintsãli a noastri, ma un cai ari fut cãrtit la tuti unã soi ca noi, ma tsi nu amãrtisi. 16S-nã apruchem cu curaiu di thronlu a harului, tra s-lom njilã shi s-aflãm har trã agiutari tu chirolu tsi prindi.
Currently Selected:
Uvreilji 4: BLRR
Highlight
Copy
Compare
Share
Want to have your highlights saved across all your devices? Sign up or sign in
