2 Corintenji 10
10
Pavlu Apãrã Huzmitipsirea a Lui
1Mini idyiul Pavlu, vã fac rigeai prit frunimeatsa sh-bunãtatea al Hristos, mini tsi nãintea a voastrã escu tapin, ma cãndu nu escu atsia am curaiu cãtrã voi. 2Tora vã fac rigeai tsi, cãndu s-yin la voi, s-nu hãrzãescu curaiul cu cai pot s-cutedz cu sigurantsã contra atsilor tsi minduescu cã nidzem dupã adetsili a lumiljei aishtei. 3Cã sh-macã noi imnãm tu trup, nu nã alumtãm dupã trup. 4Armili cu cai noi nã alumtãm nu suntu a lumiljei aishtei, ma pututi trã Dumnidzãlu ti dãrãmari castri, arãsturnãnda minduirili arãdioasi 5sh-cathi anãltsãmi tsi si scoalã contra a cunushteariljei a Dumnidzãlui, fãcãnda sclav cathi minduiri tsi s-cãndãrseascã a Hristolui, 6hinda etinji trã condamnari cathi niascultari, cãntsido tsi si mplineascã cãndãrsirea a voastrã.
7Voi li videts lucrili dupã pãrearea di nafoarã.#10:7 Videts faptili! Macã vãrã easti cãndãrsit tu nãsu cã easti a Hristolui, prindi s-mindueascã di nou aestã tsi, ashã cum easti elu a Hristolui, ashãtsi him sh-noi. 8Cã, sh-macã va mi alãvdam niheamã ma multu cu putearea tsi nã deadi Domnul ti ndridzearea sh-nu ti aspãrdzearea a voastrã, mini nu va mi arushinedz. 9Nu voi s-vã si par canda ma vã nfricuedz prit epistolili a meali. 10Cã niscãntsã dzãc: “Epistolili a lui dealihea suntu greali sh-nvãrtoasi, ma pãrãstisirea a lui di trup easti slabã shi zborlu a lui easti ti cantsiva.” 11Ahtar om prindi s-mindueascã aestã: cã ashãtsi cu him tu zbor, prit epistolili a noastri nihinda atsia, ahtãri va him sh-cu fapti cãndu s-him atsia.
12Noi nu cutidzãm tsi s-nã arãdãpsim icã s-nã undzim cu niscãntsã di atselji cai s-alavdã singuri, ma elji s-misurã cu misurarea a lor sh-elji s-undzescu cu nãshi sh-nu agiungã s-achicãseascã. 13Iarã noi, nu ma nã alãvdãm ma multu di tsi prindi, ma dupã mizura a huzmitipsiriljei tsi nã mpãrtsã Dumnidzãlu ca mizurã, pãnã-cãndu s-agiundzem la voi. 14Cã noi nu lu tritsem sinorlu cu alãvdãrili a noastri, di cum nu agiumsim pãnã la voi, cã noi vinim pãnã la voi cu evanghelu al Hristos. 15Noi nu nã tindem ma multu tu mizurili a noastri prit alãvdãrili cu lucrul adãrat di altsã. Nãdia a noastrã easti tsi cum pistea a voastrã creashti, mizura a noastrã ti huzmitipsiri namisa di voi va s-arãspãndeascã ma multu. 16Atumtsea noi putem s-hãbãrsim evanghelul tu locurili tsi s-tindã diparti di voi, sh-nu vrem s-nã alãvdãm cu huzmitipsirea tsi easti faptã tu cãmpul a unui altu om. 17Ma: “Alãsats-lu atsel tsi s-alavdã, s-alavdã tu Domnul.”#Ier 9:24. 18Cã nu easti atsel tsi s-alavdã tsi easti aprovat, ma atsel tsi easti alãvdat di la Dumnidzãlu.
Currently Selected:
2 Corintenji 10: BLRR
Highlight
Copy
Compare
Share
Want to have your highlights saved across all your devices? Sign up or sign in
