إنجيل يوحنا 2

يسوع يحول الموية لخمر

1وفي اليوم التالت كان في عرس في قانا في منطقة الجليل، وكانت ام يسوع هناكا 2وعزموا للعرس يسوع وتلاميذة كمانه. 3ولما خلصت الخمره، قالت أم يسوع ليسوع: «ما بقي عندهم خمر!» 4رد عليها يسوع:« ايش تبغي مني يا حرمه؟ ساعتي لِسَّاعَهَا ما جت!» 5قالت أموللخدم: «سووا زي ما يقولكم». 6وكان في ست جران من الحجر، وكان اليهود يستعملوا الموية حقتها علشان يتطهروا، كل جرن ياخذ مكيالين أو تلاته (يعني من تمانين لغاية ميه وعشرين لترموية) 7وقال يسوع للخدم: «ملوو الجران موية ». وملووها لين صارت مليانه لاخرها. 8وبعدينة قاللهم «وداحين اغرفوا منها وقدموها لرئيس العزومه!» وسووا زي ما قاللهم. 9ولما داق رئيس العزومة الموية اللي صارت خمر، وما يعرف من فين جا، بس الخدم اللي قدموا له كانوا عارفين، ونادى للعريس، 10وقاللو:«الناس كلهم يقدموا الخمرالطيب اول شي، ولما يسكر الضيوف يقدمولهم الشي اللي جودته أقل. بس أنت لداحين خليت الخمر الطيب!»

11هادي المعجزة كانت هي أول معجزة سواها يسوع في قانا الجليل، ووراهم مجده، وآمن التلاميذ في.

12وبعدينة، نزل يسوع وأمه واخوانه وتلاميذة لمدينة كفرناحوم، وهناكا بقيوا كم من يوم.

يسوع يطهر الهيكل

13ولما قرب عيد الفصح اليهودي، طلع يسوع لأورشليم، 14وشاف في الهيكل اللي يبيعوا البقر والغنم والحمام والصرافين جالسين على سُفَرْهُم، 15قام جدّل سوط من الحبال وطردهم كلهم من الهيكل، مع الغنم والبقر، وخربط فلوس الصرافين وقلّب طاولاتهم. 16وقال للي يبيعوا الحمام: «اخرجوا من هنا. ولا تخلوا بيت أبويا بيت للتجارة!» 17وتذكر تلاميذه أنو الكتاب يقول: «الغيرة على بيتك بتاكلني».

18ووقف اليهود في وجه يسوع وقاللوله:« هات دليل يثبت أنك لك سلطة تسوي اللي سويته!» 19رد عليهم يسوع: «اهدموا هادا الهيكل، وفي تلات أيام أقدر ابنية». 20قاللوا اليهود: « أخد بنا هاداالهيكل ست وأربعين سنة، تقدر أنت تبنية في تلت أيام؟» 21بس يسوع كان يأشرلهيكل جسمه. 22ولما قام من بين الأموات بعدينة تذكر تلاميذة كلامة هادا، فآمنوا بالكتاب وبالكلام اللي قاله يسوع.

23ولما كان في أورشليم في عيد الفصح، آمن باسم يسوع ناس كثيرلأنهم شافوا الآيات اللي سواها. 24بس هو ما أَمّنهم على نفسه، لأنو كان يعرفهم كلهم. 25وما كان بحاجة لمين يشهد لوعن الإنسان، لإنو يعرف ايش في نفسهم.

Currently Selected:

إنجيل يوحنا 2: HNAV

Highlight

Copy

Compare