मरकुस 8
8
इसु द्या हाजारहेङ चापाका
(मत्ति १५:३२-३९)
1एअ्नि आरोङ हेन्जा द्याङगेलाइ जोम्हि, कालाउबुङ एम्बालाइदोसा चाकाचिज हाइदोङ मान्थुघाहि। कालाउ इसु चात्यागेलाइहेङ ताइकोता काइतेङ दोअ्हि, 2“इदोइ द्याङगेलाइहेङ तिङतेङ का हेन्जाङ दायाघा। एबालाइ काङकोदोफा हिका नानि सुम्नि जेङहोइ। एला एबालाइदोसा चालि हाइदोङ मान्थु। 3एबालाइहेङ म्हितुपाङ साअ्ता दिङगिल्नु दामाताङ झाका लोनावा। एबालाइता आधिमि दुरेसो लोका हि।” 4इसुहेङ चात्यागेलाइ दोअ्हि, “इस्का हाइदोङ मान्थुका थामेता एबालाइहेङ हितासो चुमातेङ चापालि?” 5इसु एम्बालाइहेङ हिअ्हि, “नेलाइदोसा हेअ्लोङ तोले हि?” एम्बालाइ दोअ्हि, “न्हिअ्लोङ हि।”
6इसु द्याङगेलाइहेङ चाउरता योम्लि हुकुम पिहि। कालाउ वा न्हिअ्लोङ तोले खुरता र्हुतेङ च्याबास पिहि रो तोले पेङतेङ द्याङगेलाइहेङ बाखाराइलि लागाइहि। चात्यागेलाइ इङको तोले चुमपुतेङ द्याङगेलाइहेङ बाखाराइपिहि। 7एम्बालाइदोफा आतुइसा म्हुम्हुइका हायागेलाइ बुङ हिघाखे। इसु इङको हायाको भाअ्सिङ बुङ च्याबास पितेङ चात्यागेलाइहेङ बाखाराइलि लागाइहि। 8कालाउ द्याङगेलाइ चाहि रो चातेङ दाइका पोङन्हाकागेलाइ जोम्पालाउ न्हिअ् दाल्हो पोङघाहि। 9इन्ता चाका द्याङगेलाइ द्याहाजार हिघाखे। 10वा एम्बालाइहेङ बेदाङगि पितेङ चात्यागेलाइदोफा ओदोङघरि नाउता धोल्तेङ दलमनुथा माउजाभारि हानिहि।
फरिसिगेलाइ चिनो र्हेका
(मत्ति १६:१-४)
11फरिसिगेलाइ इसुकोता लोतेङ गालाबाजि पालि तेङहि रो वासेहेङ जाच र्हुलि स्वरगसो एलोङ चिनो र्हेहि।#मत्ति १२:३८; लुका ११:१६ 12इदोइ हिङतेङ इसु र्हिङका सास तान्हितेङ दोअ्हि, “इदोइ खाल हाइपालि चिनो भोखे? जातिङको का नेलाइहेङ दोअ्खा, इदोइ खालहेङ हिदिङ चिनो माप्यावा।”#मत्ति १२:३९; लुका ११:१९ 13कालाउ इसु एम्बालाइहेङ लाअ्तेङ वा आरोङ नाउता धोल्तेङ ओदोइपार हानिहि।
फरिसि रो हेरोदको साउरि
(मत्ति १६:५-१२)
14चात्यागेलाइ ताइदोफा तोले चुमालि निल्का हिघाहि रो नाउता एम्बालाइदोफा एलोङखिनिङ तोले हिघाहि। 15इसु एम्बालाइहेङ एसा दोअ्तेङ चेतानि पिहि, “नेलाइ फरिसिगेलाइको रो हेरोदको साउरिसो जोगितेङ हिसु।”#लुका १२:१ 16कालाउबुङ केलाइदोसा तोले मान्थुनासिङ वा एसा दोअ्का दोअ्तेङ एम्बालाइ ताताइमिता गालाबाजि पालि तेङहि। 17इसु इदोइ गितेङ एम्बालाइहेङ दोअ्हि, “नेलाइदोसा तोले मान्थु दोअ्तेङ हाइपालि नेलाइ गालाबाजि पासुखेना? हाइ नेलाइ आरोङ बुङ मागिसुखेना? हाइ नेलाइको कोन्धाङ उन्ठुइभाइपाङ थाङका हि? 18हाइ मिँ हितेङ बुङ नेलाइ मातिङसुखेना? हाइ न्हातोङ हितेङ बुङ नेलाइ माहिङसुखेना? हाइ नेलाइहेङ फोम मान्थु?#यरमिया ५:२१; इजकिएल १२:२; मरकुस ४:१२ 19जेलाउ का नालोङ तोले ना हाजारको माझाता पेङका हिघाखा, कालाउ हेथे दाल्हो दाइकागेलाइ नेलाइ जोम्पाका हिघासुन्हा?” एम्बालाइ वासेहेङ दोअ्हि, “तेन्हे दाल्हो जोम्पान्हाहि।” 20इसु आरोङ हिअ्हि, “कालाउ जेलाउ न्हिअ्लोङ तोले द्या हाजारको माझाता पेङका हिघाखा, कालाउ हेथे दाल्हो दाइकागेलाइ नेलाइ जोम्पाका हिघासुन्हा?” एम्बालाइ वासेहेङ दोअ्हि, “न्हिअ् दाल्हो जोम्पान्हाहि” 21इसु एम्बालाइहेङ दोअ्हि, “कालाउ हाइ नेलाइ आरोङ मागिसुखेना?”
इसु बेथसेदाको मिँ मातिङकाहेङ एल्पाका
22इङकोन्हुअ्सो इसु चात्यागेलाइदोफा बेथसेदाता लोहि। द्याङगेलाइ एअ्मि कान्हाहेङ वाकोता चुमाहि रो इङकोहेङ साइपि दोअ्तेङ वाकोदोफा बिम्ति पाहि। 23इसु इङको कान्हा द्याङको खुर चातेङ इङकोहेङ देरासो बाहार चुमाहि रो इङकोको मिँता थोअ्तेङ इङकोर्हुता ताइको खुर ताअ्तेङ इङकोहेङ हिअ्हि, “हाइ ना आतुइसा तिङखेना?” 24कालाउ र्हुता खान्तेङ इङको दोअ्हि, “का द्याङगेलाइहेङ सिङगेलाइभाइपाङ तेगिल्का तिङखा।” 25कालाउ इसु आरोङ वाको मिँता खुर ताअ्हि रो वा खाङका खाङकाङ पाहि। वा ताइको मिँ तिङहि रो गोताङ चिज रेम्फा तिङलि तेङहि। 26कालाउ इसु इङकोहेङ देराभारि मादुल्लि हुकुम पितेङ वाको साअ्ता दिङगिल्हि।
इसु हासु?
(मत्ति १६:१३-२०; लुका ९:१८-२१)
27इङकोन्हुअ्सो इसु रो वाको चात्यागेलाइदोफा काइसरिया फिलिप्पिको देरागेलाइता हानिहि। दामाता हानिकाताङ पालाउ वा ताइको चात्यागेलाइहेङ एसा दोअ्तेङ हिअ्हि, “द्याङगेलाइ हाइ दोअ्खे, का हासु?” 28एम्बालाइ इसुहेङ दोअ्हि, “आधिमि दोअ्खे, चिभुअ्लि पिका युहन्ना। आधिमि एलिया दोअ्खे। आधिमिचाहिँ परमेस्वर पाहासो धुइकालाइता एअ्मि वाला दोअ्खे।”#मरकुस ६:१४-१५; लुका ९:७-८ 29इसु एम्बालाइहेङ हिअ्हि, “कालाउबुङ नेलाइचाहिँ हाइ दोअ्सुखेना, का हासु?” पत्रुस दोअ्हि, “ना ख्रिस्ट हिना।”#युहन्ना ६:६८-६९ 30कालाउ इसु एम्बालाइहेङ वाको बारेता हासुहेङ हाइदोङ मादोअ्सु दोअ्तेङ हुकुम पिहि।
इसु वाको सिकाको बारेता दोअ्का
(मत्ति १६:२१-२३; लुका ९:२२)
31इङकोन्हुअ्सो इसु चात्यागेलाइहेङ ताइको बारेता एसापा दोअ्लि तेङहि, “का द्याङको चान हेन्जाङ तु: निङचालि गोयाङ। आगुवा, मुल धामिगेलाइ रो धरम मास्टरगेलाइ खाङलि माकिअ्तावा, सेअ्तावा कालाउ सुमनिता सिन्हुतावा।” 32एसापा इसु इदोइ काथा रेम्फा दोअ्हि। कालाउबुङ इदोइ हिङतेङ पत्रुस वासेहेङ एपाहा चुमपुतेङ हाकाराइलि तेङहि। 33कालाउबुङ घुरितेङ ताइको चात्यागेलाइहेङ खान्तेङ, पत्रुसहेङ इसु एसा दोअ्तेङ हाकाराइहि, “ओइ साइतान, कासो दुरे हाने! हाइपानु नाङको मन परमेस्वरपाहा मान्थु, कालाउबुङ द्याङपाहा हि।”
इसुहेङ पिताइलि
(मत्ति १६:२४-२८; लुका ९:२३-२७)
34इङकोन्हुअ्सो इसु ताइको चात्यागेलाइ रो इन्ता हिका द्याङगेलाइहेङ ताइकोता काइतेङ दोअ्हि, “जाइ कासेहेङ पिताइलि इछा पाखे इङको ताइमिहेङ इन्कार पाको रो ताइको कुरुस फातेङ#८:३४ कुरुस फातेङ इदोइ दोअ्का इसुको भाअ्सिङ तु: ल्होपालि रो सिलि बुङ राजि जेङलि। कासेहेङ पितायाको।#मत्ति १०:३८; लुका १४:२७ 35हाइदोनु जाइ ताइको पारान बान्चिपालि इछा पावा, वा इङको गुमाइपावा, कालाउबुङ काङको रो रेम्काबानालको भाअ्सिङ ताइको पारान गुमाइपाका, इङको बान्चिपावा।#मत्ति १०:३९; लुका १७:३३; युहन्ना १२:२५ 36हाइदोनु द्याङ गोताङ दुनिया निङतेङ ताइको पारान गुमाइ पानु इङकोहेङ हाइ नाफा ज्यावा? 37माकुनु द्याङ ताइको पारानको बदलाता हाइ पिलि द्वावा? 38कालाउ इदोइ कासबिरि रो पापि पुस्ताता जाइ कासो रो काङको बचनसो लेदेरावा, का द्याङको चान बुङ आबाको पारतापता पुनित स्वरगदुतदोफा लोलाउ इङकोसो लेदेराङका।”
Currently Selected:
मरकुस 8: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मरकुस 8
8
इसु द्या हाजारहेङ चापाका
(मत्ति १५:३२-३९)
1एअ्नि आरोङ हेन्जा द्याङगेलाइ जोम्हि, कालाउबुङ एम्बालाइदोसा चाकाचिज हाइदोङ मान्थुघाहि। कालाउ इसु चात्यागेलाइहेङ ताइकोता काइतेङ दोअ्हि, 2“इदोइ द्याङगेलाइहेङ तिङतेङ का हेन्जाङ दायाघा। एबालाइ काङकोदोफा हिका नानि सुम्नि जेङहोइ। एला एबालाइदोसा चालि हाइदोङ मान्थु। 3एबालाइहेङ म्हितुपाङ साअ्ता दिङगिल्नु दामाताङ झाका लोनावा। एबालाइता आधिमि दुरेसो लोका हि।” 4इसुहेङ चात्यागेलाइ दोअ्हि, “इस्का हाइदोङ मान्थुका थामेता एबालाइहेङ हितासो चुमातेङ चापालि?” 5इसु एम्बालाइहेङ हिअ्हि, “नेलाइदोसा हेअ्लोङ तोले हि?” एम्बालाइ दोअ्हि, “न्हिअ्लोङ हि।”
6इसु द्याङगेलाइहेङ चाउरता योम्लि हुकुम पिहि। कालाउ वा न्हिअ्लोङ तोले खुरता र्हुतेङ च्याबास पिहि रो तोले पेङतेङ द्याङगेलाइहेङ बाखाराइलि लागाइहि। चात्यागेलाइ इङको तोले चुमपुतेङ द्याङगेलाइहेङ बाखाराइपिहि। 7एम्बालाइदोफा आतुइसा म्हुम्हुइका हायागेलाइ बुङ हिघाखे। इसु इङको हायाको भाअ्सिङ बुङ च्याबास पितेङ चात्यागेलाइहेङ बाखाराइलि लागाइहि। 8कालाउ द्याङगेलाइ चाहि रो चातेङ दाइका पोङन्हाकागेलाइ जोम्पालाउ न्हिअ् दाल्हो पोङघाहि। 9इन्ता चाका द्याङगेलाइ द्याहाजार हिघाखे। 10वा एम्बालाइहेङ बेदाङगि पितेङ चात्यागेलाइदोफा ओदोङघरि नाउता धोल्तेङ दलमनुथा माउजाभारि हानिहि।
फरिसिगेलाइ चिनो र्हेका
(मत्ति १६:१-४)
11फरिसिगेलाइ इसुकोता लोतेङ गालाबाजि पालि तेङहि रो वासेहेङ जाच र्हुलि स्वरगसो एलोङ चिनो र्हेहि।#मत्ति १२:३८; लुका ११:१६ 12इदोइ हिङतेङ इसु र्हिङका सास तान्हितेङ दोअ्हि, “इदोइ खाल हाइपालि चिनो भोखे? जातिङको का नेलाइहेङ दोअ्खा, इदोइ खालहेङ हिदिङ चिनो माप्यावा।”#मत्ति १२:३९; लुका ११:१९ 13कालाउ इसु एम्बालाइहेङ लाअ्तेङ वा आरोङ नाउता धोल्तेङ ओदोइपार हानिहि।
फरिसि रो हेरोदको साउरि
(मत्ति १६:५-१२)
14चात्यागेलाइ ताइदोफा तोले चुमालि निल्का हिघाहि रो नाउता एम्बालाइदोफा एलोङखिनिङ तोले हिघाहि। 15इसु एम्बालाइहेङ एसा दोअ्तेङ चेतानि पिहि, “नेलाइ फरिसिगेलाइको रो हेरोदको साउरिसो जोगितेङ हिसु।”#लुका १२:१ 16कालाउबुङ केलाइदोसा तोले मान्थुनासिङ वा एसा दोअ्का दोअ्तेङ एम्बालाइ ताताइमिता गालाबाजि पालि तेङहि। 17इसु इदोइ गितेङ एम्बालाइहेङ दोअ्हि, “नेलाइदोसा तोले मान्थु दोअ्तेङ हाइपालि नेलाइ गालाबाजि पासुखेना? हाइ नेलाइ आरोङ बुङ मागिसुखेना? हाइ नेलाइको कोन्धाङ उन्ठुइभाइपाङ थाङका हि? 18हाइ मिँ हितेङ बुङ नेलाइ मातिङसुखेना? हाइ न्हातोङ हितेङ बुङ नेलाइ माहिङसुखेना? हाइ नेलाइहेङ फोम मान्थु?#यरमिया ५:२१; इजकिएल १२:२; मरकुस ४:१२ 19जेलाउ का नालोङ तोले ना हाजारको माझाता पेङका हिघाखा, कालाउ हेथे दाल्हो दाइकागेलाइ नेलाइ जोम्पाका हिघासुन्हा?” एम्बालाइ वासेहेङ दोअ्हि, “तेन्हे दाल्हो जोम्पान्हाहि।” 20इसु आरोङ हिअ्हि, “कालाउ जेलाउ न्हिअ्लोङ तोले द्या हाजारको माझाता पेङका हिघाखा, कालाउ हेथे दाल्हो दाइकागेलाइ नेलाइ जोम्पाका हिघासुन्हा?” एम्बालाइ वासेहेङ दोअ्हि, “न्हिअ् दाल्हो जोम्पान्हाहि” 21इसु एम्बालाइहेङ दोअ्हि, “कालाउ हाइ नेलाइ आरोङ मागिसुखेना?”
इसु बेथसेदाको मिँ मातिङकाहेङ एल्पाका
22इङकोन्हुअ्सो इसु चात्यागेलाइदोफा बेथसेदाता लोहि। द्याङगेलाइ एअ्मि कान्हाहेङ वाकोता चुमाहि रो इङकोहेङ साइपि दोअ्तेङ वाकोदोफा बिम्ति पाहि। 23इसु इङको कान्हा द्याङको खुर चातेङ इङकोहेङ देरासो बाहार चुमाहि रो इङकोको मिँता थोअ्तेङ इङकोर्हुता ताइको खुर ताअ्तेङ इङकोहेङ हिअ्हि, “हाइ ना आतुइसा तिङखेना?” 24कालाउ र्हुता खान्तेङ इङको दोअ्हि, “का द्याङगेलाइहेङ सिङगेलाइभाइपाङ तेगिल्का तिङखा।” 25कालाउ इसु आरोङ वाको मिँता खुर ताअ्हि रो वा खाङका खाङकाङ पाहि। वा ताइको मिँ तिङहि रो गोताङ चिज रेम्फा तिङलि तेङहि। 26कालाउ इसु इङकोहेङ देराभारि मादुल्लि हुकुम पितेङ वाको साअ्ता दिङगिल्हि।
इसु हासु?
(मत्ति १६:१३-२०; लुका ९:१८-२१)
27इङकोन्हुअ्सो इसु रो वाको चात्यागेलाइदोफा काइसरिया फिलिप्पिको देरागेलाइता हानिहि। दामाता हानिकाताङ पालाउ वा ताइको चात्यागेलाइहेङ एसा दोअ्तेङ हिअ्हि, “द्याङगेलाइ हाइ दोअ्खे, का हासु?” 28एम्बालाइ इसुहेङ दोअ्हि, “आधिमि दोअ्खे, चिभुअ्लि पिका युहन्ना। आधिमि एलिया दोअ्खे। आधिमिचाहिँ परमेस्वर पाहासो धुइकालाइता एअ्मि वाला दोअ्खे।”#मरकुस ६:१४-१५; लुका ९:७-८ 29इसु एम्बालाइहेङ हिअ्हि, “कालाउबुङ नेलाइचाहिँ हाइ दोअ्सुखेना, का हासु?” पत्रुस दोअ्हि, “ना ख्रिस्ट हिना।”#युहन्ना ६:६८-६९ 30कालाउ इसु एम्बालाइहेङ वाको बारेता हासुहेङ हाइदोङ मादोअ्सु दोअ्तेङ हुकुम पिहि।
इसु वाको सिकाको बारेता दोअ्का
(मत्ति १६:२१-२३; लुका ९:२२)
31इङकोन्हुअ्सो इसु चात्यागेलाइहेङ ताइको बारेता एसापा दोअ्लि तेङहि, “का द्याङको चान हेन्जाङ तु: निङचालि गोयाङ। आगुवा, मुल धामिगेलाइ रो धरम मास्टरगेलाइ खाङलि माकिअ्तावा, सेअ्तावा कालाउ सुमनिता सिन्हुतावा।” 32एसापा इसु इदोइ काथा रेम्फा दोअ्हि। कालाउबुङ इदोइ हिङतेङ पत्रुस वासेहेङ एपाहा चुमपुतेङ हाकाराइलि तेङहि। 33कालाउबुङ घुरितेङ ताइको चात्यागेलाइहेङ खान्तेङ, पत्रुसहेङ इसु एसा दोअ्तेङ हाकाराइहि, “ओइ साइतान, कासो दुरे हाने! हाइपानु नाङको मन परमेस्वरपाहा मान्थु, कालाउबुङ द्याङपाहा हि।”
इसुहेङ पिताइलि
(मत्ति १६:२४-२८; लुका ९:२३-२७)
34इङकोन्हुअ्सो इसु ताइको चात्यागेलाइ रो इन्ता हिका द्याङगेलाइहेङ ताइकोता काइतेङ दोअ्हि, “जाइ कासेहेङ पिताइलि इछा पाखे इङको ताइमिहेङ इन्कार पाको रो ताइको कुरुस फातेङ#८:३४ कुरुस फातेङ इदोइ दोअ्का इसुको भाअ्सिङ तु: ल्होपालि रो सिलि बुङ राजि जेङलि। कासेहेङ पितायाको।#मत्ति १०:३८; लुका १४:२७ 35हाइदोनु जाइ ताइको पारान बान्चिपालि इछा पावा, वा इङको गुमाइपावा, कालाउबुङ काङको रो रेम्काबानालको भाअ्सिङ ताइको पारान गुमाइपाका, इङको बान्चिपावा।#मत्ति १०:३९; लुका १७:३३; युहन्ना १२:२५ 36हाइदोनु द्याङ गोताङ दुनिया निङतेङ ताइको पारान गुमाइ पानु इङकोहेङ हाइ नाफा ज्यावा? 37माकुनु द्याङ ताइको पारानको बदलाता हाइ पिलि द्वावा? 38कालाउ इदोइ कासबिरि रो पापि पुस्ताता जाइ कासो रो काङको बचनसो लेदेरावा, का द्याङको चान बुङ आबाको पारतापता पुनित स्वरगदुतदोफा लोलाउ इङकोसो लेदेराङका।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.