Lukasi Phrinzangpo XXIII.
XXIII.
1Yang khonti mithsoun jung langse kho Pilatusi der khyers. 2Ni, khongis khoeka diu zeren snyad ba ryaḵẖs : Ngachâ diu nganti lamstorla tangen yang rang Masih Rgyalpo in zere, Qosarla bab malchor zeren thong. 3Ni, Pilatusis diu zeren khoa tris : Khyerang Yudayapauni rgyalpo lna ? Khos tamlaniang khoa mols : Yerang rangis moled! 4Ni, Pilatusis gowa kohonun nang sharbaunla zes : Ngâ di mîka snyad thongmamed. 5Amma, dius Yudaya gang meang dobasang Galilayasikana tangspao dir thsaqpa miunla ltsabse styaqed zere khongis yangang galchan base zes; 6Ni, Galilyas zeren goana Pilatusis: di miun Galilayaspa ina (zere) tris. 7Yang kho Herodesi rgyastridiang yodpao rshtaḵẖspa songse kho khorangang de jaquniang Yerusalema yoden khos kho Herodesla tangs. 8Ni, Herodes Yeshu thongse mangmo thad chiazerbana khoe luksiang mangmo gose yodpin yang khos mana snan na mallaqa khoa ltasnyi yodpin; yang khos phingskhan rshtaḵẖsna katoa lte rdyangma yodpin. 9Yang khos khoa tam mangmo trîn duks; amma, khos khoa chang tamlanchik masals. 10Yang gowa kohenun nang chhos-zbrikhanun langse ḵẖa yongse khoeka snyad tangen duks. 11Ni, Herodesis rangi rshmaqun nadrese kho rtsismed base yang ukhan tangse yang rdemo goncha skone kho Pilatusi der ldzoqse tangs. 12Yang diana jaq khoranga Herodes nang Pilatus rgakhan song; chiazerbana snanla khong mirgakhan inmin.
13Ni, Pilatusis gowa kohenun nang gowaunla yong zere khyongsena, 14Khonga zes : Khyentes di miu sharba lamstorla tangkhan in zere ngi shitia khyongsed; yang ltosang, ngas khyenti dunla khoe tsaltsal base khyentes khoeka tangmi snyaduni luksiang ngâ khoeang chang budthalchik mathong. 15Hana Herodesla (ma thong) [chiazerbana ngas khyentang khoo der tangs, yang khos kho ngachi der ldzoqse tangsed; yang ltashigang khoekana sade phangmi byormo yodkhan lashik chang rgalspamed. 16De phya ngas kho bred chuksena phude tanged. 17Ni, dare khongi phya rgamoe jaqa chikchik rshaqrshid bachao khoa thsa-thsa inmin]. 18Amma, khong jungi thabshiga khstabse zos : Diu khyer, yang ngachi phya Barabbas phude tongi 19Diu rgyalsiang langskhan khrulchigis base yang mi sadspi phya kaqkhangeang tangcha songmin. 20Do in nâng Pila-tusis Yeshu phude tangmi sambika yang thabs. 21Amma khongis kustabse zes: Kaṯo shinga phing, kho kaṯo shinga phing! 22Ni, khos tser sumika khonga zes : Chia ? Khos chi rtsoqpoek based ? Ngâ khoeang sadpi chang snyedchik thongma med. De phya ngas bredchuksena kho phude tangnuk. 23Amma, kho kaṯo shingika phing zere khongis thsathsa base kustabs, yang khong nang gowa kohenuni kuspo lokhan song. 24Ni, Pilatusi khongi juao na zomse bos (zere) mols. 25Ni, de khrul ltsangse yang mi sadpi phya kaqkhangeang yodkhan khongis tong zeskhan miu phude tangs; amma, khos khongi ranlukspo nazomse ba Yeshu khongi laqa rshtads.
26Yang khongis kho phyistâ khride chhatsana, khongis jingiangna yongen yod-khan Simon zerkhan Kurenayaspa chikchik zunena yang Yeshui rgyalpona drulba kaṯo shingpo khoeka kals. 27Yang sharbi chho mibongshik nang khoe phya qo ben yang nguin yodkhan bomo-buthsa mangmo khoe rgyabpona druls. 28Ni, Yeshus khongi rolla loqse mols : La Yerusalemi bomoun, ngi phya mangushik doba-sang rang nang rangi phrûni phya ngushik. 29Chiazerbana ltsahik, khongis maskyeskhanun nang phru makhurskhan ltoaun nang mathungchukkhan pipiun rgyalba in zerbi jaqun yonged. 30De thoa khongis riunla zeruk : Ngachika loqse yongshik, yang setoqunla : Ngacha zbashik. 31Chiazerbana sngonpo laqthsuks-la ḏinda bana ni skamboa chi miba ? 32Ni, Yeshu nanyambo sadpi phya rtsoqpo lasbakhan mingga nyisang tede khyeredpin. 33Yang khong gophoto zerkhan malseka hlebana der khongis kho kaṯo shingika thsuks yang rtsoqpo lasbakhanun-ang chikchikpo trangljongsla yang echikpo yonljongsla. 34Ni, Yeshus mols : Kasa Ata, diunla skyonzod ba zadang chiazerbana diunla chi bed zerchao shespa-med. Yang khongis khoe gonchaunla shingbu tangse po bas. 35Yang sharbas langse lten yodpin yang gowa unisang ukhan tangen diu zeredpin : Dius eun khomchuks; taqdir kho Ashipi rchespa Masih in na khos rang khomchuk. 36Ni rshmaqmiunisang nyemoa yongse skyurmo rgunchnang tangen ukhan tangs. 37Yang diu zes : Taqdir khyerang Yudayaspauni rgyalpo in na, ni khyeres rang khomchuk! 38Yang khoe katodpoa Yunan nang Roman nang Heberpi Yigêka diu zbrise yodpin: Diu Yudaiapauni Rgyalpo in.
39Ni, dare kaṯo shingika phingskhan rtsoqpo lasbakhanuniangna chikchigis kho ukhan tangse zes: Taqdir khyerang Masih in na ni rang nang ngacha khomchugang. 40Amma, echikchikpos khoa diu zeren zings: Dia shaḵẖsi sprolangsiang phoqse yoden khyerang Ashipa-a-ang jikspameda ? 41Chiazerba-na ngantang rsha yodkhani zde thobed yang ngantanga diu mantaḵẖs na shaḵẖsika thop; amma dius byormed lashik chang baspamed. 42Ni, khos Yeshus jus : Kasa Ashipa yerang rangi rgyastridiang skyodtsana ngâng itu ba zadang. 43Yang Yeshus khoa mols : Chhadkhika, ngas khyeranga zered, khyerang nga na nyambo mana diring khoranga Ashipi thsasiang dukcha chhok.
44Nyima tro ekana (dusthsod truk) tangspao dusthsod rgu (nyima rgaski) thsaqpa yul gangmeang ṯẖup songse lus. 45Yang nyimao ṯẖup song, yang Rtsangma malsi yolao rshkiltsumsna chhads. 46Yang Yeshus kustabse jus : Kasa Ata, ngas ngari Semspo yeri chnaqlaqa tanged; yang diun molena kho nongs. 47Di lukspo thongse rshmaqi rgyapon Ashipi stodkha ben diu zes : Mantaḵẖsna di miu khadrang inmin. 48Yang di ltanmoa nyambo yongskhan mibongsunis di songkhanun thongse brang rdungen loqse song. 49Ni, kho na nyamshanun jung nang de Galilayas na kho nanyambo yongskhan aneun thaqringna langse diunla lten yodpin.
50Yang ltosang, rgyala nang khaḏang inkhan yuli gralbakhan Yoseph zorkhan mik, 51Yudayaspi yuli Arimathiâ dukkhan nang Ashipi rgyastridla dade yodkhan inmin; kho euni grabspo nang laspoa mirankhan inmin. 52Kho Pilatusi der songse Yeshui stroq medkhan rgo rtsods. 53Yang phabse, do stramo rasiang tums yang braqiang bruse yodkhan nang suang majaqskhan durkhang chikchigi nanggospeang jaqs. 54Yang chhetaqi jaq inmin, yang dalbi jaqpo yongedpin.
55Ni, Galilayas na kho nanyambo yongskhan aneun, rgyabpona yongse de dur-khangpo yang khoe stroq medkhan rgo jaqspi zostao thong. 56Yang loqse songse trijimun nang trijimchan marun chnetaq bas; yang dalbi jaqa molspao na zomse khong dale duks.
Currently Selected:
Lukasi Phrinzangpo XXIII.: SOMA
Highlight
Share
Copy

Want to have your highlights saved across all your devices? Sign up or sign in
© Société Biblique de Genève