रोमी 4
4
परमेश्वरगी अब्राहामला दोषी मेन साबाते बात
1परमेश्वरगी मिओनला दोषी मेन सिरच्येते बात खित्जीन था ङुरूङ यहूदीओन ज्युज्यु अब्राहाम बातराङ खिइना। परमेश्वरगी थेला चुक खाईन दोषी मेन साबा ओताने? 2च्यि थेकी परमेश्वरगी खि साबाच्योक खाईन लेमु काम खाबेकीका परमेश्वरगी थेला दोषी मेन साबा ओतान? दोकनी मेन। थोक ईन्दा ईन्सीन थेकी छ्ये खिता ङेत्च्या ओतान। मि दोन्दु छ्ये खासीनोङ थेकी परमेश्वर दोन्दु छ्ये खिता थुप्च्या मेतान। 3परमेश्वरगी थेला चुक खाईन दोषी मेन साबा ओताने सिरच्येते बातनी परमेश्वर बातला दोक सिनका साबा ओत। च्यि सासीन “परमेश्वरगी साबा च्योकराङ खिओ सिन अब्राहामगी थेला विश्वास खासुङ। थोक खाबेकी खित्सादु परमेश्वरगी थेला दोषी मेन सिदुक,” सिन टिबा ओत।#उत्पत्ति १५:६ 4जागिर साकान्ते मि बातराङ खिइना। काम खानामेई थेकी ङेत्च्येते तलब सुइँदेकी थेला दया खाईन थाराङ बिन्दाते ईन सिन मिसिरो। काम खानामेई तलबनी थेकी ङेत्च्येतेराङ ईन। 5तर परमेश्वरगी सुइँदाला दोषी मेन सिरच्येते बातचेन थे मिकी काम खाबेकी तलब बिन्दाते च्योक मेन। थोगी सुइँदेकी परमेश्वरगी खि साबाच्योक खित्च्या सिन दुक्पा खाईन खाईन लेमु काम खाबेकी खित्सादु मेन, परमेश्वरगी पापीते मिओनला दोषी मेन सिओ सिन थेला विश्वास खित्कान्ते मिओनलाका परमेश्वरगी दोषी मेन सिओ। दोक खाला थे खोरोङला विश्वास खित्कान्ते मिओनला थेकी होथोक्ते मि ईन सिओ। 6दोक खाईन मिकी परमेश्वरगी खि साबाच्योक लेमु काम खाबा मेत्सीनोङ परमेश्वरगी थेला दोषी मेन सानामेई थोक्ते मि चुक भाग्यमानी ईन्दे सिन गेल्बो दाऊदकीङ दोक सिन साबा ओतान। 7चुक सासीन
“परमेश्वर नियम माङेन्गीन दाक्पोनगी खाबाते गल्ती प्रभु परमेश्वरगी माफ बिन्गीन पापदुकी टालाते मिओन भाग्यमानी ईन।
8प्रभु परमेश्वरगी खोपरोङ पापकी हर हिसाब माज्याक्पाते दोक्ते मिओन साँच्चीराङ भाग्यमानी ईन,” सिन साबा ओतान।#भजन ३२:१-२
9थोक खाईन पाप माफ ओङाते मि भाग्यमानी ईन साबाते बात जीउला खतकी चिनु जोकान्ते यहूदी लाईदुकामा साबाते मेन। दि बातनी खतकी चिनु माजोबाते ज्येन ज्येन जातकी मि लाईदुङ ईन। ङुरूङगी आनाङका अब्राहामगी परमेश्वरला विश्वास खाबेकी थेकी थेला दोषी मेन साबा ओतान सिन बात खाबाप मेन? 10परमेश्वरगी थेला नाम दोक साबा ओताने? थेकी जीउला खतकी चिनु जोनामेईना माजोबालाराङ सिन ङुरूङगी छ्या स्येबा फाप्क्यो। थे थोक्ते मि ईन सिननी परमेश्वरगी थे चिनु माजोबालाराङ साबा ओतान। 11थे चिनुनी अब्राहामगी तिरीकामा जोबा ओतान। थेकी परमेश्वरला विश्वास खाबेकी परमेश्वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्यापा च्योकराङ ओङसुङ। बात दोक ईन्देकी अब्राहामचेन खतकी चिनु माजोबाते तर खोपरोङगी खाबाते पाप परमेश्वरगी माफ खिओ सिन थेला विश्वास खित्कान्ते ज्येन ज्येन जातकी मितेङ ज्युज्यु ओङसुङ। थोगी थे खोरोङला विश्वास खित्कान्ते ज्येन ज्येन जातकी मिलाङ परमेश्वरगी अब्राहामला च्योकराङ खाला दोषी मेन सिओ। 12अब्राहामचेन खतकी चिनु जोकान्ते यहूदीओनतेङ ज्युज्युराङ ईन। ईन्सीनोङ खतकी चिनु जोकान्तेबा गाङेराङ अब्राहाम सन्तानचेन मेन। ङुरूङ यहूदीओन ज्युज्यु अब्राहामगी खतकी चिनु माजोबालाराङ विश्वास खाबाच्योक खाला परमेश्वरला विश्वास खित्कान्ते मिओनकामा अब्राहाम सन्तान ईन।
परमेश्वरगी जमान खाबा च्योकराङ खिओ
13थेमे याङराङ परमेश्वरगी दि सा लुङबा अब्राहामताङ थे सन्तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्सुङ सिन परमेश्वरगी थेत्ताङ जमान खाबा मेतान। थेकी थे खोरोङताङ जमान खाबा च्योकराङ खिओ सिन अब्राहामगी थेला विश्वास खाबेकी परमेश्वरगी थेला दोषी मेन सानामेकी दि जमान खाबा ओतान। 14परमेश्वरगी खि साबाच्योक खिता थुप्क्यो सिन परमेश्वर नियम ङेन्दा छोल्कान्ते मिओनलाराङ परमेश्वरगी दि सा लुङबे अधिकार तेरच्येते ईन्सीन बात चुक ओङच्या ओताने ओना? परमेश्वर नियम ङेन्देकी खित्सादुका परमेश्वरगी जमान खाबा च्योकराङ खित्च्येते ईन्सीनका थेला विश्वास खाबाते छ्याःङ काम लै खित्च्या मेतान, जमान खाबाते छ्याःङ ङेत्च्याराङ मेतान। 15च्यिला सासीन मिओन परमेश्वर नियम मेङेन्कान्ते ईन्देकी परमेश्वरगीनी थेबाला थे नियमला साबा च्योकराङ खाला स्येदाङगी चूर गाल्ला सजायका तेरग्यो। दोक खि, थोक माकेत सिरच्येते परमेश्वर नियम मेता ईन्सीनचेन गल्ती खासुङ सिन सुङलाङ सिरा ङेत्च्या मेतान। 16थोगी बात चुक ईन्दे सासीन अब्राहामगी परमेश्वरला विश्वास खाबेकीकामा थेकी थेत्ताङ जमान खाबाते ईन। परमेश्वरगीनी थे खोरोङ दयेकीकामा दोक खाला जमान खित्च्येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्देकी थे सन्तानओन लाईदुङ ईन। अब्राहाम सन्तान साबातेचेन परमेश्वर नियम ङेताते यहूदीओनकामा मेन, अब्राहामगी च्योकराङ खाला परमेश्वरला विश्वास खित्कान्ते मि गाङेराङ ईन। परमेश्वरला विश्वास खित्कान्ते ङुरूङ गाङेते ज्युज्युचेन अब्राहामराङ ईन। 17दि बात परमेश्वर बातला दोक सिन टिबा ओत। च्यि सासीन अब्राहाम थे खोरोङ दोन्दु ओत्जीन परमेश्वरगी थेला “खोचेन जात जातकी मि ज्युज्यु ओङगो,” सिन साबा ओतान। परमेश्वरगी स्याप्ते मिओनला सोम्बो लोइओ थेमे थोङला ओतराङ मेतातेङ थेकी ओङस्यीत सानामेई दाक ओङगो। होदोक खिता थुप्कान्ते परमेश्वरला अब्राहामगी विश्वास खाबाते ईन।
18थे खोरोङ सन्तान छ्येत थोङा ङेत्क्यो सिरच्येते अब्राहामला छ्याःङ आश मेता ईन्सीनोङ परमेश्वरगी थेते थोक काल्बेई सन्तान ओङगो सिन साबाते बात पत्ते खाईन साबा च्योकराङ ओङगो सिन थे गुकीन देत्सुङ। थोगी परमेश्वरगी साबा च्योकराङ खाईन थे जात जातकी मि ज्युज्यु ओङसुङ। दोकराङ ओङगो सिन परमेश्वरगी अब्राहामला “खुई सखा सन्तान नामगी कार्मा छेतराङ ङोला ङ्वा मुथुप्च्या ओङगो,” सिन साबा ओतान। 19परमेश्वरगी दि बात खित्जीन अब्राहाम लो सयज्यीक छाङा खाबा ओतान। थे खोरोङ थोक गान्दा गाल्गीन था थेते सन्तान ओङोङ सिरच्येते छ्याःङ आश मेतान। थेमे फेम्मेते साराङ फिजा मेङच्या ओताते बात थेला लेमुराङ खाला छ्या ओतान। ईन्सीनोङ थेकी परमेश्वरगी साबाते बातला दोगोङ चुक खाला ओङोङारो सिराच्योक बान्दा माक्यासुङ। 20परमेश्वरगी थे खोरोङते सन्तान ओङगो साबाते बात थेकी पत्ते खासुङ। दोक ओङगीता मेङता सिन थेकी नोमुङ शंका माक्यासुङ। परमेश्वरगी साबाते पक्काराङ खिओ सिन फिजा माकेबालाराङ थेकी परमेश्वरला छ्ये जोसुङ। 21परमेश्वरगी थे खोरोङताङ जमान खाबा च्योकराङ खिता थुप्क्यो सिन अब्राहाम ढुक्क खाईन विश्वास खिन देत्सुङ। 22थेकी थे खोरोङला थोक खाईन विश्वास खाबेकी खित्सादु परमेश्वरगी थेला दोषी मेन साबा ओतान।
23परमेश्वरगी अब्राहामला चुक खाईन दोषी मेन साबा ओताने सिन परमेश्वर बातला टिबाते बात खालि अब्राहाम लाईदुकामा साबाते मेन। 24थे बातचेन ङुरूङ लाईदुङ साबाते ईन। ङुरूङलाङ परमेश्वरगी दोषी मेन सिओ। च्यिला सासीन ङुरूङोङ ङुरूङ प्रभु येशूला स्यिसादुकी सोम्बो लोक्कान्ते परमेश्वरलाराङ विश्वास खित्कान्ते मि ईन। 25ङुरूङगी पाप खाबेकी खित्सादु ङुरूङला पापदुकी डेलाला परमेश्वरगी थेला ङुरूङ लाईदु स्याप्ला ताङसुङ। थेमे ङुरूङला दोषी मेन सिराला थेकी थेला स्यिसादुकी सोम्बो लोक्सुङ।
Currently Selected:
रोमी 4: JUL
Highlight
Share
Compare
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.
