1 Timoteu 2
2
Dimãndãciunjili trã Pãrãcãlsiri
1Tsã fac rigeai nãinti di tuti, si s-facã spigiurari, rugãciunji, interviniri sh-hãristisiri trã tuts oaminjlji, 2trã amiradzlji sh-trã tuts atselji cai suntu tu puteari, tra s-putem s-tritsem unã banã arihãtipsitã sh-tu pace cu itsi dumnidzãsiri sh-tinjii. 3Aestã easti bunã sh-arsitã nãintea al Dumnidzãu, Ascãpãtorlu a nostru. 4Elu va tsi tuts oaminjlji si ascapã shi s-agiungã la cunushtearea a alihiljei. 5Un easti Dumnidzãlu, sh-un singur easti misitlu ntrã Dumnidzãlu sh-oaminjlji: Hristolu Isus om, 6tsi deadi bana ca arãscumpãrari trã tuts, ca mãrtirii tu chirolu tsi prindi. 7Trã atsea mini mi bãgarã predicãtor sh-apostul – dzãc alihea, nu arãd – nvitsãtor la pãngãnjlji tu pisti sh-tu alihea. 8Voi, tsi bãrbatslji s-pãrãcãlsescã iutsido, sculãnda mãnjili atseali curati, fãrã nãriri sh-fãrã ngrãnji. 9Tutashã, voi tsi sh-muljerili si nveascã cu simplitati, cu tãpinii sh-cu tinjii, sh-nu cu cusitsi sh-cu furii, cu mãrgãritãri sh-cu stranji scumpi, 10ma cu fapti buni, cum lã-au hari a muljerilor tsi suntu spigiurati la Dumnidzãu. 11Muljearea s-nveatsã tu tãtseari, sh-cu sumbãgari trã tuti. 12Mini nu u alasã muljearea tsi s-nveatsã, sh-nitsi s-aibã autoritati pristi bãrbatlu, ma si sta tãcutã. 13Cã ma nãinti s-featsi Adamlu, sh-deapoea Eva. 14Sh-nu s-arãsi Adamlu, ma muljearea s-arãsi sh-cãdzu tu amãrtii. 15Cu tutã atsea ea va si-ascapã prit amintarea a cilimenjilor, macã ea va armãnã tu pisti, tu vreari sh-tu sãmtsãsiri cu tãpinii.
Currently Selected:
1 Timoteu 2: BLRR
Highlight
Copy
Compare
Share
Want to have your highlights saved across all your devices? Sign up or sign in
