लुका किताब नाल्पाका
किताब नाल्पाका
लुका ओसेरे पाइति पाका एअ्मि बोइद्या हिघाखे (कलस्सि ४:१४)। वा एअ्मि बोइद्या खिनिङ माको पाक्का इतिहास गिका द्याङ बुङ हिघाखे। इसुको बारेता घाटितेङ पुरा जेङका गोताङ घाटानागेलाइ बरनन पातेङ लुका रोमि बाडाहाकिम थियोफिलसहेङ इदोइ रेम्काबानाल लेखितेङ पिगिल्का हिघाखे। इदोइ इसुको बारेता लेखिका रेम्काबानाल एअ्मि द्याङ कल्पना पातेङ लेखिका माको; याते एलोङ सत्ते रो आइतिहासिक घाटाना दोअ्खे।
लुका इदोइ रेम्काबानालता इसु ख्रिस्ट गोताङ जात्यागेलाइहेङ बान्चिपाका प्रभु हि दोअ्तेङ नालपाका हि। वा इस्राएलिगेलाइको माझाता रेम्काबानाल पारचार पाहि रो पिरता हिकालाइहेङ उदार पाहि। कालाउ द्याङगेलाइको पापको भाअ्सिङ कुरुसता सिहि रो सुम्निता सिन्हुतेङ वा स्वरगता तोल्हेन्हाहि।
एसापा वा सुमिङता हिका झाराङ द्याङगेलाइको उदार पालिको भाअ्सिङ लोका हिघाहि दोअ्तेङ लुका लेखिका हि। लुका एअ्मि ग्रिक जात्याको द्याङ हिघाखे। यहुदि द्याङगेलाइ खिनिङ माको बो द्याङगेलाइ बुङ रेम्काबानाल ग्याको दोअ्तेङ लुका इदोइ रेम्काबानाल लेखिका हिघाखे।
लुका ताइको रेम्काबानाल हिदोइ बाअ्सारता लेखिका हिघाखे दोअ्तेङ एन्साङ दोअ्लि माद्वाङ। कालाउ हेन्जाङ बाइबल बिद्वानगेलाइ लुका इदोइ रेम्काबानाल इ. सं. ६५-७० ता लेखिका हिघाहि दोअ्तेङ बिचार पाखे।
पोतोका बिसाइ सुचि
नाल्पाका १:१-४
चिभुअ्लि पिका युहन्ना, इसुको जोलोम रो जामालहिलाउ १:५-२:५२
चिभुअ्लि पिका युहन्नाको सेवा ३:१-२०
इसुको चिभुअ्लि रो जाच ३:२१-४:१३
गालिलता इसुको सेवा ४:१४-९:५०
गालिलसो यरुसलेमथिकापा ९:५१-१९:२७
यरुसलेमता न्हुअ् आथार १९:२८-२३:५६
इसु सिकासो सिन्हुतेङ स्वरगता हानिका २४:१-५३
Currently Selected:
लुका किताब नाल्पाका: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.