मरकुस 9
9
1कालाउ इसु एम्बालाइहेङ दोअ्हि, “जातिङको, का नेलाइहेङ दोअ्खा, इता जाअ्तेङ हिकालाइता आधिमि हि, जाइ स्वरगको सारभि सरबङता लोका मातिम्पाधाउ हिदिङ किसिमसो मास्यावा।”
इसुको रुप फेरिन्हाका
(मत्ति १७:१-१३; लुका ९:२८-३६)
2इङकोको तुनिन्हुअ्सो इसु पत्रुस, याकुब रो युहन्नाहेङ वाकोदोसा चुमपुतेङ एलोङ झाउका आरदाङता चुमपुहि। इन्ता ओबालाइ खिनिङ हिघाहि, कालाउ एम्बालाइको आगाता इसुको रुप फेरिन्हाहि।#२ पत्रुस १:१७-१८ 3कालाउ वाको धाबा जेल्हालातेङ चोल्हि, जाइ सुमिङता हासु बुङ फेअ्तेङ इङकोझोको पालि माद्वावा।
4इङकोङ पहर इन्ता एम्बालाइकोता एलिया रो मोसा देखाल जेङहि रो ओबालाइ इसुदोफा काथा पालि तेङहि। 5इदोइ तिङतेङ पत्रुस इसुहेङ दोअ्हि, “मास्टर केलाइ इता हिका रेम्काङ जेङहि। केलाइ सुम्लोङ हिका थामे बान्हाइने, एलोङ नाङको भाअ्सिङ, एलोङ मोसाको भाअ्सिङ रो एलोङ एलियाको भाअ्सिङ।” 6एम्बालाइ हेन्जाङ थिनाङसिङ हाइ दोअ्लि इङको पत्रुस मागिहि। 7कालाउ एलोङ बादेल लोतेङ इङकोको स्याइर्हेहोइ एम्बालाइहेङ थुम्हि। कालाउ बादेललिअ्तासो इस्का गाला लोहि, “या काङको दायाका चान हि, नेलाइ वाको बचन हिङसु!”#मत्ति ३:१७; मरकुस १:११; लुका ३:२२ 8कालाउ ओदोङघरि इसोउसो खाङलाउ एम्बालाइदोसा इसुखिनिङ हिघाहि।
9ओबालाइ आरदाङसो खुअ्काताङ पालाउ इसु एम्बालाइहेङ दोअ्हि, “का द्याङको चान सिकासो मासिन्हुपाधाउ नेलाइ जेदोङ तिङका हिसुन्हा इङको हासुहेङ मादोअ्सु।”
10एम्बालाइ इङको काथा ताइको मनता ताअ्हि, कालाउबुङ सिकासो सिन्हुलि दोअ्का हाइ दोअ्तेङ ताताइमिता काथा पालि तेङहि। 11कालाउ एम्बालाइ इसुहेङ एसा दोअ्तेङ हिअ्हि, “लाम्फा एलिया लोलिगोयाङ दोअ्तेङ धरम मास्टरगेलाइ हाइपालि दोअ्खे?”#मलाकि ४:५; मत्ति ११:१४
12इसु दोअ्हि, “जातिङकोङ, एलिया लाम्फा लोतेङ गोताङ काथा मिलिपावा। एन्सा जेङनु का द्याङको चान हेन्जा पिर भोगितेङ झाराङसो लाअ्न्हालि गोयाङ दोअ्तेङ हेसापा धरमकिताबता लेखिका हि कुनु? 13कालाउबुङ का नेलाइहेङ दोअ्खा, एलिया लोहोइ रो वाको बारेता लेखिकाभाइपा द्याङगेलाइ वाकोदोफा जेदोङ मन जेङहि, एन्साङ पाहि।”
इसु मासान खोअ्का वाजानहेङ एल्पाका
(मत्ति १७:१४-२१; लुका ९:३७-४३)
14ओबालाइ बो चात्यागेलाइकोता घुरितेङ लोलाउ कोरबितिङ द्याङगेलाइ जोम्तेङ हिघाखे रो धरम मास्टरगेलाइ चात्यागेलाइदोफा गालाबाजि पातेङहिका ओबालाइ तिङहि। 15इसुहेङ तिङतेङसाङ जोम्तेङ हिका द्याङगेलाइ भारभुसाइतेङ वाकोता धाअ्तेङ हानिहि रो वासेहेङ सेउपाहि। 16इसु चात्यागेलाइहेङ हिअ्हि, “नेलाइ हाइको बारेता एबालाइदोफा गालाबाजि पादोङसुखेना?” 17द्याङको चेअ्सुमेअ्सुकासो एअ्मि इसुहेङ सेउपातेङ दोअ्हि, “मास्टर, का काङको चानहेङ नाङकोता चुमाका हिघा। मासान खोअ्का हिनाङसिङ वा धुइलिङ मादोखे। 18जेलाउ मासान काङको चानहेङ रिम्खे, वा भोनोता लोङखे, नुइसो फिजाना ओल्हिपाखे, तासिङ रेअ्खे रो तिराराइखे। का नाङको चात्यागेलाइहेङ इङको मासानहेङ ओल्हिपापिसु दोअ्तेङ बिम्ति पाघा, कालाउबुङ एम्बालाइ मादोहि।” 19इसु एम्बालाइहेङ दोअ्हि, “ओइ खान्धुर मान्थुका द्याङगेलाइ हिसुन्हा! का हेअ्लाउथिकापा नेलाइदोफा ह्याङका? नेलाइहेङ हेथे सह्याङका? इङकोहेङ काङकोता चुमासु।” 20एम्बालाइ इङको वाजानहेङ वाकोता चुमाहि। इसुहेङ तिङतेङसाङ इङको मासान वाजानहेङ झाकालोम्पाहि रो इङको भोनोता लोङतेङ फिजाना ओल्हिपातेङ लोताइलि तेङहि। 21इसु इङकोको आबाहेङ हिअ्हि, “यासेहेङ इस्का जेङका हेथे जेङहि?” आबा दोअ्हि, “जामाल्सोङ इस्का जेङका हि। 22मासान यासेहेङ मुअ्पालि घुरिघुरि मे रो चिता बुङ थाल्का हि। ना दोन्हा पानु, दाया पातेङ केलाइहेङ मदत पापि” 23इसु वासेहेङ दोअ्हि, “पालि दोखेना दोअ्तेङ कासेहेङ हाइपालि दोअ्खेना? खान्धुर पाकालाइको भाअ्सिङ ते गोताङ काथा जेङलि दोखे।” 24इदोइ हिङतेङ आबा र्हिकाइतेङ दोअ्हि, “का खान्धुर पाखा। आरोङ हेन्जा खान्धुर पालि दोका जेङलिको भाअ्सिङ कासेहेङ मदत पा।”
25द्याङगेलाइ ताइमिभारि धाअ्तेङ लोका तिङतेङ इसु इङको मासानहेङ एसा दोअ्तेङ हाकाराइहि, “ओइ लाटा रो बोहिरा हाङसा, का नासेहेङ हुकुम पाखा, इदोइ वाजानसो ओल्हितेङ लोउ रो आरोङ हेअ्लाउ इङकोलिअ्ता मादुल।” 26कालाउ इङको मासान र्हिकाइतेङ वाजानहेङ झाका लोम्पातेङ ओल्हितेङ हानिहि। वाजान सिनाङ भाइपाङ जेङहि रो आधिमि इङको सिहोइ दोअ्तेङ दोअ्लि तेङहि। 27कालाउबुङ इसु इङकोको खुर चा:तेङ ल्होपाहि रो इङको ल्होहि।
28जेलाउ इसु साअ्ता हानिहि कालाउ वाको चात्यागेलाइ सिपापा वासेहेङ एसा दोअ्तेङ हिअ्हि, “केलाइ इङकोहेङ हाइपालि ओल्हिपालि मादोन्हाहि?” 29इसु एम्बालाइहेङ दोअ्हि, “इस्काहेङचाहिँ पारथाना माकोसिङ बो हिदिङ जुक्तिसो गिलगिल्लि मादोखे।”
इसु आरोङ ताइको सिकाको काथा पाका
(मत्ति १७:२२-२३; लुका ९:४३-४५)
30इसु रो वाको चात्यागेलाइ इङको थामे लाअ्तेङ गालिल जेङतेङ हानिहि। इदोइ काथा हासुङ माग्याको दोअ्का वाको इछा हिघाहि। 31हाइपानु इसु ताइको चात्यागेलाइहेङ खिनिङ धिरपालि भोघाहि। वा एम्बालाइहेङ दोअ्हि, “का द्याङको चानहेङ द्याङगेलाइकोङ खुरता प्यावा। एम्बालाइ वासेहेङ सेअ्तावा रो वा सेअ्काको सुमनिता आरोङ सिन्हुतेङ ल्होकावा।” 32कालाउबुङ वाको दोअ्का इदोइ काथा एम्बालाइ मागिहि रो वासेहेङ हिअ्लि बुङ थिहि।
झाराङखान्तेङ बारका हासु?
(मत्ति १८:१-५; १०:४२; लुका ९:४६-५०)
33ओबालाइ कफरनहुमता लोहि रो वा सिता हिलाउ इसु चात्यागेलाइहेङ हिअ्हि, “दामाता नेलाइ हाइ काथा पाघासुन्हा?” 34कालाउबुङ एम्बालाइ हाइदोङ माधुइहि, हाइपानु दामाता एम्बालाइ “केलाइता झाराङखान्तेङ बारका हासु?” दोअ्तेङ ताताइमिता काथा पाका हिघाखे।#लुका २२:२४ 35कालाउ इसु योम्हि रो तेन्हेमिङ चात्यागेलाइहेङ काइहि रो एम्बालाइहेङ दोअ्हि, “जाइ द्याङ बारालि इछा पानु, इङको झाराङखान्तेङ म्हुइका जेङतेङ झाराङको सेवा पाका जेङलिगोयाङ।”#मत्ति २०:२६-२७; २३:११; मरकुस १०:४३-४४; लुका २२:२६ 36कालाउ एअ्मि म्हुइका जामालहेङ चुमातेङ वा इङकोहेङ एम्बालाइको माझाता ताअ्हि रो इङकोहेङ कोल्हेता ताअ्तेङ चात्यागेलाइहेङ दोअ्हि, 37“जाइ काङको मिङता इस्का म्हुइका जामालता एअ्मिहेङ र्हुखे, इङको कासेहेङ दोङ र्हुखे। जाइ कासेहेङ र्हुखे इङको कासेहेङ माको, कालाउबुङ कासेहेङ दिङगिल्काहेङ र्हुखे।”#मत्ति १०:४०; लुका १०:१६; युहन्ना १३:२०
38युहन्ना इसुहेङ दोअ्हि, “मास्टर, एअ्मि द्याङ नाङको मिङता मासानगेलाइ ओल्हिपातेङहिका केलाइ तिङन्हाहि। केलाइ इङकोहेङ एन्सा पालि मापिन्हाहि, हाइपानु इङको केलाइहेङ पिताइका द्याङ माको।” 39कालाउबुङ इसु दोअ्हि, “इङकोहेङ मारोकेसु, हाइपानु काङको मिङता सरबङको काम पाका ओदोङघरि काङको खिलापता मारेम्का माधुयावा। 40हाइपानु जाइ केलाइको खिलापता मान्थु, वा केलाइ पाहाङ हि।#मत्ति १२:३०; लुका ११:२३ 41जातिङकोङ का नेलाइहेङ दोअ्खा, जाइ नेलाइ ख्रिस्टको हिसुन्हा दोअ्तेङ नेलाइहेङ काङको मिङता एअ् गिलास चि खिनिङ आम्लि पिलाउ बुङ इङको इनाम निनावा।”#मत्ति १०:४२
पापसो हेसा बान्चिलि
(मत्ति १८:६-९; लुका १७:१-२)
42इसु आरोङ दोअ्हि, “जाइ कासेहेङ खान्धुर पाका इदोइ आतुइकालाइता एअ्मिहेङ बाधा प्यावा, इङकोको भाअ्सिङ भुरुङ एलोङ बारका जान्ता निरघाता तोइपितेङ इङकोहेङ जाहादिता थाइपिगिल्लि रेम्का जेङधावा। 43आरोङ नाङको खुर नासेहेङ बाधा पिनु इङकोहेङ पालगिल। हाइपानु न्हेलोङ खुर हितेङ नरकको हेअ्लाउ मासिका मेता दुल्काखान्तेङ भुरुङ एलोङ खुर मान्थुतेङ जिबनता दुल्लि नाङको भाअ्सिङ रेम्का ज्यावा।#मत्ति ५:३० 44[इङको नरकताते ना पेअ्सागेलाइ सिखे, ना मे दोङ स्यावा।]#९:४४ इदोइ पद आधे पुरुना स्रोत बाइबलता मान्थु। 45कालाउ नाङको खोकोइ नासेहेङ बाधा पिनु इङकोहेङ पालगिल। हाइपानु न्हेलोङ खोकोइ हितेङ नरकता थालन्हाकाखान्तेङ भुरुङ नेङगारा जेङतेङ जिबनता दुल्लि नाङको भाअ्सिङ रेम्का ज्यावा। 46[इङको नरकताते ना पेअ्सागेलाइ सिखे, ना मे दोङ स्यावा।]#९:४६ इदोइ पद आधे पुरुना बाइबलता मान्थु। 47आरोङ नाङको मिँ नासेहेङ बाधा पिनु इङकोहेङ होअ्तेङ थालगिल। हाइपानु न्हेलोङ मिँ हितेङ नरकता थालगिलन्हाकाखान्तेङ भुरुङ एलोङ मिँ चुमतेङ स्वरगको सारभिता दुल्लि नाङको भाअ्सिङ रेम्का ज्यावा।#मत्ति ५:२९ 48[इङको नरकताते ना पेअ्सागेलाइ सिखे, ना मे दोङ स्यावा।]#यासाइया ६६:२४ 49हाइपानु देसेहोइ भोक चार्हाइका आनेमानेहेङ चोखो पाकाभाइपा मेहोइ झाराङ द्याङगेलाइहेङ चोखो पाखे।
50 “देसे रेम्का चिज कालाउबुङ देसेको ताइका राम्नु इङको हाइहोइ ताइका बान्हाइलि? नेलाइ ताताइमिता हिका देसेहेङ जोगाइतेङ ताअ्सु रो ताताइमिता मिलितेङ हिसु।” #
मत्ति ५:१३; लुका १४:३४-३५
Currently Selected:
मरकुस 9: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मरकुस 9
9
1कालाउ इसु एम्बालाइहेङ दोअ्हि, “जातिङको, का नेलाइहेङ दोअ्खा, इता जाअ्तेङ हिकालाइता आधिमि हि, जाइ स्वरगको सारभि सरबङता लोका मातिम्पाधाउ हिदिङ किसिमसो मास्यावा।”
इसुको रुप फेरिन्हाका
(मत्ति १७:१-१३; लुका ९:२८-३६)
2इङकोको तुनिन्हुअ्सो इसु पत्रुस, याकुब रो युहन्नाहेङ वाकोदोसा चुमपुतेङ एलोङ झाउका आरदाङता चुमपुहि। इन्ता ओबालाइ खिनिङ हिघाहि, कालाउ एम्बालाइको आगाता इसुको रुप फेरिन्हाहि।#२ पत्रुस १:१७-१८ 3कालाउ वाको धाबा जेल्हालातेङ चोल्हि, जाइ सुमिङता हासु बुङ फेअ्तेङ इङकोझोको पालि माद्वावा।
4इङकोङ पहर इन्ता एम्बालाइकोता एलिया रो मोसा देखाल जेङहि रो ओबालाइ इसुदोफा काथा पालि तेङहि। 5इदोइ तिङतेङ पत्रुस इसुहेङ दोअ्हि, “मास्टर केलाइ इता हिका रेम्काङ जेङहि। केलाइ सुम्लोङ हिका थामे बान्हाइने, एलोङ नाङको भाअ्सिङ, एलोङ मोसाको भाअ्सिङ रो एलोङ एलियाको भाअ्सिङ।” 6एम्बालाइ हेन्जाङ थिनाङसिङ हाइ दोअ्लि इङको पत्रुस मागिहि। 7कालाउ एलोङ बादेल लोतेङ इङकोको स्याइर्हेहोइ एम्बालाइहेङ थुम्हि। कालाउ बादेललिअ्तासो इस्का गाला लोहि, “या काङको दायाका चान हि, नेलाइ वाको बचन हिङसु!”#मत्ति ३:१७; मरकुस १:११; लुका ३:२२ 8कालाउ ओदोङघरि इसोउसो खाङलाउ एम्बालाइदोसा इसुखिनिङ हिघाहि।
9ओबालाइ आरदाङसो खुअ्काताङ पालाउ इसु एम्बालाइहेङ दोअ्हि, “का द्याङको चान सिकासो मासिन्हुपाधाउ नेलाइ जेदोङ तिङका हिसुन्हा इङको हासुहेङ मादोअ्सु।”
10एम्बालाइ इङको काथा ताइको मनता ताअ्हि, कालाउबुङ सिकासो सिन्हुलि दोअ्का हाइ दोअ्तेङ ताताइमिता काथा पालि तेङहि। 11कालाउ एम्बालाइ इसुहेङ एसा दोअ्तेङ हिअ्हि, “लाम्फा एलिया लोलिगोयाङ दोअ्तेङ धरम मास्टरगेलाइ हाइपालि दोअ्खे?”#मलाकि ४:५; मत्ति ११:१४
12इसु दोअ्हि, “जातिङकोङ, एलिया लाम्फा लोतेङ गोताङ काथा मिलिपावा। एन्सा जेङनु का द्याङको चान हेन्जा पिर भोगितेङ झाराङसो लाअ्न्हालि गोयाङ दोअ्तेङ हेसापा धरमकिताबता लेखिका हि कुनु? 13कालाउबुङ का नेलाइहेङ दोअ्खा, एलिया लोहोइ रो वाको बारेता लेखिकाभाइपा द्याङगेलाइ वाकोदोफा जेदोङ मन जेङहि, एन्साङ पाहि।”
इसु मासान खोअ्का वाजानहेङ एल्पाका
(मत्ति १७:१४-२१; लुका ९:३७-४३)
14ओबालाइ बो चात्यागेलाइकोता घुरितेङ लोलाउ कोरबितिङ द्याङगेलाइ जोम्तेङ हिघाखे रो धरम मास्टरगेलाइ चात्यागेलाइदोफा गालाबाजि पातेङहिका ओबालाइ तिङहि। 15इसुहेङ तिङतेङसाङ जोम्तेङ हिका द्याङगेलाइ भारभुसाइतेङ वाकोता धाअ्तेङ हानिहि रो वासेहेङ सेउपाहि। 16इसु चात्यागेलाइहेङ हिअ्हि, “नेलाइ हाइको बारेता एबालाइदोफा गालाबाजि पादोङसुखेना?” 17द्याङको चेअ्सुमेअ्सुकासो एअ्मि इसुहेङ सेउपातेङ दोअ्हि, “मास्टर, का काङको चानहेङ नाङकोता चुमाका हिघा। मासान खोअ्का हिनाङसिङ वा धुइलिङ मादोखे। 18जेलाउ मासान काङको चानहेङ रिम्खे, वा भोनोता लोङखे, नुइसो फिजाना ओल्हिपाखे, तासिङ रेअ्खे रो तिराराइखे। का नाङको चात्यागेलाइहेङ इङको मासानहेङ ओल्हिपापिसु दोअ्तेङ बिम्ति पाघा, कालाउबुङ एम्बालाइ मादोहि।” 19इसु एम्बालाइहेङ दोअ्हि, “ओइ खान्धुर मान्थुका द्याङगेलाइ हिसुन्हा! का हेअ्लाउथिकापा नेलाइदोफा ह्याङका? नेलाइहेङ हेथे सह्याङका? इङकोहेङ काङकोता चुमासु।” 20एम्बालाइ इङको वाजानहेङ वाकोता चुमाहि। इसुहेङ तिङतेङसाङ इङको मासान वाजानहेङ झाकालोम्पाहि रो इङको भोनोता लोङतेङ फिजाना ओल्हिपातेङ लोताइलि तेङहि। 21इसु इङकोको आबाहेङ हिअ्हि, “यासेहेङ इस्का जेङका हेथे जेङहि?” आबा दोअ्हि, “जामाल्सोङ इस्का जेङका हि। 22मासान यासेहेङ मुअ्पालि घुरिघुरि मे रो चिता बुङ थाल्का हि। ना दोन्हा पानु, दाया पातेङ केलाइहेङ मदत पापि” 23इसु वासेहेङ दोअ्हि, “पालि दोखेना दोअ्तेङ कासेहेङ हाइपालि दोअ्खेना? खान्धुर पाकालाइको भाअ्सिङ ते गोताङ काथा जेङलि दोखे।” 24इदोइ हिङतेङ आबा र्हिकाइतेङ दोअ्हि, “का खान्धुर पाखा। आरोङ हेन्जा खान्धुर पालि दोका जेङलिको भाअ्सिङ कासेहेङ मदत पा।”
25द्याङगेलाइ ताइमिभारि धाअ्तेङ लोका तिङतेङ इसु इङको मासानहेङ एसा दोअ्तेङ हाकाराइहि, “ओइ लाटा रो बोहिरा हाङसा, का नासेहेङ हुकुम पाखा, इदोइ वाजानसो ओल्हितेङ लोउ रो आरोङ हेअ्लाउ इङकोलिअ्ता मादुल।” 26कालाउ इङको मासान र्हिकाइतेङ वाजानहेङ झाका लोम्पातेङ ओल्हितेङ हानिहि। वाजान सिनाङ भाइपाङ जेङहि रो आधिमि इङको सिहोइ दोअ्तेङ दोअ्लि तेङहि। 27कालाउबुङ इसु इङकोको खुर चा:तेङ ल्होपाहि रो इङको ल्होहि।
28जेलाउ इसु साअ्ता हानिहि कालाउ वाको चात्यागेलाइ सिपापा वासेहेङ एसा दोअ्तेङ हिअ्हि, “केलाइ इङकोहेङ हाइपालि ओल्हिपालि मादोन्हाहि?” 29इसु एम्बालाइहेङ दोअ्हि, “इस्काहेङचाहिँ पारथाना माकोसिङ बो हिदिङ जुक्तिसो गिलगिल्लि मादोखे।”
इसु आरोङ ताइको सिकाको काथा पाका
(मत्ति १७:२२-२३; लुका ९:४३-४५)
30इसु रो वाको चात्यागेलाइ इङको थामे लाअ्तेङ गालिल जेङतेङ हानिहि। इदोइ काथा हासुङ माग्याको दोअ्का वाको इछा हिघाहि। 31हाइपानु इसु ताइको चात्यागेलाइहेङ खिनिङ धिरपालि भोघाहि। वा एम्बालाइहेङ दोअ्हि, “का द्याङको चानहेङ द्याङगेलाइकोङ खुरता प्यावा। एम्बालाइ वासेहेङ सेअ्तावा रो वा सेअ्काको सुमनिता आरोङ सिन्हुतेङ ल्होकावा।” 32कालाउबुङ वाको दोअ्का इदोइ काथा एम्बालाइ मागिहि रो वासेहेङ हिअ्लि बुङ थिहि।
झाराङखान्तेङ बारका हासु?
(मत्ति १८:१-५; १०:४२; लुका ९:४६-५०)
33ओबालाइ कफरनहुमता लोहि रो वा सिता हिलाउ इसु चात्यागेलाइहेङ हिअ्हि, “दामाता नेलाइ हाइ काथा पाघासुन्हा?” 34कालाउबुङ एम्बालाइ हाइदोङ माधुइहि, हाइपानु दामाता एम्बालाइ “केलाइता झाराङखान्तेङ बारका हासु?” दोअ्तेङ ताताइमिता काथा पाका हिघाखे।#लुका २२:२४ 35कालाउ इसु योम्हि रो तेन्हेमिङ चात्यागेलाइहेङ काइहि रो एम्बालाइहेङ दोअ्हि, “जाइ द्याङ बारालि इछा पानु, इङको झाराङखान्तेङ म्हुइका जेङतेङ झाराङको सेवा पाका जेङलिगोयाङ।”#मत्ति २०:२६-२७; २३:११; मरकुस १०:४३-४४; लुका २२:२६ 36कालाउ एअ्मि म्हुइका जामालहेङ चुमातेङ वा इङकोहेङ एम्बालाइको माझाता ताअ्हि रो इङकोहेङ कोल्हेता ताअ्तेङ चात्यागेलाइहेङ दोअ्हि, 37“जाइ काङको मिङता इस्का म्हुइका जामालता एअ्मिहेङ र्हुखे, इङको कासेहेङ दोङ र्हुखे। जाइ कासेहेङ र्हुखे इङको कासेहेङ माको, कालाउबुङ कासेहेङ दिङगिल्काहेङ र्हुखे।”#मत्ति १०:४०; लुका १०:१६; युहन्ना १३:२०
38युहन्ना इसुहेङ दोअ्हि, “मास्टर, एअ्मि द्याङ नाङको मिङता मासानगेलाइ ओल्हिपातेङहिका केलाइ तिङन्हाहि। केलाइ इङकोहेङ एन्सा पालि मापिन्हाहि, हाइपानु इङको केलाइहेङ पिताइका द्याङ माको।” 39कालाउबुङ इसु दोअ्हि, “इङकोहेङ मारोकेसु, हाइपानु काङको मिङता सरबङको काम पाका ओदोङघरि काङको खिलापता मारेम्का माधुयावा। 40हाइपानु जाइ केलाइको खिलापता मान्थु, वा केलाइ पाहाङ हि।#मत्ति १२:३०; लुका ११:२३ 41जातिङकोङ का नेलाइहेङ दोअ्खा, जाइ नेलाइ ख्रिस्टको हिसुन्हा दोअ्तेङ नेलाइहेङ काङको मिङता एअ् गिलास चि खिनिङ आम्लि पिलाउ बुङ इङको इनाम निनावा।”#मत्ति १०:४२
पापसो हेसा बान्चिलि
(मत्ति १८:६-९; लुका १७:१-२)
42इसु आरोङ दोअ्हि, “जाइ कासेहेङ खान्धुर पाका इदोइ आतुइकालाइता एअ्मिहेङ बाधा प्यावा, इङकोको भाअ्सिङ भुरुङ एलोङ बारका जान्ता निरघाता तोइपितेङ इङकोहेङ जाहादिता थाइपिगिल्लि रेम्का जेङधावा। 43आरोङ नाङको खुर नासेहेङ बाधा पिनु इङकोहेङ पालगिल। हाइपानु न्हेलोङ खुर हितेङ नरकको हेअ्लाउ मासिका मेता दुल्काखान्तेङ भुरुङ एलोङ खुर मान्थुतेङ जिबनता दुल्लि नाङको भाअ्सिङ रेम्का ज्यावा।#मत्ति ५:३० 44[इङको नरकताते ना पेअ्सागेलाइ सिखे, ना मे दोङ स्यावा।]#९:४४ इदोइ पद आधे पुरुना स्रोत बाइबलता मान्थु। 45कालाउ नाङको खोकोइ नासेहेङ बाधा पिनु इङकोहेङ पालगिल। हाइपानु न्हेलोङ खोकोइ हितेङ नरकता थालन्हाकाखान्तेङ भुरुङ नेङगारा जेङतेङ जिबनता दुल्लि नाङको भाअ्सिङ रेम्का ज्यावा। 46[इङको नरकताते ना पेअ्सागेलाइ सिखे, ना मे दोङ स्यावा।]#९:४६ इदोइ पद आधे पुरुना बाइबलता मान्थु। 47आरोङ नाङको मिँ नासेहेङ बाधा पिनु इङकोहेङ होअ्तेङ थालगिल। हाइपानु न्हेलोङ मिँ हितेङ नरकता थालगिलन्हाकाखान्तेङ भुरुङ एलोङ मिँ चुमतेङ स्वरगको सारभिता दुल्लि नाङको भाअ्सिङ रेम्का ज्यावा।#मत्ति ५:२९ 48[इङको नरकताते ना पेअ्सागेलाइ सिखे, ना मे दोङ स्यावा।]#यासाइया ६६:२४ 49हाइपानु देसेहोइ भोक चार्हाइका आनेमानेहेङ चोखो पाकाभाइपा मेहोइ झाराङ द्याङगेलाइहेङ चोखो पाखे।
50 “देसे रेम्का चिज कालाउबुङ देसेको ताइका राम्नु इङको हाइहोइ ताइका बान्हाइलि? नेलाइ ताताइमिता हिका देसेहेङ जोगाइतेङ ताअ्सु रो ताताइमिता मिलितेङ हिसु।” #
मत्ति ५:१३; लुका १४:३४-३५
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.