إنجيل يوحنا 3

يسوع يعلم نيقوديموس

1بس في واحد من الفرسيين، اسمه نيقوديموس، وهو كان واحد من المجلس اليهودي. 2جا ليسوع في الليل وقال له:« يا أستاذ، إحنا نعرف انك جاي من الله استاذ، علشان ما يقدر أحد أنو يسوي زي ما تسوي من الأيات إلا إذا كان الله معه». 3رد عليه يسوع: «الحقيقة الحقيقة أقوللك: ما ممكن أحد يقدر يشوف ملكوت الله إلا اذا انولد من جديد». 4وسألة نيقوديموس: «وكيف يقدرالإنسان انو ينولد وهو كبيرفي السن؟ ممكن أنو يقدر يدخل بطن أمه تاني وبعدها ينولد؟» 5رد علية يسوع: «الحقيقة الحقيقة أقول لك: ما ممكن أن يدخل أحد ملكوت الله إلا اذا انولد من الموية والروح. 6لأنو المولود من الجسد فهو جسد والمولود من الروح فهو روح. 7علشان كدا لا تستغرب اذا قولت لك انكم بحاجة انكم تنولدوا من جديد. 8والريح تهب منه فين ما تبغى وتسمع صفيرها، بس انت ما تعرف من فين تيجي ولا لفين تروح. وكدا كل مين نولد من الروح».

9رجع نيقوديموس يسأل تاني: «كيف ممكن يصير هادا؟» 10رد علية يسوع:«انت معلم إسرائيل وما تدري بهذا! 11الحقيقة الحقيقة أقول لك: إحنا نتكلم باللي نعرفة ونشهد باللي نشوفة، ومع كدا ما تقبلوا شهادتنا. 12اذا كلمتكم بمواضيع الأرض وما تآمنوا، فا كيف تآمنوا اذا كلمتكم بأمور السما؟ 13ومافي أحد طلع للسما الا اللي نزل منها، وهو ابن الإنسان اللي هو في السما

14وزي ما علق موسى الثعبان في البر، كمانه لازم يتعلق ابن الانسان، 15علشان تكون الحياة الأبدية لكل واحد يآمن فيه. 16لأنو كدا حب الله العالم حتى انو أدى ابنو الوحيد، عشان ما يهلك كل واحد يآمن فيه، لكن تصير لوالحياة الأبدية. 17لأنو الله ما أرسل ابنة علشان يدين الناس، لكن علشان يخلص الناس فيه. 18واللي يآمن فيه ماراح يندان، أما اللي ما يآمن فيه رح ينحكم عليه ويندان، لأنو ما آمن باسم ابن الله الوحيد. 19وهادا هو الحكم: انو النور جا للناس، بس الناس عجبهم الضلام أكتر من النور، لأنو أعمالهم كانت كلها شر. 20كل واحد يسوي شر فا هوه يكرة النور، ولا ييجي على باله أنو تنفضح أعمالة. 21واللي يسلك عن الحق يجي للنوروتبان أعماله ويبان له أنها انعملت بقوة الله».

شهادة يوحنا المعمدان عن يسوع

22وراح يسوع مع تلاميذة بعد كدا لبلاد اليهود وعاش فيها معهم، وصار يعمد. 23وكان يوحنا كمان يعمد في عين نون القريبة من ساليم، لأنو الموية هناكا كانت كتيره وكانوا ييجوا ويتعمدوا. 24وكان يوحنا لسه ما رموو بالسجن.

25وصار جدل بين تلاميذ يوحنا وواحد من اليهود في مسألة الطهارة. 26وراحوا ليوحنا وقالوا له: « يا استاذ، الراجل اللي شفناه معاك ورا نهر الأردن واللي شهدت لو، هو كمان يعمد، والكل يتحولوا له!» 27رد يوحنا وقال: « ما يقدر أحد أنو يأخد شي إلا اذا السما أدتلو هو. 28انتو تشهدوا على كلامي:أنا قلت أنا مو المسيح أنا رسول يفسّح لو الطريق. 29ومين كانت لو العروسة يصير هو العريس! أما صديق العريس، هوه اللي يوقف جنبة ويسمعه، وينبسط لفرح العريس. وبكدا فرحي صار. 30وبكدا لازم هو يكتر وأنا أنقص».

31واللي يجي من فوق يصير هو فوق الكل. واللي من الأرض يكون أرضي ويتكلم كلام أرضي. اللي جاي من فوق هو فوق الكل 32وهوه يشهد باللي سمعة وشافة، ومافي أحد يرضى بشهادته! 33وأنو اللي يقبل شهادتة، يوافق على أنو الله حق. 34أنو اللي ارسلة الله يتكلم بكلام الله وبكدا الله يدي الروح، مو بالمكيال. 35فا الاب يحب الإبن، وخلى بيدو كل شي. 36ومين يآمن بالإبن تكون له الحياة الأبدية واللي يرفض أنو يآمن بالإبن، فإنو ما رح يشوف الحياة، ورح يحل علية غضب الله.

Currently Selected:

إنجيل يوحنا 3: HNAV

Highlight

Copy

Compare