Lukasi Phrinzangpo XXII.
XXII.
1Ni, Pesaq zerkhan skyur medkhan ṯakiuni rgamo nyemoa hlep. 2Yang, kohenuni gowa nang chhos-zbrikhanunis kho gatsuga saduk (zere) lamtsa-len yodpin, chiazerbana khonga sharbâ jiksedpin. 3De chunyispeangna rtsise yodkhan phyasminga Iskariot zerkhan Yudas-iang Nganpao juks. 4Yang kho bingse songse gowa kohenun nang rshmaqponun nanyambo Yeshu khongi laqa gatsuga rshtaduk zere grabs bas. 5Yang khong thad, yang khoa rshmul tangma gad. 6Yang khos chhad bas. Yang mibongs medpika kho khongi laqa rshtadpi lam tsals.
7Ni, Pesaq sadpa thsathsa inkhan de skyur-medkhan-ṯaki mi-rgamoe jaqpo hlep. 8Yang khos Petros nang Yoannes diu molen tangs : Songse ngachi zachi phya Pesaqpo chhetaq bashik. 9Amma, khongis khoa jus : Ngachas yeranga gar chhetaq bachawa thaded ? 10Ni, khos khonga mols : Ltosang, khyentang rgyalsiang jukspachikna khyentanga chhukar khurkhan mik na thuk-tuk; kho jukskhan khangmeang khoe lzâ songse jukshik! 11Yang khyentes khangrdaqpoa zeruk : Ltsabkhanpos yeranga moled : Ngas ngari lzadrulbakhanun na nyambo Pesaq ze mingna de gronpe duksao gar yod ? 12Yang khos khyen-tanga rchokha base yodkhan chho rabsal chikchik stanuk; deka chetaq bashik. 13Ni, khong songsena Khos khonga molspao na ḏanḏa yodsuk, yang khongis Pesaq chhetaq bas.
14Yang tho hlebana kho sangma donma juks, yang phrin-khyed-chuk-khanun kho nanyambo (duks). 15Yang khos khonga mols: Ngâ naḵẖs thongchao ba-sang snanla di Pesaqpo khyentang nanyambo ze snying-na-tongo yodpin. 16Chiazerbana ngas khyentanga zered : Do Ashipi rgyastridiang gangrgya chhachha thsaqpa ngas do yang mana mi za. 17Yang khoa kariolpo tangs, yang khos ju basena mols : Diu lenshik yang khyentes khyentanga zgoshik. 18Chiazerbana ngas khyentanga zered : Ngas rguni phalui chhu Ashipi rgyastridpo hlebhlep thsaqpa yang mana mithung. 19Yang takik lenena, ju basena chaqs, yang khonga diu molen sals : Diu khyenti phya tangskhan ngi rgoin; nga itu jaqpi phya diao bashik! 20Dia tsoḵẖspo rgongzan don-ma thsarbana kariolpoang (sale) diu mols : Di kariolpo khyenti phya phoskhan ngi de khraqpeang soma chhadpo in. 21Dobasang ltashik! nga zunchukhhanpoe laqpao nga na nyambo chhoqtsêka yod. 22Yang mantaḵẖsna Mi-i Rshraspo ranga rshtanchukse yodpao nazomse chned, amma, kho zunchuk-khan de mîka domba. 23Ni, thabshiga khontes khontanga di laspo bakhan-chik khongiangna su insuk (zere) triso ba ryaḵẖs.
24Ni, khonti bariang tabtabpo song; diu : khongiangna jung basang chho su samcha chhed ? 25Yang khos khonga mols : Janmi mithsiruni rgyalpounis khongika rgyalchos bed, yang dounika khyud jaqkhanunla noro las bakhan zered. 26Amma, khyentang ḏinḏa med, dobasang khyentiang chho yodkhanpo tsoq basang thsuntse natsoḵẖs yang gowa inlkhanpo jabsthoq bakhan natsoḵẖs (dukshik). 27Chiazerbana chhô su in : Sangma donma jukse yodkhanpo hana jabsthoq bakhanpo? Sangma donma jukse yodkhanpo mena ? Amma, nga khyenti bariang jabsthoq bakhan natsoḵẖs duged. 28Ni, khyentang nga nanyambo ngi thikshaduniang thyaqluks bakhanun in. 29Yang ngi Ataos ngâ rgyastridchik rshtanchukpa natsoḵẖspo ngasang khyentanga, 30ngi rgyastridiang ngi chhoqtsêka khyentes za yang thungma, yang khriunika dukse Israelpi thsir chunyispoe shaḵẖs phea nyanmi phya (ngas khyentang) rshtan chuged.
31Ni, Ashipaos mols : Simon, Simon, ltosang, kro natsoḵẖs base sikpi phya Nganpaos khyentang tong zes. 32Amma, ngas khyori chheslukspo yangmo michha ngas khyeri phya juju base laqpa zuns; yang khyerang loqpana rangi phonoun rshtanchugang. 33Ni, khos khoa jus : Kasa Ashipa, yerang nanyambo nga kaqkhang nang shiluks nyiskâ chna chnetaq yod. 34Ni, khos mols : Wa Petros, ngas khyeranga zered : khyeres tser sum nga shespamed zere zerzerthsaqpa diring bya mana mibos.
35Yang khos khonga mols, ngas khyentang komaqs nang rgyaḵẖsi kyalbu nang kangrlam medpa tangtsana khyentanga chang rgosha songraina ? Ni, khongis jus: Masongmin. 36Dekana khos khonga mols : Amma, dare sui der komaqs yodna khoa do lenchukshik, yang diana tsoḵẖspo rgyaḵẖsi kyalbu-ang(len), yang medkhanpoa rangi gonchao tsongsena rargyi nyochukshik. 37Chiazerbana ngas khyentanga zered : Diu "Kho lasnganbakhanuniang rtsispa song" zere zbrise yodkhanpo ngiang gangrgya chhachao thsathsa in, chiazerbana ngi luksiang yodkhanun gangrgya chhacha in. 38Ni, khongis jus : Kasa Ashipa ziksang : Dir rargyi nyis (yod). Ni, khos khonga mols : Wahonik, thsadchigang!
39Yang kho bingse skyode rshnyoḵẖspo na zomse sarsingi rîka skyods, ni lzadrulbakhanunang khoe rgyapona song. 40Ni, de malseka hlebana khos khorg-a mols : Thikshadiang miphoqchukpa Ashipa-a laqpa zunshik! 41Yang kho khongikana barphese rdoa hlebthsadchiga dunla bingse skyods yang phuksmoeka zguse diu molen Ashipa-a laqpa zuns : 42Kasa Ata, taqdir yerang di karolpo ngikana khyerba thadna… do in nâng ngi men dobasang yeri ranmao gangrgya songshik. 43Ni, rshnamikana Ashipi skopa chikchik ngonena khoa khyud tan-gen yodpin. 44Yang kho rshanṯe ḵẖolṯoeang phoqse yangang snying tangse laqpa zuns, ni khoe rshmulchhu chho khraqi chanti natsoḵẖs seka thiksedpin. 45Yang laqpa zunma (thsare) langsena lzadrulbakhanuni der skyodpana khong ḵẖolṯo mangmo songse nyale thong. 46Yang khos khonga mols : khyentes nyid chia tanged ? Khyentang ṯhikshadiang miphoqpi mingna langsena Ashipa-a laqpa zunshik.
47Khos diao molen yodtsana, ltosang, mibongshik (yongs) yang de chunyispeang-na Yudas zerkhanpo khongi sna sna drulen yodpin, yang kho mik tangma Yeshu na chere yongs. 48Amma, Yeshus khoa mols : Wa Yudas, khyeres mik tangsena Mi-i Rshraspo zunchugeda ? 49Ni, khoe khridkhorla yodkhanunla chhachao rshtaḵẖspa songsena jus : Kasa Ashipa, ngachas rargyi skrada ? 50Yang khongiangna chikchigis chhô koheni tsonika rargyi tangse khoe trangi rshnao chade phangs. 51Yeshus tamlaniang mols : Diao thsad, yang khoe rshnawa thuksena kho noro chhachuks. 52Ni, Yoshus rangna thannya yongskhan gowa kohenun nang Rtsangma malsi gowaun nang chnimiunla mols : Khyentang rargyiun nang berkaun khure rshkunma samse bingeda ? 53Nga jaqtang Rtsangma mal-siang khyentang nanyambo yodtsana khyentes ngika laqmatangs; amma, diu khyenti dusthsod yang ṯhubi khyudpo in.
54Ni, khongis kho zunena khyes, yang [Kho] gowa koheni khangmâ tede khyes. Ni, Petros thaqringsna rgyabpona yongen yodpin. 55Yang khongis anggoni rshkilla me tangse yang khong nyambo sâduksena Petros khongi bariang duks. 56Ni, tsonmo chikchiga (mê) odiang kho dukse thong, yang khoa snying tangse ltasena zes : Yang diu kho nanyambo yodpinsuk. 57Amma, khos diu zoren men zes : La bomo ngâ kho mishes. 58Yang gyerchik basena yang chikchigis kho thongse zes : Khyerang khongiangna in wa! Amma, Petrosis zes : Wa mi, nga men. 59Yang dusthsodchik rgalena yang michikchigis chhadkha base zes: Diuang mantaḵẖsna kho nanyambo yodpin chiazerbana kho Galilsyaspa in. 60Ni, Petrosis zes : Wa mi, ngâ khyeres zerbao shespamed. Yang khos dianao khorang zeren yodtsana bya bos. 61Yang Ashipaos loqse, Petrosla ziks ; yang Petrosla Ashipas : "bya bospao basang snanla khyeres ngâ tser sum men zeruk" molskhan de tampo itu yongs. 62Yang kho phyistâ songse qo tangse ngus.
63Yang Yeshua thamse yodkhan miunis khoa ukhan tangen rdungedpin. 64Yang khoe mik-un tsumsena khoe manggaliang tangedpin yang khoa diu tridpin: Khyene zerang, khyerika sus rdungs ? 65Yang khongis yangang mencha tam mangmo khoa zes.
66Yang od jukspana mithsiri chhimiuni mithso gowa kohonun nang chhoszbri-khanun nyiska nanyambo dus, yang khongis kho khonti chhô shaḵẖs phê malsiang diu zeron khyes : 67Taqdir khyerang Masih in na ngachâ zor, Ni, khos khonga mols : Taqdir ngas khyentanga zesna khyentang mana michhes. 68Yang taqdir ngas trisna khyentes ngâ mana tamlan mitang. 69In nâng diu nang eltek Mi-i Rshraspo Ashipi khyudi trangi laqpi rolla dukcha chhok. 70Dekana khong tsoqis zes : Ni, khyerang Ashipi Rshras ina ? Ni, khos khonga mols : Khyentang rangis NGA IN zered. 71Ni, khongis zes : Ngantanga yang su rshpangpo chia rgosuk ? Chiazerbana rgantang ranga khoe khekana thsored!
Currently Selected:
Lukasi Phrinzangpo XXII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève