رومیوں 9

خُدا تے اُوندے لوک

1مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے، 2جو مَیں بہُوں غمگین ہاں تے میڈا دل ہر ویلے ڈُکھدا راہندے۔ 3کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔ 4او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔ 5قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

6اِیندا ایہ مطلب نئیں جو خُدا دا وعدہ کُوڑا تھی گئے کیوں جو جِتّی اِسرائیل دی نسل ءچوں ہِن او سارے اصلی اِسرائیلی نئیں۔ 7تے نہ ابرہام دی یکی نسل اُوندی اولاد ہے بلکہ خُدا آکھیا ہے، ”اِضحاق تُوں ای تیڈی نسل اکھویسی#9‏:7 ڈیکھو پیدائش 12:21۔ جِینویں اُوں ویلے وی ابرہام دی ساری اولاد وعدیاں دی وارث نہ ہئی، اُونویں ای اَج وی اُوندی خونی نسل آلے خُدا دے لوکاں ءچ شامل نئیں بلکہ صرف او لوک شامل ہِن جیہڑے ابرہام وانگُوں اِیمان رکھیندے ہِن۔ ۔“ 8یعنی جِسمانی فرزند خُدا دے فرزند نئیں بلکہ صرف وعدہ دے فرزند نسل ءچ شمار کیتے ویندے ہِن۔ 9کیوں جو وعدہ دا قول ایہ ہے جو ”مَیں مقررہ ویلے تے واپس آساں تے سارہ دے پوتر ہوسی#پیدائش 18‏:10‏،14۔۔“

10صرف اِیہو نئیں بلکہ رِبقہ وی ہِک بندے یعنی ساڈے پِیُو اِضحاق کنُوں حاملہ ہئی۔ 11‏-12تے اجنڑ تئیں نہ تاں چھوہر جمے ہَن تے نہ ای اُنہاں کُجھ نیکی یا بدی کیتی ہئی، تاں خُدا رِبقہ کُوں آکھیا جو وڈا چھوٹے دی خدمت کریسی#پیدائش 25‏:23۔۔ اِیں تُوں ایہ ظاہر تھیندے جو خُدا دا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال پارُوں۔ 13جِینویں لِکھیا ہے جو ”مَیں یعقُوب نال تاں محبت رکھی پر عیسو نال نفرت#ملاکی 1‏:2‏،3۔۔“

14وَل اساں کیا آکھوں؟ کیا خُدا بے اِنصاف ہے؟ ہرگز نئیں! 15کیوں جو او مُوسیٰ کُوں آدھے، ”مَیں جیندے اُتے چاہندا ہاں ترس کھاندا ہاں تے جیندے اُتے چاہندا ہاں رحم کریندا ہاں#خرُوج 33‏:19۔۔“ 16اِیں واسطے اِیندا تعلق نہ تاں اِنسان دی خواہش نال ہے تے نہ ای اُوندی بھج دھروک نال بلکہ خُدا دے رحم نال ہے۔ 17کیوں جو کلام ءچ خُدا فرعون کُوں آکھیا، ”مَیں تیکُوں اِیں واسطے کھڑا کیتے جو تیڈے سببّوں آپنڑی قُدرت ظاہر کراں تے اِینویں ساری دُنیا ءچ میڈا ناں مشہور تھی ونجے#خرُوج 9‏:16۔۔“ 18بس خُدا جئیں اُتے چاہندے رحم کریندے تے جِینکُوں چاہندے اُونکُوں سخت کریندے۔

خُدا دا غضب تے رحمت

19ہُنڑ تُوں میکُوں اکھیسیں ”وَل خُدا ساکُوں کیوں قصُوروار آدھے؟ کوݨ اُوندی مرضی دے خلاف کھڑا تھی سگدے؟“ 20اِنسان! تُوں کوݨ ہیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟#یسعیاہ 29‏:16 ؛ 45‏:9۔“ 21کیا کُمہار کُوں اِختیار نئیں جو لوئی ہوئی مِٹی کنُوں ہِک تھاں عزت آلے کماں کیتے بنڑاوے تے ڈُوجھا ذِلت آلے کماں کیتے۔

22بس حیرانگی دی کیا گالھ ہے، جے خُدا آپنڑے غضب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے غضب تھیسی تے جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا، 23تے جے خُدا ایہ اِیں واسطے کیتا تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی، تے جیہڑے جلال کیتے پہلے کنُوں تیار کیتے ہَن۔ 24یعنی ساڈے ذریعے جِنہاں کُوں اُوں نہ صرف یہُودیاں ءچوں بلکہ غیریہُودیاں ءچوں وی سڈیا۔ 25جِینویں ہوسِیع نبی دی کتاب ءچ خُدا فرمیندے جو

”جیہڑی میڈی قوم نہ ہئی

اُونکُوں مَیں آپنڑی قوم اکھیساں

تے جیہڑی محبوبہ نہ ہئی

اُونکُوں محبوبہ اکھیساں#ہوسِیع 2‏:23۔۔“

26تے اِینویں تھیسی جو

”جِتھاں اُنہاں کُوں آکھیا گِیا جو

تُساں میڈی قوم کائنی

اُتھاں او زندہ خُدا دے پوتر اکھویسن#ہوسِیع 1‏:10۔ ۔“

27تے یسعیاہ نبی وی اِسرائیل دے بارے ءچ اواز ڈے تے آدھے،

”بھانویں بنی اِسرائیل دی تعداد

سمندر دی ریت آلی کار ہے

وَل وی اُنہاں ءچوں تھوڑے ای بچسن۔

28کیوں جو رب آپنڑے کلام کُوں زمین اُتے مکمل طور تے،

تے بہُوں تیزی نال پُورا کریسی#یسعیاہ 10‏:22‏،23۔۔“

29تے جِینویں یسعیاہ پیشن گوئی کیتی

”جیکر لشکراں دا رب ساڈی نسل کُوں زندہ نہ چھوڑیندا

تاں اساں سدُوم آلی کار تھی ویندے

تے عمُورہ وانگُوں ختم تھی ویندے#یسعیاہ 1‏:9۔۔“

اِسرائیل تے خوشخبری

30بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔ 31پر بنی اِسرائیل جیہڑے شریعت دے ذریعے راستبازی دے طالب ہَن، اُونکُوں حاصل نہ کر سگے۔ 32کیوں؟ اِیں واسطے جو اُنہاں اِیمان نال نئیں بلکہ اعمال دے ذریعے اُونکُوں گولھیا تے تُھڈا لگنڑ آلے پتھر کنُوں تُھڈا کھادا۔ 33جِینویں لِکھیا ہے جو

”ڈیکھ مَیں صِیُّون ءچ تُھڈا لواوݨ دا ہِک پتھر

تے ٹھوکر کھواوݨ دی ہِک چٹان#9‏:33 یعنی مسیح۔ رکھیندا ہاں

پر جیہڑا اُوندے اُتے اِیمان گِھن آسی

او کڈھائیں شرمندہ نہ تھیسی#یسعیاہ 8‏:14 ؛ 28‏:16۔۔“

Currently Selected:

رومیوں 9: SKRV

Highlight

Copy

Compare