२ कोरीन्थी 10
10
1ङा पावुल् त तोओ नीङ्कःहाङः मुतोक्खेहाङः “काङ्ओ लेःआः” त ताःतेःनाङ्सतो ङाकोः रम्ह्गखेहाङः “खह्र्ओ” त नोःकाय्तीतेः मुतेःनै। लौ ख्रीस्कोः काङ्ओ ल्हुङ् दोःती ङा नीङ्कः द्याह् इतलेः तेनेःनाङ्स। 2ङा नीङ्कःहाङः लोने वाङ्ओ बेलाहाङः ङाकायः खह्र्तो तोसापाय् तोताक्लाम् एत ङाइ तेती तोनेःनाङ्स दोह् हायःती दाय्ह्सा यात्नीस्चाक्इ ङीकायः गाल्तुम्ती तोती “पावुल्लम्इ ल्हाव्ह्दैबाङ्कोः चीस् झाक्ती झ्यान्ते इ काम् जाङ्ह्नानी” त दाय्ह्ती मुनै। ङा वाङ्ओ बेलाहाङः ओउःत तोओलम् मुनै त खेःया ओउःमयःकायः ङाइ खह्र्तो तोसा खेःतो। 3ल्हाव्ह्दैबाङ्हाङः ङी मुसापाय् मुङीतो ल्हाव्ह्दैबाङ्कोः काम् जाङ्ह्साकायः काय्काय्ङीली। 4फेरी ल्हाव्ह्दैबाङ्सै दोःओ ग्वम्खेइ खेःल परमेस्वर्कोः ग्वम्खे दोःती ङीइ सैतान्कोः ताङ्ह्ओ जीरालम् ह्र्योङ्ती वाय्सा खाय्नाङःसु। 5सबै आह्रे माःती नोःओ काय्काय्ओलम्कायःमा सबै परमेस्वर्कोः कुरा ङाःती त्याःसा बोङःओलम्कायःमा ङीइ क्लीमःनाङःसु। फेरी मान्ताकोः ल्हुङ्लम् सबै ख्रीस्कः ग्यातो स्याव्ताक्नाङःसु। 6ओहाङःसैको नीङ् जुगाङ् ग्यातो स्याव्आक्तीको ओउः सायःसा ग्यामालोलम्कायः ङीइ न्युम्ह्ताक्सा खाय्नाङी। 7मान्ताकोः दोङ् ल्हुङ्कोः कुरा नीङ्इ योतेःनीली बाहीरकोः कुरा ह योतेःनानी। सुलो “लौ ङा ख्रीस्कोः मान्तालेः खेःनाङः” त दाय्ह्ती ताःतेःआकायःइसी ओउः मान्तालेः ङीकायःमा “लौ ङालो लेखा पावुल्लम्मा ख्रीस्कोः मान्तालम् लेःआः इ” त चीःसा खेःतो। 8प्रभुइ ङीकायः बयःओ ग्वम्पाय् नीङ्कायः रेव्ताक्साकायः खेःल पेताक्साकायःलेः बयःआताङी। “इ ग्वम् दोःआलाङः” त दाय्ह्ती बल न्हाङ्तोलेः तोनेःनाङ्सतो ओउःत ङाःती तोसाकायः ङा रास्ङल। 9चेती लेखओहाङः नीङ्कायः रैताक्सा बोङःङल। 10“चेती लेखओ बेलाहाङःखे ओउःकोः कुरापाय् खह्र्ओ लेःआः ङीकःताङ् वाङ्ओ बेलाहाङःखे ओउःइ पेतो जाङ्ह्सामा पेतो नोःसामा चीःउलु” त दाय्ह्ती सुलाङःइ नोःनौ। 11ओउःपाय् दोङ् कुरा खेःल गतलो रम्ह्गहाङः ङीइ चेतीहाङःमा लेखनेःनाङ्स ओउःतलेः वाङ्तोक्हाङःमा जाङ्ह्नेःनाङ्स। इ नीस् कुरापाय् ब्रेह्चल दोह्मा थेथे खेःचल त ओउः मान्ताइ चीःसा खेःतो।
12यात्नीस्चाक्खेइ लयःकोः नेह्रो ओर्ताक्ती वाह्नै ङीखे ओउःमयःलो लेखा वाह्सा ग्याङीली। ओउः मान्तालम्खेइ जुगाङ् चीःमाःत दोह्गार् लयःकोः ल्हुङ्हाङः “इ पेलेःनाः” त म्हर्ती झाक्चनै ओउःलेः लयःकोः नेह्रो ओर्ताक्ती जाङ्ह्नाङीसी। 13ङीखे लयःकोः नेह्रो नाःतो ओर्ताक्नाङीसीली। गुच्युक्लो काम् परमेस्वर्इ बयःआताङी ओउःच्युक्लेः ह जाङ्ह्याकायः ङी ङाःतीलेः तोनाङःसु। नीङ्कःहाङःमा जाङ्ह्सा काम् परमेस्वर्इ ङीकायः दोक्ती बयःआताङी। 14ओहाङःसैको परमेस्वर्इ ओउः काम्पाय् दोक्ती बयःआताङी त खेःओ नीङ्कःहाङः ङ्हा वाङ्तोक् बेलाहाङः ङीइ ख्रीस्कोः पेओ समचार् नीङ्कायः वानःनेःआलाङ्सु ओउःत हायःओकायः ङी ङाःती तोसा स्याव्लेःनाः। 15ङीकायः दोक्मालो काम्लम् अरुइ जाङ्ह्नानी ओउः काम्कायःपाय् ङी ङाःती तोङुसुलु। ओहाङःसैको नीङ्कायःपाय् “न्हाङ्तोलेः ङ्हाम्पानी” त दाय्ह्ती म्हर्नाङी ओहाङःसैको परमेस्वर्इ दोक्ती बयःनाःताङी त खेःया ङीइ नीङ्कःहाङः ओउःकोः काम् न्हाङ्तोलेः जाङ्ह्सा दोःनाङी। 16ओहाङःसैको नीङ्कोः देस्कोः उःसै मुओ देस्लम्हाङःमा ङीइ ख्रीस्कोः पेओ समचार् थोल्ह्ती तोसा खाय्नाङःसु। ओउःत हायःआक्तीको अरुकायः दोक्ती बयःओ काम्कायः ङी नेह्रो ओर्ताक्सा परङीली। 17“सुसुइ ताङ्ह्ताक्ती नोःसा बोङःचानानी ओउःइपाय् प्रभु परमेस्वर्इ जाङ्ह्ताक्ओ काम्कायःलेः ताङ्ह्ताक्ती तोपानी” त दाय्ह्ती आखरःहाङः लेखती मुनाः। 18सुसुखे “ङापाय् पेओ लेःआः ङ” त म्हर्ती लयःकोः नेह्रो ओर्ताक्नाःइसी ओउःकःपाय् प्रभु म्रोल सुसुखेकायः परमेस्वर् “ओउःपाय् पेलेःनाः” त म्हर्चाः ओउःकः ह प्रभु म्रोतीलेः मुनाः।
Currently Selected:
२ कोरीन्थी 10: CDM93
Highlight
Copy
Compare
Share
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
