Narpa Phingchaun VI.
VI.
1Ni de jaquniangnuk lzadrulbakhan mangmo zbraqen chhen yodtsana (yunani skad tangkhan) Hellenpaunis Hebraipaunla buksedpin, chiazerbana khongi daqpo-shiskhan-aneuni jaqtangi ltacheang ḏanḏa base lta medpinsuk. 2Ni, chunyiskas lzadrulbakhanuni mibongspoa shitya yong zere khyongse zes : Ashipi Sperao phangse ngacha solponunla yato bachao byorba med. 3Dekana, Kasa Phonoun, khyentiangna ming rgyalba ngone yodkhan Semszangs nang shangsika gangse yodkhan mingga rdun sale pheshik; ngantes khong di jabsthoqika rshtanchuktuk. 4Ni, ngantangna laqpa zunchiang yang Speri jabsthoqeang mana snying tangse dukcha in. 5Di sperika mibongs gangma ran; khongis chhesluks nang rtsangma Semszangsika gangse yodkhan Stephanos (zerkhan) kyoqek nang Phellipos nang Prokor nang Nikanor nang Timon nang Parmenas nang (Yudayapauni chhosiang) loqskhan Antiokhiapi Nikolas phese rdams. 6Khong phrinkhyed-chukkhanuni dunla ltsangs; khongis juik base khongika laqpa jaqs. 7Yang Ashipi Sperao (khyudchan) chhen duks, yang Yerusalemiang lzadrulbakhanuni rtsispo mana mangmo zbraqen thosen song yang kohenuni chhopo mibongshik chheslukspoa tamnyan baspinsuk.
8Ni, Stephanis [chhesluksi] shazde nang khyudika gangse sharbauniang stodkhabariks lasun nang chhopo rshtaḵẖsnaun ngonchugednin. 9Ni, rshaqrshid zerkhan Sunagogeangna nang Kurenaiospa nang Aleksandreospa nang Kilikiaspa nang Asiasiang na inkhan khachik langse Stephanos na sprad-sprad ben duks. 10Yang khoa de shangs nang Semszangsika zeskhanuni loqpar ba ma nyan. 11Dekana khongunis, khos Moshe nang Ashipi rshmangeang mencha zerchaun zeren ngachâ go zeren zere kyoqa (khachiga) ltsabs. 12Dekana khongunis sharbaun nang chhimiun nang chhos zbrikhanuni (bariang) khrul ltsangs yang chhongse kho zuns yang gowauni khorpoe malsiang khyongs. 13Yang rdzoni rshpangpoun dyu zeren ltsangs: Di miyus [di] rtsangma malsa nang khakhrimsi rshmangeang mencha zerchikana zodpamed. 14Chiazerbana khos, Nazaretpa Yeshus di malsao shikcha in yang Moshes ngachi laqa tangskhan khrimsun gyurchuktuk zeren zere ngacha gosed. 15Yang Gowauni khorpoe malseka dukse yodkhan saqi mik-un khoeka phoqse yoden khoe rdongzo skopi rdongzo na tsoḵẖs yodpao thong.
Currently Selected:
Narpa Phingchaun VI.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève