1 Corintenji 13
13
Vrearea
1Macã va zburam pi limbili a oaminjlor, sh-a anghilor, shi s-nu aveam vreari, va s-earam faptã ca un bãcãr asunãtoarã, icã ca un tsimbal tsi agudeashti. 2Macã va aveam darea a prufitsiiljei shi s-cunushteam tuti mistiryili sh-tutã shtintsa sh-ma s-aveam tutã pistea cãt s-mutam muntsãlji di loc, ma s-nu avem vreari, atumtsea nu va eram tsiva. 3Sh-macã va u-mpãrtsam tutã avearea a mea, sh-macã va lu dãdeam truplu a meu tra s-mi alãvdam,#13:3 tu alti manuscrisi easti “s-ardã”. macã nu va aveam vreari, nu va nji axizea tsiva.
4Vrearea ari arãvdari, easti bunã, nu ari zilii, vrearea nu s-alavdã, nu s-pirifãnseashti, 5nu s-aspunã nitinjisitã, nu caftã a ljei, nu s-nivriseashti aĝonjea, nu lugurseashti arãulu, 6nu s-hãrseashti di nindriptatea, ma s-hãrseashti di alihea, 7tuti li anvãleashti, tuti li pistipseashti, tuti li nãdãeashti sh-tuti li aravdi.
8Vrearea pute nu cadi nghios, ma macã ari prufitsii, ea va s-bitiseascã, macã ari limbi, eali va pãpseascã, macã ari shtintsã, ea va s-afãniseascã. 9Cã noi cunushtem putsãn sh-prufitipsim putsãn, 10ma cãndu s-yinã atsea cai easti perfectã, atsea tsi easti partsialã va s-bitiseascã. 11Cãndu earam cilimean, zburam ca cilimean, mindueam ca cilimean, giudicam ca cilimean. Ghini-ma, cãndu mi feciu bãrbat, s-bitisirã atseali njicuramili. 12Cã tora videm ca prit unã videalã nicuratã, ma atumtsea va li videm tuti tu oclji. Tora cunoscu putsãn, ma atumtsea va cunoscu ntreg, ashã di cum escu cunuscut.
13Tora armãn aesti trei: pistea, nãdia sh-vrearea. Ma marea di aesti easti vrearea.
Currently Selected:
1 Corintenji 13: BLRR
Highlight
Copy
Compare
Share
Want to have your highlights saved across all your devices? Sign up or sign in
