2 Corintenji 9
9
Agiutãri Trã Pistimenjlji Niavuts
1Trã agiutarea cãtrã oaminjlji sãmtsã a Dumnidzãlui nu lipseashti s-vã scriu, 2cã u cunoscu bunã-vrearea a voastrã trã cai vã alavdã Machedonjlji, cã Ahaia easti etimãsit di anlu tsi tricu, sh-zelul a vostru cãrti ma multsãlji di elji. 3Ma lji pitricui fratslji, cu nãeti tsi alãvdarea a noastrã cãtrã voi s-nu hibã goalã trã aestu lucru, tsi ashãtsi cum am dzãsã, voi s-hits etinji. 4Cã macã va yinea deadun cu mini Machedonjlji shi s-vã afla nietimãsitsi, tra s-nu dzãtsem voi, noi va nã arushinam ti cãndãrsirea a noastrã trã voi. 5Trã atsea nji pãru ananghioasã s-caftã di fratslji a melji s-yin ma nãinti la voi shi s-etimãsea ma nãinti agiutarea a voastrã tsi u aveat tãxit di ma nãinti sh-ashãtsi s-eara ca doarã trã ghinicuvintari sh-nu ca di zori.
Omlu Giumertu
6Tora voi s-vã dzãc aestã: Atsel tsi seaminã cu scljinceami, cu scljinceami va seatsirã, iarã atsel tsi seaminã cu giumertlãchi, va seatsirã cu giumertlãchi. 7Cathiun, ashã dupã cum ari apofãsit di ma nãinti tu inimã, s-da nu cu mirachi icã cu zori, cã Dumnidzãlu va un dãtãtor hãrãcop. 8Dumnidzãlu poati s-facã tsi s-artirseascã tut harul cãtrã voi, cu nãeti tsi, avãnda totãna tu itsido nimal, s-vã artirseascã tu itsido lucru bun. 9Ashã cum easti scriatã:
“Elu mpãrtsã multu, deadi a niavutslor,
ndriptatea a lui armãni tu eta a etilor.”#Ps 112:9.
10Atsel tsi da simintsa a siminãtorlui sh-pãna ti mãcari, va vã da sh-va vã adavgã simintsa a voastrã sh-va avdagã carpolu a ndriptatiljei a voastrã. 11Voi va vã avutsãts tu itsido trã giumertlãclu a vostru, tsi adutsi prit noi hãristisiri trã Dumnidzãlu.
12Cã fãtsearea aishtei huzmitipsiri nu mash cã mplineashti ananghili a oaminjlor a Domnului, ma ma adutsi sh-artirsiri prit multi hãristisiri cãtrã Dumnidzãlu. 13Prit prova aishtei huzmitipsiri elji va mãreascã Dumnidzãlu trã cãndãrsirea tsi adutsi mãrtiria a voastrã cãtrã Evanghelu al Hristos sh-trã giumertlãclu a agiutariljei a voastrã cãtrã elji sh-cãtrã tuts. 14Sh-elji tu rãgãciunjili a lor cãtrã voi, au dor trã voi, trã itia a multui har tsi Dumnidzãlu vã deadi a voauã. 15Hãristisitã s-hibã Dumnidzãlu trã doara a lui ni-aspus!
Currently Selected:
2 Corintenji 9: BLRR
Highlight
Copy
Compare
Share
Want to have your highlights saved across all your devices? Sign up or sign in
