إنجيل يوحنا 20

القبر الفاضي

1وفي أول يوم من الأسبوع جت مريم المجد ليه من بدري الصباح لقبر يسوع، وكان الضلام لسه مخيم، وشافت الحجر مرفوع عن باب القبر. 2فراحت بسرعة لسمعان بطرس والتلميذ التاني اللي كان يسوع يحبو وقالتلهم: «أخدوا الرب من القبر، وما نعرف فين حطوه!» 3طلع بطرس والتلميذ التاني وراحوا للقبر. 4وكانوا يجروا مع بعض. بس التلميذ التاني سبق بطرس ووصل للقبر قبله، 5وطى وشاف الكفن مرمي على الأرض، بس ما دخل. 6بعدين وصل سمعان بطرس وراه للقبر ودخلو، وشاف كمان الأكفان منرمية عالأرض. 7والخرقة اللي كانت ملفوفة على راس يسوع، لقوها بعيده عن الأكفان. 8بعد كدا دخل التلميذ التاني، اللي وصل القبر بالأول وشاف وآمن. 9لأنو التلاميذ ما كانوا لغاية داك الوقت فهموا أنو الكتاب تنبأ بأنو لازم يقوم من بين الأموات. 10بعد كدا رجع التلميذ ين كل واحد لبيته.

المسيح يطلع لمريم المجدلية

11بس مريم فضلت واقفة بره تبكي عند القبر. ولما كانت تبكي، انحنت للقبر. 12وشافت ملاكين في لباس أبيض، جالسين عند المكان اللي كانت في جثه يسوع، واحد عند الراس والتاني عند الرجول. 13وسألها الملكين، يا حرمة، ليش تبكي؟ ردت: «أخدوا سيدي وما أعرف فين حطوه». 14قالت هادا الكلام وطالعت وراها، وشافت يسوع واقف، بس هي ما عرفت أنو يسوع. 15سألها: «يا حرمة ليش تبكي؟ على مين تدوري؟» حسبت أنو البستاني، قالتلو: «يا سيد، اذا انت أخدتو قللي فين حطيتو علشان آخدو». 16زهم عليها يسوع: «يا مريم!» انتبهت وصاحت بالعبراني: «ربوني». يعني: يا معلم، 17قاللها: «ما تمسكي فييا! أنا لسه ما طلعت للأب، روحي لأخواني وقوليلهم: اني رح اطلع لأبويا وأبوكم، والهي والهكم!» 18رجعت مريم المجدلية وبشرت التلاميذ وهي تقول: «انا شوفت الرب!» وقالتلهم ايش قاللها.

المسيح يظهر لتلاميذه

19ولما صار المسا في داك اليوم وهو أول يوم من الأسبوع، كان التلاميذ مجتمعين في بيت وسكروا أبوابه خوف من اليهود، وشوية يسوع جا وسطهم وقال: «سلام عليكم!» 20ولما قال هادا الكلام، ورراهم يدينو وجنبو، قام االتلاميذ فرحوا علشان شافوا الرب. 21قاللهم يسوع: «سلام لكم. وزي ما الأب أرسلني، أنا أرسلكم». 22قال هادا ونفخ فيهم وقاللهم: «أقبلوا الروح القدس. 23اللي غفرتوا خطاياهم راح تنغفرلهم، والي مسكتوا خطاياهم فهي ممسوكه!».

يسوع يظهر لتوما

24بس توما اللي هوواحد من التلاميذ التنعشر، وهو معروف بالتوأم، ما كان مع التلاميذ لما جا يسوع. 25قال لوله التلاميذ التانيين: «شفنا الرب!» فرد عليهم: «إزا ما شفت مكان المساميراللي في يدينو، وأحط أصبعي مكان المسامير، وأحط يدي في جنبوو ما حآمن!».

26وبعد تمن أيام ولما كان تلاميذه مجتمعين داخل البيت وتوما معهم، جا يسوع والأبواب مسكره، ووقف في الوسط وقال: «سلام لكم!». 27بعدين قال لتوما: «هات أصباعك لهنا، وشوف يديني، وجيب ايدك وحطها في جنبي. وخليك مآمن!». 28صاح توما: «ربي وإلهي». 29قاللو يسوع: «علشان إنت شوفتني آمنت؟ السعاده للي يآمنوا من غير ما يشوفوني»

الغايه من انجيل يوحنا

30وسوى يسوع قدام تلاميذه آيات كتيره تانية ما انكتبت في الكتاب. 31بس هادي الآيات انكتبت علشان تآمنوا بأنو يسوع هو المسيح ابن الله، وعلشان تصير لكم حياة باسمه لما تآمنوا.

Currently Selected:

إنجيل يوحنا 20: HNAV

Highlight

Copy

Compare