मरकुस 7
7
लाम्फाको चलनको बारेता बिद्या
(मत्ति १५:१-९)
1यरुसलेमसो लोका फरिसिगेलाइ रो धरम मास्टरगेलाइ इसुको कोरबितिङ जोम्हि। 2कालाउ एम्बालाइ इसुको आधिमि चात्यागेलाइहेङ खुर माझासिङ चातेङहिका तिङहि। 3हाइपानु फरिसिगेलाइ रो झाराङ यहुदिगेलाइ आजुखालसोङ चलितेङ लोका चलन मानितेङ एम्बालाइ खुर माझासिङ उम माचाखे। 4बाजारसो लोकान्हुसो बुङ एम्बालाइ चिउतेङ ताइमिहेङ माचोख्याइसिङ एम्बालाइ हाइदोङ माचाखे, कालाउ बो हेन्जाङ चलनगेलाइ बुङ मानिखे, जिसिकाङ: थालि, बाति, तासाला भान्दा बुङ मान्झेतेङ माचोख्याइसिङ माचालाइखे।
5कालाउ फरिसिगेलाइ रो धरम मास्टरगेलाइ इसुहेङ हिअ्हि, “नाङको चात्यागेलाइ आजुखालको ताअ्पिका चलनहेङ मामानितेङ हाइपालि खुर माझासिङ चाखे?” 6इसु एम्बालाइहेङ दोअ्हि, “यासाइया परमेस्वर पाहासो धुइकाको लेखिका इदोइ काथा नेलाइ चिम्काटागेलाइदोफा जातिङकोङ मिलिखे:
‘इदोइ जात्यागेलाइ कासेहेङ नुइहोइ खिनिङ मान पाखे,
कालाउबुङ एम्बालाइको कोन्धाङ कासो हेन्जाङ दुरे हि। #
यासाइया २९:१३
7 एम्बालाइ बित्थाता काङको उपासाना पाखे,
कालाउबुङ एम्बालाइको बिद्या द्याङगेलाइको धिरपाका बिधि खिनिङ हि।’
8 “नेलाइ परमेस्वरको हुकुमहेङ लाअ्तेङ द्याङगेलाइको चलन कि मानिसुखेना।”
9इसु एम्बालाइहेङ आरोङ दोअ्हि, “नेलाइ ताइको बिधि मानिलि हेथे जालपातेङ परमेस्वरको हुकुमहेङ इन्कार पासुखेना। 10हाइदोनु मोसा दोअ्का हि: ‘ताइको आबा आमाइहेङ मान पासु, जाइ आबा आमाइहेङ मारेम्का पाकालाइहेङ सेअ्लिदोङ गोयाङ।’#दामालाअ्का २०:१२; २१:१७; न्याम ५:१६; लेबि २०:९ 11हिदिङ द्याङ ताइको आबा आमाइहेङ ‘कासो निङलिगोइका भेटि इङको गोताङ परमेस्वरको मिङता पिहोइका माकुनु परमेस्वरहेङ चाराइहोइका’ दोअ्खे पानु, 12नेलाइ इङकोहेङ ताइको आबा आमाइको सेवा पालि मागोयाङ दोअ्तेङ हाइदोङ पालि मापिसुखेना। 13एसापा नेलाइ ताइ चलितेङ लोका चलनहेङ मानितेङ परमेस्वरको हुकुमहेङ बेकामको दोअ्सुखेना कालाउ एसापा दोङ नेलाइ इस्का बो हेन्जाङ कामगेलाइ पासुखेना।”
द्याङहेङ आखेपाका सामानगेलाइ
(मत्ति १५:१०-२०)
14इसु द्याङगेलाइहेङ आरोङ ताइमिकोता काइतेङ दोअ्हि, “नेलाइ झाराङ काङको काथा हिङसु रो गिसु। 15इस्का हाइदोङ सामान मान्थु जाइ बाहारसो द्याङलिअ्ता दुल्तेङ इङकोहेङ आखेपालि दोखे, कालाउबुङ द्याङसो बाहार ओल्हिका चिजगेलाइसो दोङ द्याङहेङ आखेपाखे। 16[जाइको हिङका न्हातोङ हि, इङको हिनाको।”]#७:१६ इदोइ पद आधे पुरना स्रोत बाइबलता मान्थु।
17द्याङगेलाइहेङ लाअ्तेङ साअ्लिअ्ता दुल्कान्हुअ्सो वाको चात्यागेलाइ इसुहेङ इदोइ उदारनको बारेता हिअ्हि। 18वा एम्बालाइहेङ दोअ्हि, “हाइ नेलाइ एला बुङ गिका मान्थुसुन्हा? हाइ बाहारसो द्याङलिअ्ता दुल्खे इङको वासेहेङ आखेका पालि मादोखे दोअ्तेङ हाइ नेलाइ एला बुङ मागिसुखेना? 19हाइपानु इङको वाको कोन्धाङता माको, कालाउबुङ हेमुङलिअ्ता दुल्खे रो बाहार ओल्हिखे। कालाउ इन्तासो बुङ बाहार ओल्हितेङ हानिखे।” (एसापा इसु गोताङ किसिमको चाकाचिज सुदो हि दोअ्तेङ दोअ्पिहि।)
20वा दोअ्हि, “द्याङसो हाइ बाहार ओल्हिखे इङको द्याङहेङ आपुनित बान्हाइखे। 21हाइपानु द्याङको कोन्धाङसो मारेम्का बिचार, कासबिरि, खुका, सेअ्का, नाठोगिरि, 22दिअ्लि, दुरजन काम पालि, ठगिलि, छारा जेङलि, मिँतुपालि, बादानामि, ल्हाउलि रो मुर्ख काम पालि। 23इदोइ गोताङ मारेम्का काथागेलाइ लिअ्तासो ओल्हिखे रो द्याङहेङ आखेका पाखे।”
सामरि बेबालको खान्धुर
(मत्ति १५:२१-२८)
24इङकोन्हुअ्सो इसु इङको थामे लाअ्तेङ टुरोस रो सिदोनको सिमाभारि हानितेङ एलोङ साअ्ता दुल्हि। इदोइ काथा हासुङ माग्याको दोअ्का वा भोघाखे, कालाउबुङ वा मातिङसिङ हिलि मादोहि। 25इङकोङ पहर एअ्मि बेबाल इसुको बारेता हिङतेङ लोहि रो वाको आगाता तिर्हो थोहि। इङको बेबालको चामिन्दिहेङ मासान खोअ्का हिघाहि। 26इङको सिरियाको फोनिकेता जोलोम जेङका एअ्मि ग्रिक बेबाल हिघाहि। इङको बेबाल ताइको चामिन्दिसो मासान ओल्हिपाप्याको दोअ्तेङ वासेहेङ बिम्ति पाहि। 27इसु इङको बेबालहेङ दोअ्हि, “लाम्फा चानचामिन्दिहेङ चालि पि, हाइपानु चानचामिन्दिगेलाइको तोले र्हुतेङ खियागेलाइहेङ थालपिलि ठिक माको।” 28कालाउ वा इसुहेङ दोअ्हि, “एइ प्रभु, कालाउबुङ खियागेलाइ बुङ ते चानचामिन्दिगेलाइ चालाउ हुल्पाका पोङन्हाकागेलाइ चालि निङखे।” 29इसु वासेहेङ दोअ्हि, “ना एसा दोअ्नाङसिङ बेराजापा सिता हाने। नाङको चामिन्दिसो मासान ओल्हितेङ हानिलि दोहोइ।” 30वा घुरितेङ सिता हानिलाउ चामिन्दिहेङ सिदाउता जिम्तेङहिका तिङहि। इङकोसो मासान ओल्हितेङ हानिलि दोका हिघाहि।
इसु बोइर्हा रो लाटा द्याङहेङ एल्पाका
31इसु टुरोस माउजासो ओल्हितेङ वा सिदोन जेन्तेङ डेकापोलिस#७:३१ डेकापोलिस गालिल जाहादिको माहे रो नुहेँ माउजाता हिघाहि। जाइहेङ “ते पुर” बुङ दोअ्घाहि। सिमानाको माझासो जेङतेङ गालिल चावान्दिता हानिहि। 32इन्ता द्याङगेलाइ एअ्मि बोइर्हा रो लाटा द्याङहेङ इसुकोता चुमाहि रो इङकोर्हुता खुर ताअ्पि दोअ्तेङ वासेहेङ बिम्ति पाहि। 33इसु वासेहेङ चेअ्सुमेअ्सुकासो आसा ओसो चुमपुतेङ ताइको आङगुलि इङकोको न्हातोङता ह्वाअ्हि। इङकोन्हुअ्सो थोअ्तेङ वाको देतोङ साइपिहि। 34कालाउ इसु स्वरगभारि खाङतेङ र्हिङका सास तान्हितेङ इङकोहेङ दोअ्हि, “इफ्फाता”#७:३४ इफ्फाता जाइको माने “हेन्हा” जेङखे। इदोइ आरामिक राउ इसुको पालाता इस्राएलता धुइघाखे। जाइको माने “हेन्हा।” 35इसु एसा दोअ्तेसाङ इङको द्याङ हिङलि तेङहि कालाउ वाको देतोङ हेङगालाइन्हातेङ वा माजासो नुइधुइलि तेङहि। 36इसु एम्बालाइ झाराङहेङ “इदोइ हासुहेङ मादोअ्सु” दोअ्तेङ हुकुम पिहि। कालाउबुङ जेथे वा मादोअ्सु दोअ्तेङ हुकुम पिघाखे, झन एम्बालाइ हाउसितेङ द्याङगेलाइहेङ दोअ्गिल्घाखे। 37द्याङगेलाइ भारभुसाइतेङ दोअ्लि तेङहि, “वा गोताङ काम रेम्का पाका हि। वा न्हातोङ माहिङकाहेङ रो लाटाहेङ धुइलिदोका बान्हाइखे।”
Currently Selected:
मरकुस 7: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मरकुस 7
7
लाम्फाको चलनको बारेता बिद्या
(मत्ति १५:१-९)
1यरुसलेमसो लोका फरिसिगेलाइ रो धरम मास्टरगेलाइ इसुको कोरबितिङ जोम्हि। 2कालाउ एम्बालाइ इसुको आधिमि चात्यागेलाइहेङ खुर माझासिङ चातेङहिका तिङहि। 3हाइपानु फरिसिगेलाइ रो झाराङ यहुदिगेलाइ आजुखालसोङ चलितेङ लोका चलन मानितेङ एम्बालाइ खुर माझासिङ उम माचाखे। 4बाजारसो लोकान्हुसो बुङ एम्बालाइ चिउतेङ ताइमिहेङ माचोख्याइसिङ एम्बालाइ हाइदोङ माचाखे, कालाउ बो हेन्जाङ चलनगेलाइ बुङ मानिखे, जिसिकाङ: थालि, बाति, तासाला भान्दा बुङ मान्झेतेङ माचोख्याइसिङ माचालाइखे।
5कालाउ फरिसिगेलाइ रो धरम मास्टरगेलाइ इसुहेङ हिअ्हि, “नाङको चात्यागेलाइ आजुखालको ताअ्पिका चलनहेङ मामानितेङ हाइपालि खुर माझासिङ चाखे?” 6इसु एम्बालाइहेङ दोअ्हि, “यासाइया परमेस्वर पाहासो धुइकाको लेखिका इदोइ काथा नेलाइ चिम्काटागेलाइदोफा जातिङकोङ मिलिखे:
‘इदोइ जात्यागेलाइ कासेहेङ नुइहोइ खिनिङ मान पाखे,
कालाउबुङ एम्बालाइको कोन्धाङ कासो हेन्जाङ दुरे हि। #
यासाइया २९:१३
7 एम्बालाइ बित्थाता काङको उपासाना पाखे,
कालाउबुङ एम्बालाइको बिद्या द्याङगेलाइको धिरपाका बिधि खिनिङ हि।’
8 “नेलाइ परमेस्वरको हुकुमहेङ लाअ्तेङ द्याङगेलाइको चलन कि मानिसुखेना।”
9इसु एम्बालाइहेङ आरोङ दोअ्हि, “नेलाइ ताइको बिधि मानिलि हेथे जालपातेङ परमेस्वरको हुकुमहेङ इन्कार पासुखेना। 10हाइदोनु मोसा दोअ्का हि: ‘ताइको आबा आमाइहेङ मान पासु, जाइ आबा आमाइहेङ मारेम्का पाकालाइहेङ सेअ्लिदोङ गोयाङ।’#दामालाअ्का २०:१२; २१:१७; न्याम ५:१६; लेबि २०:९ 11हिदिङ द्याङ ताइको आबा आमाइहेङ ‘कासो निङलिगोइका भेटि इङको गोताङ परमेस्वरको मिङता पिहोइका माकुनु परमेस्वरहेङ चाराइहोइका’ दोअ्खे पानु, 12नेलाइ इङकोहेङ ताइको आबा आमाइको सेवा पालि मागोयाङ दोअ्तेङ हाइदोङ पालि मापिसुखेना। 13एसापा नेलाइ ताइ चलितेङ लोका चलनहेङ मानितेङ परमेस्वरको हुकुमहेङ बेकामको दोअ्सुखेना कालाउ एसापा दोङ नेलाइ इस्का बो हेन्जाङ कामगेलाइ पासुखेना।”
द्याङहेङ आखेपाका सामानगेलाइ
(मत्ति १५:१०-२०)
14इसु द्याङगेलाइहेङ आरोङ ताइमिकोता काइतेङ दोअ्हि, “नेलाइ झाराङ काङको काथा हिङसु रो गिसु। 15इस्का हाइदोङ सामान मान्थु जाइ बाहारसो द्याङलिअ्ता दुल्तेङ इङकोहेङ आखेपालि दोखे, कालाउबुङ द्याङसो बाहार ओल्हिका चिजगेलाइसो दोङ द्याङहेङ आखेपाखे। 16[जाइको हिङका न्हातोङ हि, इङको हिनाको।”]#७:१६ इदोइ पद आधे पुरना स्रोत बाइबलता मान्थु।
17द्याङगेलाइहेङ लाअ्तेङ साअ्लिअ्ता दुल्कान्हुअ्सो वाको चात्यागेलाइ इसुहेङ इदोइ उदारनको बारेता हिअ्हि। 18वा एम्बालाइहेङ दोअ्हि, “हाइ नेलाइ एला बुङ गिका मान्थुसुन्हा? हाइ बाहारसो द्याङलिअ्ता दुल्खे इङको वासेहेङ आखेका पालि मादोखे दोअ्तेङ हाइ नेलाइ एला बुङ मागिसुखेना? 19हाइपानु इङको वाको कोन्धाङता माको, कालाउबुङ हेमुङलिअ्ता दुल्खे रो बाहार ओल्हिखे। कालाउ इन्तासो बुङ बाहार ओल्हितेङ हानिखे।” (एसापा इसु गोताङ किसिमको चाकाचिज सुदो हि दोअ्तेङ दोअ्पिहि।)
20वा दोअ्हि, “द्याङसो हाइ बाहार ओल्हिखे इङको द्याङहेङ आपुनित बान्हाइखे। 21हाइपानु द्याङको कोन्धाङसो मारेम्का बिचार, कासबिरि, खुका, सेअ्का, नाठोगिरि, 22दिअ्लि, दुरजन काम पालि, ठगिलि, छारा जेङलि, मिँतुपालि, बादानामि, ल्हाउलि रो मुर्ख काम पालि। 23इदोइ गोताङ मारेम्का काथागेलाइ लिअ्तासो ओल्हिखे रो द्याङहेङ आखेका पाखे।”
सामरि बेबालको खान्धुर
(मत्ति १५:२१-२८)
24इङकोन्हुअ्सो इसु इङको थामे लाअ्तेङ टुरोस रो सिदोनको सिमाभारि हानितेङ एलोङ साअ्ता दुल्हि। इदोइ काथा हासुङ माग्याको दोअ्का वा भोघाखे, कालाउबुङ वा मातिङसिङ हिलि मादोहि। 25इङकोङ पहर एअ्मि बेबाल इसुको बारेता हिङतेङ लोहि रो वाको आगाता तिर्हो थोहि। इङको बेबालको चामिन्दिहेङ मासान खोअ्का हिघाहि। 26इङको सिरियाको फोनिकेता जोलोम जेङका एअ्मि ग्रिक बेबाल हिघाहि। इङको बेबाल ताइको चामिन्दिसो मासान ओल्हिपाप्याको दोअ्तेङ वासेहेङ बिम्ति पाहि। 27इसु इङको बेबालहेङ दोअ्हि, “लाम्फा चानचामिन्दिहेङ चालि पि, हाइपानु चानचामिन्दिगेलाइको तोले र्हुतेङ खियागेलाइहेङ थालपिलि ठिक माको।” 28कालाउ वा इसुहेङ दोअ्हि, “एइ प्रभु, कालाउबुङ खियागेलाइ बुङ ते चानचामिन्दिगेलाइ चालाउ हुल्पाका पोङन्हाकागेलाइ चालि निङखे।” 29इसु वासेहेङ दोअ्हि, “ना एसा दोअ्नाङसिङ बेराजापा सिता हाने। नाङको चामिन्दिसो मासान ओल्हितेङ हानिलि दोहोइ।” 30वा घुरितेङ सिता हानिलाउ चामिन्दिहेङ सिदाउता जिम्तेङहिका तिङहि। इङकोसो मासान ओल्हितेङ हानिलि दोका हिघाहि।
इसु बोइर्हा रो लाटा द्याङहेङ एल्पाका
31इसु टुरोस माउजासो ओल्हितेङ वा सिदोन जेन्तेङ डेकापोलिस#७:३१ डेकापोलिस गालिल जाहादिको माहे रो नुहेँ माउजाता हिघाहि। जाइहेङ “ते पुर” बुङ दोअ्घाहि। सिमानाको माझासो जेङतेङ गालिल चावान्दिता हानिहि। 32इन्ता द्याङगेलाइ एअ्मि बोइर्हा रो लाटा द्याङहेङ इसुकोता चुमाहि रो इङकोर्हुता खुर ताअ्पि दोअ्तेङ वासेहेङ बिम्ति पाहि। 33इसु वासेहेङ चेअ्सुमेअ्सुकासो आसा ओसो चुमपुतेङ ताइको आङगुलि इङकोको न्हातोङता ह्वाअ्हि। इङकोन्हुअ्सो थोअ्तेङ वाको देतोङ साइपिहि। 34कालाउ इसु स्वरगभारि खाङतेङ र्हिङका सास तान्हितेङ इङकोहेङ दोअ्हि, “इफ्फाता”#७:३४ इफ्फाता जाइको माने “हेन्हा” जेङखे। इदोइ आरामिक राउ इसुको पालाता इस्राएलता धुइघाखे। जाइको माने “हेन्हा।” 35इसु एसा दोअ्तेसाङ इङको द्याङ हिङलि तेङहि कालाउ वाको देतोङ हेङगालाइन्हातेङ वा माजासो नुइधुइलि तेङहि। 36इसु एम्बालाइ झाराङहेङ “इदोइ हासुहेङ मादोअ्सु” दोअ्तेङ हुकुम पिहि। कालाउबुङ जेथे वा मादोअ्सु दोअ्तेङ हुकुम पिघाखे, झन एम्बालाइ हाउसितेङ द्याङगेलाइहेङ दोअ्गिल्घाखे। 37द्याङगेलाइ भारभुसाइतेङ दोअ्लि तेङहि, “वा गोताङ काम रेम्का पाका हि। वा न्हातोङ माहिङकाहेङ रो लाटाहेङ धुइलिदोका बान्हाइखे।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.