Yoannesi Phrinzangpo XVIII.
XVIII.
1Diun molena Yeshu khuri lzadrulbakhanun nanyambo Kedroni groqpoe pharkâ skyods. Deka thsas chikchik yodsuk; deang Kho nang khoe lzadrulbakhanun juks. 2Yang kho zunchukkhan Yudaslâng de malsao rshtaḵẖspa yodpin, chiazerbana Yeshu rangi lzadrulbakhan nanyambo der skyoden dugedpin. 3Dekana Yudas rshmaqpo nang Pharisiapaun nang gowa kohenuni yoqpo khachik tede randali odun nang beri odun nang thamoe rchasun khure der yongs. 4Dekana Yeshua rangika hlobcha yodkhanun jung rshtaḵẖspa yoden phyistâ skyode-na khonga mols : Khyentes su tsaled ? 5Khongis khoa jus : Nazaretpa Yoshu (tsalad). Yeshus khonga mols : Nga in. Yang kho zunchukkhan Yudasang khong nanyambo yodpin. 6Dekana khos Nga in molbana khong rgyaba nure songsona seka gyele phoq. 7Dokana Khos khonga yang tris: Khyentes su tsaled ? Yang khongis jus Nazaretpa Yeshu tsaled. 8Yeshus tamlaniang mols : Nga in zere ngas khyentanga zes; dekana taqdir khyontes nga tsalodna diunla chha-chukshik. 9Khos snanla "Yeres ngâ salskhanuniangna suang mastor" zere molskhan de tampo chhe mingna diu mols. 10Dekhna Simon Petrosis Khoranga yodkhan rargyiu phingsc yang gowa koheri tsonpeka tangs, yang khoe trangi rshnao chade phangs, yang tsonpoo mingpo Malkhos inmin. 11Dekana Yeshus Petrosla mols : Rargyiu shubsiang bor! Ngi Ataos ngâ salskhan karolgangpo ngas mithunga ?
12Dekana rshmaqpo nang stongpon nang Yudayaspauni yoqpounis Yeshu zuns yang kho chings. 13Yang khongis chi snâ kho Annasi der khyes; chiazerbana kho dia loe gowa kohen inkhan Kaiaphasi anê ata inmin. 14De Kaiaphas Yudayaspaunla sharbauni skinla michikchik shichao rgyalba in zere hago chukkhanpo inmin. 15Ni, Simon Petros nang e lzadrulbakhanpo der Yeshui lzâ song. Di lzadrulbakhanpo gowa kohen na nyamshan yodpin; yang Yeshu nanyambo gowa koheni rabsaliang juks. 16Amma, Petros phyista zgoeka langse duks; dekana gowa kohen nanyamshan inkhan e lzadrulbakhanpo phyistâ bingse zgo strungkhan anewa zerena Petros nanga khyongs. 17Dekana zgostrungkhan aneos Petrosla zes : Khyerang kaṯo di mî lzadrulbakhanuniangna mena ? Khos zes : Nga men. 18Ni, namzao grangmo yodpana tsonun nang yoqpounis solbi me phusena langse duks yang meden yodpin; ni Petrosang khong na drese langse yodpin yang me ḏen yodpin. 19Dekana gowa kohenpos Yeshua, khoe lzadrulbakhanuni rshman-geang nang khos ltsabi rshmangeang triso bas. 20Yeshus khoa tamlaniang mols : Ngas miyulpoa ngone spera tangs ; Yudayaspaun saq dussa Rtsangma malsa nang sharba dussi malsiang ngas rshtane ltsabsed; yang ngas sangse chang zespamed. 21Khyeres ngâ chia trid ? Ngas zeskhanpo thsorskhanunla trisang; ltosang khonga ngas zeskhanpo rshtaḵẖspa yod. 22Khos diun molbana eka langse yodkhan de yoqpouniangna chikchigis Yeshui manggaliang tangsena zes : Khyeres gowa kohenla ditsuga tamlan tangeda ? 23Yeshus khoa tamlaniang mols : Taqdir ngas rtsoqpo zersedna rtsoqpo zespi rshmangpo tong; ni taqdir noro zersedna khyeres nga chia rdunged ? 24Dekana Annasis Yeshu chingse yoden gowa kohen Kaiaphasi der kals.
25Ni, Simon Petros langse duks yang me ḏen yodpin. Dekana khongis khoa zes : Khyerang-ang khoe lzadrulbakhanuniangna mena ? Khos men zerena zes : Nga men. 26Petrosis rshna chadskhan de mî gowa koheni tson inkhan rshnyen chigis diu zes : Ngâ khyerang kho nanyambo de thsaspeang ma thongmina ? 27Dekana Petrosis yang men zere zes; yang diao zerbachikna bya bos.
28Dekana khongis Yeshu Kaiaphasi derna khariang khyes; yang mana motuk inmin; yang tsetu michha Pesaq za nyanmi phya khontang kharpeang masong. 29Dekana Pilatos phyistâ bingse, khongi der yongsena zes : Wahonik khyentes di mîka chi snyad bed ? 30Khongis tamlaniang khoa jus : Taqdir diu mencha bakhan menmin na ngachas kho yeri laqa mirshtadpapa. 31Dekana Pilatosis khonga zes : Khyentes kho khyershik yang khyenti khakhrimspo nazomse khoe shaḵẖs chadshik. Dekana Yudayaspaunis khoa zes : Ngachâ su sadpa dodpa med. 32Yeshus khorang ga zosteka nongsuk zere rshmang baskhan de khuri sperao chne phya ḏinda song. 33Dekana, Pilatos kharpeang yang juks, yang Yeshua yong zere khyongsena khoa zes : Khyerang Yudayaspauni Rgyalpo ina ? 34Yeshus tamlaniang mols : Diu yeres zereda hana yang su katos ngi luksiang yeranga zeskhan ina ? 35Pilatosis tamlaniang zes : Nga Yudayaspa kaṯo ina ? Khyeri mithsirpo nang gowa kohenunis khyerang ngi laqa rshtads; khyeres chi based ? 36Yeshus tamlaniang ldzoqs : Ngi rgyastridpo di miyuli men. Taqdir ngi rgyastridpo di miyuli inmin na ngi yoqpounis ngas Yudayaspauni laqa rshtad michukpi phya thamo bokpa; amma dare ngi rgyastridpo diri men. 37Dekana Pilatosis Khoa zes : Ni, khyerang rgyalpo ina ? Yeshus tamlaniang mols : Yerang rangis nga rgyalpo in zered; mantaḵẖspi rshpangpo tangma nga miyulpeang yongskhan in, yang de phya nga skyeskhan in; mantaḵẖsi inkhan rere nang rere ngi skadpo hagoed. 38Pilatosis khoa zes : Mantaḵẖspo chi in ? Yang diu zerena kho yang phyistâ Yudayaspauni der song yang khonga zes : Ngâ khoeang budthalchik chang thongmamed. 39Amma Pesaqi Rgamo tsana ngas khyenti phya mi chikchik phude tangmao khyenti khrims yod; dekana ngas khyenti phya Yudayaspauni Rgyalpo phude tangmawa khyentang rane-da ? 40Dekana khongis yang ruabasena zes : Di (miu phude) matong, doba-sang Barabbas phude tong. Yang Barabbas chaqpa inmin.
Currently Selected:
Yoannesi Phrinzangpo XVIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève