إنجيل يوحنا 9

شفا الأعمى من يوم ما نولد

1ولما كان يسوع مار، شاف راجل أعمى من يوم ما تولد. 2سأله تلاميذه:« يا أستاذ مين اللي أخطأ: هادا أو والديه حتى أنو نولد أعمى؟» 3رد عليهم يسوع: ما أخطأ لا هو ولا والديه، لكن علشان تظهر أعمال الله فيه. 4وأنا علي إني اسوي أعمال اللي أرسلني ما دام الوقت لسه نهار. رح ييجي الليل وما في واحد يقدر يسوي بالليل. 5وما مدمت في العالم، أنا نور العالم.

6قال هادا: وتفل في التراب. وعمل من تفاله طين، بعدين حطه على الأعمى، 7وقال له: روح اتروش في بركة سُلْوَام، أي المرسل. راح واتروش ورجع يشوف.

8وتساءل الجيران واللي كانوا يشوفوه من قبل بيشحد: «مو هادا اللي كان يجلس ويشحد؟» 9ناس منهم قالوا: «هادا هو». ناس تانيين قالوا «لا بس يشبهه!» أما هو رد وقال: «أنا هو حقيقة!» 10قالوا له: «كيف فتحت عيونك؟» 11رد: الراجل اللي اسمه يسوع عمل طين ودهن فيه عيوني، وقاللي: روح بركة سلوام واتروش فيها. رحت واتروشت وصرت أشوف 12سألوه: «فين هو داحين؟» قال «ما أعرف!»

فرسيين يسألوا عن الشفا

13وراحوا بالراجل اللي كان أعمى للفرسيين 14وكان اليوم اللي سوى يسوع في الطين وفتح عيون الأعمى يوم سبت. 15ساله الفرسيين كمان كيف صار يشوف فجاوبهم: «حط الطين على عيوني واتروشت وانا دحين اشوف!» 16قال ناس من الفرسيين: «ما ممكن أنو يكون هادا الراجل من الله، لأنو يخالف سنة السبت!» بس ناس منهم قالوا: «كيف يقدر راجل يعمل الخطيئة أنو يسوي زي هادي الآيات؟» واختلفوا بينهم 17ورجعوا وسألوا اللي كان أعمى: «انت ايش رايك فيه ما دام فتح عيونك؟» جاوبهم «إنو نبي!»

18رفض اليهود أنهم يصدقوا أنو كان أعمى وصار يشوف، ونادوا على والديه 19وسالهوهم: هادا ابنكم مولود أعمى زي ما تقولوا؟ كيف صار يشوف داحين؟ 20جاوبهم والديه: «نعرف انو هادا ولدنا وانو انولد أعمى 21بس احنا ما نعرف كيف هو يشوف داحين، وما نعرف مين اللي فتح عيونه. هو كبير وراشد ويجاوبكم عن نفسه، اسألوه!»

22والدينو قالوا هادا الكلام لأنهم خايفيين من اليهود، لأنو اليهود اتفقوا بينهم أنو يطردوا من المجمع كل واحد يعرف أنو يسوع هو المسيح. 23علشان كدا قالوا: «إنو كبير وراشد اسألوه».

24بعيدين نادى الفرسيين، الراجل اللي كان أعمى مره تانية وقالوا له «مجّد الله! احنا نعرف أنوهادا الراجل مخطي». 25جاوب: «ما أعرف اذا هو مخطي! بس أعرف شي واحد: إني كنت أعمى وداحين أشوف!» 26وسالوه مره تانية: «ايش سوا فيك؟ كيف فتح عيونك؟» 27جاوبهم: قلتلكم وانتوا ما تسمعوا كلامي. ايش تبغوا تسمعوا مره تانية؟ يمكن تبغوا انتوا كمان تصيروا تلاميذ له؟ 28قاموا سببوه وقالوله: انت تلميذه! أما احنا تلاميذ موسى 29احنا نعرف انو موسى كلمة الله، بس هادا ما نعرف له اصل. 30رد عليهم الراجل: شي فعلا عجيب! فتح لي عيوني وانتوا تقولوا ما نعرف له أصل. 31احنا نعرف أنو الله ما يستجيب للمخطئين، ولكن يسمع للي يتقيه ويسوي إرادته. 32وما أنعرف على طول الأجيال أنو أحد فتح عيون مولود أعمى! 33لو كان هو مو من الله ما كان قدر أنو يسوي شي 34صرخوا في وشّه: انت كلك نولدت بالخطيئة وتعلمنا! بعدين طردوه برّه المجمع.

العمى الروحي

35وعرف يسوع انو انطرد للخارج، راح لو وسأله: «تآمن بابن الله؟» 36جاوبو: «مين هو يا سيد علشان آمن فيه؟» 37قاللوا يسوع: «اللي شفته واللي يكلمك هو نفسه!» 38قال: بآمن فيه يا سيد وقام سجد له.

39قال يسوع: «لدينونه جيت لهادا العالم: علشان يشوف العميان ويعموا المبصرين!»

40سمع هادا الكلام ناس من الفرسيين اللي كانوا معه وسألوه: «وأحنا عميان كمان؟» 41رد عليهم يسوع: «لو كنتوا عميان بجد ما كان عليكم خطيئة. بس تزعموا انكم تشفوا، وبكدا رح تبقى خطاياكم».

Currently Selected:

إنجيل يوحنا 9: HNAV

Highlight

Copy

Compare