Narpa Phingchaun V.
V.
1Amma minga Ananyas zerkhan khyoqek nang khoe aneo Sappheiras choqshiga yodkhan sakyad tsongs. 2Tsongsena khos khuri anewa rshtaqspa yoden rinpeangna (rdsashik) jaqs, yang dyandek pochiktsek khyongse phrinkhyed-chukkhanuni kangmapaunika jaqs. 3Ni Potrospos zes: Wa Ananyas! Rtsangma Semzangspoa rdzon tangma yang jingkhori rinpekana rdzashik chade sangse jaqpa Shetanis khyeri snyingpeang chia skangchuks. 4Khyeranga yodtsana khyeri menmina ? Yang khyeres rangi wangkhyudika tsongse yodenchik (khyeranga) menmina ? Yang khyeres khyeri snyingiang di laspo chia jaqs ? Khyeres miunla rdzon matangs dobasang Ashipa-a (rdzon tangs). 5Ni, di tamun goachikna Ananiaspo gyele phoqsena khoe hispo bings; yang [dyu]thsorkhanun saqika chho jiksmo song. 6Ni khyoqtongun langse kho ka a chhetaq bas yang phyistâ khyere kabs. 7Ni, ḏinḏek song: Dusthsod sumtsek rgale khoe anewa songskhanun rshtaḵẖspa meden nanggoltega yongs. 8Ni Petrosis khoa tamlaniang zes : Ngâ zer, khyentes jingkhorpo dyatsoga tsongspina la ? Ni khos zes : Kasa, dyatsega tsongspin(ju)! 9Ni, Petrosis de anewa zes : Khyentes Ashipi Semzangspoa thiks chadpi grabspoa chia gad ? Ltos, khyeri miyu kabkhanuni kangmaun zgoeka yod, yang khongis khyerang phyistâ khyercha in. 10Ni, de aneo dyanatho khurika khoe kangmaunika ril, yang khoc hispo bings. Ni, khyoqtongunla nanggospeang yongse de aneo shise thong; yang phyistâ khyere khoe mi na nyemor kabs. 11Yang grikskhorpaun saq, dobasang diun thsorkhanun saqa chno jiksmo song, 12Ni Phrinkhyedchukkhanuni laqkhaunis rshtaḵẖsna nang stodkhabariks las mang-mo ngons. Yang khong saq snying chik songse grikse Solomoni angonpeang (yodpin) 13Amma khontangna grikspa euniangna mana susang magraqspin, amma sharbaos khongi stodlkha bas. 14Ni chhesluks bakhanun mangmo, mibongsun, nyiska khyoqa buthsaun nang bomobuthsaun Ashipa na zbraqs. 15Yang Petrosi nyimphraqpo drulen khonguniangna kachigika phoqpi phya-ang mirdekhanun phyistâ stranguniang nyalkhriunika nang thingchasunika snyale khyongsangkhyongs. 16Ni, khridkhoriang yodkhan grongdusuni mibongspoang mirdekhanun nang semsngan byare yodkhanun khyongen Yerusalema nyambo yongs. Dyurun saq noro song.
17Ni, gowa kohenpo nang khoe Saddukaipauni phroeangna inkhan khoe phropaun jung ḵẖa yongse ltsangs. 18Yang phrinkhyedchukkhan zuns yang sharbi zsgaqkhanga jaqs. 19Amma Ashipi skopa chigis thsanla zgaqkhangi zgoun phes yang khong phyistâ khyongse zes : 20Khyentang songshik! Yang stodkhangeang langse dugen di sonluksi tamun saq sharbaunla hagochukshik! 21Ni, dyu gosena khong sngamo chhatsana stodkhangeang yongs yang ltsaben duks. Ni, gowa kohen nang khoe phropaun yongse gowauni khorpo nang Israeli buthsau-ni chhimiuni khorpo gangma yong zere zdams. Yang zgaqkhangeangna khong khyong zere tangs. 22Ni, rshtuksmiun hlebsena zgaqkhangeang khong ma thop, dekana loqse yongse dyu zeren spera tangs: 23[Mantaqsna] ngachâ zgaqkhangpo mâ rgyala base chukse dukspin, yang strungkhanun [phyistâ] zgounika langse thong, ni, pheana nanggoltega su mathop. 24Dekana chno stodkhangi gowao nang gowa kohenunla di tamun goana di lukspo chi insuk (samse) khongi rshmangeang rgyal. 25Ni, chikchik yongse khongunla dyu zeren spera bas : Mana zikshik! Yentes zgaqkhangpeang jaqskhan khyoqaun chhô stodkhangeang langse duk yang sharbaunla ltsaben duk. 26Dekana Strungponpo rshtuksmiun na drese songse khong khyongs, amma anika ldzoqse ma khyongs, chiazerbana sharbaunis rdoaspur base saduk samse jiksedpin. 27Ni, khong khyongse gowauni khorpoe malsiang ltsangs. Yang gowa kohenpos khonga trise dyu zes : 28Ngachas (snâ) khyentanga di mingpoeka maltsabshik skale skalsma skalspina ? Yang ltos, khyentes Yerusalem (gangma) khyenti ltsabchasika skangs yang khyentang de mî khraqpo ngachika jaqpa tsaled. 29Ni, Petros nang phrinkhyedchukkhanunis tamlaniang zes : miunla basang Ashipa-a tamnyan ba thsathsa in. 30Kaṯo shingika phyalla tangskhan khyentes sadskhan Yeshu ngachi mezpouni Ashipas sone ltsangs. 31Ashipas Israella gyodluks nang nyespauni daqchukchao salba khorang rangi tranglaqpoa gowa nang khomchukkhan chnezbrel na drese ldanchuks. 32Yang ngacha dyûn na khuri rshpangpo in yang khoa tamnyan bakhanla salskhan Rtsangma Semszangspoang (rshpangpo) in. 33Ni, khongunla diyu thsorbana rshanṯe phoq yang khong sadpa graqs. 34Amma ltsabkhan, nang sharbi shiringchik minga Gamaliel zerkhan Pharisaipa chikchigis gowauni-khorpo-e-malseang langse di miun gyerchigi phya phyistâ phingse tangshik zere skals. 35Ni, khongunla zes : Kasa Israelpi kyoqaun! Di miuni rshmangeang chi bacha yodna khyentes snanga jaqse bashik! 36Chiazerbana di jaqun basang snanla Theudas : Ngarang-ang dyandek in zerkhanpo langs, yang mi jibgyatsek kho na drespin, kho khorang sadcha na song, yang khoeka rdyang jaqkhanun saq thethoma song yang jik. 37Dyachikpoe jukna Galilaiospi Yudas mingun rtsichi jaquniang langs, yang khos sharba [mangmo] khuri rolla khyongs, khoang shi yang khoeka rdyang jakhanun saq threstorla song. 38Yang dare ngas khyentanga zered, di miun na thaqring dukshik yang khong detsuga phangshik, chiazerbana di grabspo hana di laspo taqdir miuni rolna in na, ni rang medcha chhok. 39Amma taqdir Ashipi rolna in na, khyentanga khong shikpa minyan, medna Ashipa na thamskhan chhok-ang-chhok. 40Khongunis khoeka rdyang jaqs; yang phrin-khyed-chuk-khan-un-la yong zere khyongse, khongika rdungse yang Yeshui mingika Spera matangshik zere skals, yang khong phude tangs. 41Dekana khontang [khoe] mingpoe phya rinmed (chhe) byormo na song zerkhanpeka thaden gowauni khorpoe dunlana bings. 42Ni, khong jaqtang, stodkhangeang nang khangmauniang Yeshu Masih (in) ltsabenchiangna yang phrinzang hagochugenchiangna mana zodpa medsuk.
Currently Selected:
Narpa Phingchaun V.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève