Narpa Phingchaun XVII.
XVII.
1Ni, khong Amphipolis nang Apolonye phres besa, basena Thessalonikyeang yongs; der Yudayaspauni Sunagog chik yodpin. 2Ni, Paulosis rangi khrimspo nazomse khonguni deang song. Yang Sabat sum zbriskhanun na khongun nadrese sprat-sprat bas. 3Rshkangun rgyala base krole yang Masiha naqs thongchao nang shiskhanuniangna sone langshao thsathsa inmin zere, yang ngas khyentanga spera tangkhan dyana Yeshuo Masih in zere rshtanpo base hagochuks. 4Yang khonguniangna khachigis tamnyan bas, yang Paulos nang Silas nanyambo dres ysng rchorkhan Hellenpauni chhopo mibongshik nang gowa bomobuthsa nyuntse medpa khong nanyambo dres. 5Amma goṯhaq bakhan Yudayapaunla koqngan songse thsiksena yang haṯia khorkhanpa-uniangna nganpa khyoqa khachik khontang nanyambo tedena yang mibongshik damsena rgyalsiang khrul ltsangs yang Yasoni khangma chaqse khong phingse miunidunla khyongma tsals. 6Amma, khong thob mathobana Yason nang phono khachik rgyalsi yulrshponuni dunla kustaben trude khyers: de miyuliang khrul ltsangkhan miun dika-ang yongsed, 7yang Yasonis khong ḏonpoa jaqsed, yang diyunis Qesari skalkhanuni loqpar base rgyalpo yang chikchik yod zered: Yeshu. 8Yang dyûn goen mibongs nang rgyalsi yulrshponun droqshuks. 9Yang khongunis Yason nang eunikana rgoskini rshmul khyongse khong phuto tangs. 10Amma phonounis dyana thoeka thsanithsan Paulos nang Silas, Beroyâ tangs; khong (der) hlebse, yodena Yudayaspauni Sunagogeang song. 11Ni, dyuni Thessalonikyeang yodkhanun basang rikspachan yodpin, khongunis snying tangse Ashipi Sperawa kosa bas; jaqbajaq rtsangma shoqbueang di tamun dya tarpo ina men zere thsalthsal bedpin. 12Chhadkha, khonguniangna mangmos chhesluks bas, yang Hellenpauniang parikshan aneun mangmos nang khyoqaun mangmos chhesluks bas. 13Amma, Thessalonikye Yudayaspaunla Paulosls Beroyeang Ashipi Sperao hagochuged zere rshtaḵẖspa songsena dorang songse miunla ltsaben yang khonguniang khru ltsangs. 14Ni, dyanathoeka phonounis Paulosla rgyamthso thsaqpa skyod zere tangs, amma Silas nang Timotheos der duks. 15Amma, Paulosi skyale khyerkhanpos, kho Athenya thsaqpa khyers, yang Silas nang Timotheosi phya nyanmao shoqsmo base ngi der yong zere skalspao thobsena khong bings.
16Amma, Paulosis Athenyeang khonga daden yodtsana rgyalsao saq sku-unika gangse thongmana khoe semspo ḵẖolṯo base doqshuks. 17Di phya khos Sunagogeang Yudayapaun nang rchorkhanun na, yang hati strangeang thukkhanun na jaqtang spratsprat bedpin. 18Ni, Epikurpa nang Stoikpa zerkhan mî shangsika jaqkhan khachigis khoa tanlan ldzoqs. Yang khachigis zes : Di shaden dukhhanpos chi zerba rgosed ? Ni, khachigis (zes): Dyu janmi hlauni spera tangkhanchik in samed: chiazerbana khos Yeshu nang sone langshi khamskadun tangedpin. 19Tangsena khongunis khorang nanyambo Arei ri-ika dyu zeren khyers: khyeres zeskhanpo, di soma ltsabzô ngachâ rshtaḵẖspa ba khyuduga ? 20Chiazerbana khyeres ngachi rshnalama senmo tamun gochuged, dekana dyûni rshkangpo chi insuk zere ngachâ shespa thadedpa. 21Deka yodkhan Athenyapaun nang mayulmasapaun saq mana nam khombana sperek tangma hana soma (khamskad) la kosa bachiang mene chang ba medpin. 22Ni, Paulos Areioi ri-i rshkilla langse zes : Kasa, khyoqa Athenyapaun! Ngâ khyentang chiun saqeang hlauni shirin jaqkhan in zere thonged. 23Chiazerbana nga khoren khyenti rchorchi shirin yodkhanunla lten yodtsana ḏinḏa skal tangsa chikchigang thong, deka "Rshtaḵẖspa medkhan Ashipi phya" zere zbrise yodpin. Ni, ngas khyentes rshtaḵẖspa maba rchorkhanpo khorang khyentanga gochuged. 24Miyulpo yang deang yodkhanun saq ldanchukhhan Ashipa khorang rshnam nang se Ashipa in (kho) laqpika rchoskhan rchorkhanguniang jukpamed. 25Hana ga dyandek rgosha songse miuni laqna jabsthoq lenmamed, kho khores saqa sonluks, nang his, nang chiun saq saled. 26Salena khos khraq chikchigika miuni garere saqi thsirun serdong saqika dukpi phya ldanchuks yang douni namzaun nang dukchi malsauni thamaun rshtanchuks. 27[Ashipa] Rshnamcho tsalba, taqdir, chishe, khongunis Khoe rgaluks thsore yodsukna yang kho thobedpa, chnadkhika Kho ngantiangna su na thaqring med. 28Chiazerbana khoeangnuk ngantang sonen yang gulen-khoren yang dukse yod; dyana tsoḵẖspo khyenti stodkha phingkha niangna khachigisang zersed : "Chiazerbana ngacha na khoekana ldanskhanun skyeskhan in". 29Dekana, Ashipikana ldanskhan inmana serla nang rshmulla hana rdoa-a mi-i khaspi lasi rimo nang mi-i samlukspo Ashipiluks inkhan rchoa samba rgos angrgospamed. 30Dekana, chhadkhika, Ashipas miunla chang shesluks medpi thounikana mik thene dare malsa saqika miun saqa gyodluks bashik zere skalsed. 31Dephya khos shiskhanuniangna sone ltsangskhan, mantaḵẖsika ngonkhan, khos rshtanchukskhan khyoqachigi laqkhas (khos) khadrangika shsḵẖs phe mingna jaqchikchik rshtanchuksed. 32Ni, khongunla shiskhanuni sone ltsangchi rshmangpoek goana, ni hachigis jargat bas ni khachigis zes : Di rshkangpo ngachas khyerikana yang reshigika rshna bok! 33Pya luksiang Paulos khonguni rshkiliangna bingse song. 34Amma khyoqa khachik kho na drese chhesluks bas; khonguniang Areopagitpa Dionusios-ang yodpin, yang Damaris zerkhan anek, yang khong nanyambo yang kaṯo yodpin.
Currently Selected:
Narpa Phingchaun XVII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève