زبور ۱۱۶
۱۱۶
یوسلو شپاړسم زبور
د مرګ نه د خلاصون دپاره شکرګزاري
1 مینه کومه د څښتن سره زه
ځکه چې سوال یې اورېدلی زما
او قبولې کړې یې زارۍ دي زما
2 هغه نیولی دی خپل غوږ ماته
ترڅو ژوندی یم دعاګانې به کومه ورته
3 د مرګ په لومه کې راګېر شومه زه
د قبر وېره راغله په ما
په تکلیف او غم اخته شومه زه
4 نو بیا مې وکړلو فریاد څښتن ته:
«سوال کوم تاته ای څښتنه چې مې وژغوره ته»
5 څښتن رحیم او نېک دی
دی زړه سواندی زمونږ خدای
6 څښتن ساتي ساده زړي خلک
کله چې ومه په خطر کې، هغه بچ کړمه زه
7 ای زما ځانه ته ډاډه اوسه
ځکه څښتن ما سره کړی احسان
8 څښتنه تا له مرګه بچ کړمه زه
وچې دې کړې اوښکې زما
او ودې ژغورلې زما پښې
له تیندک خوړلو څخه
9 نو زه به ګرځم د څښتن حضور کې
د ژوندیو په دنیا کې
10 ما په څښتن باندې باور درلود
که څه هم ما وویل:
«زه ډېر په تکلیف کې یمه»
11 که څه هم زه وېرېدمه خو ما وویل:
«ټول انسانان دروغجن دي»
12 زه به څه ورکړم څښتن ته
د هغو ټولو احسانونو په بدل کې
چې یې کړي دي زما سره؟
13 زه به راوړمه څښتن ته نذرانه د څښلو
چې ترې مننه وکړم د خپل نجات په خاطر
14 زه به ورکړمه نذرونه چې مې منلي دي څښتن ته
د هغه د ټول قوم په مخکې
15 څومره دردناکه ده څښتن دپاره
چې کله مړ شي کوم یو د هغه له وفادارو څخه
16 زه خدمتګار یمه د ستا څښتنه
داسې خدمت دې زه کومه
چې مې مور کړی دی
زه دې خلاص کړی یم له زنځیرونو څخه
17 د شکرګزارۍ قرباني به تاته درکړمه زه
زه به تاته دعاګانې کوم
18-19 ۱۸-۱۹ زه به پوره کړمه خپل نذر تاته په اورشلیم کې
زه به دا کار وکړمه ستا د کور په حوېلۍ کې
چې ستا ټول قوم په کې ټولیږي عبادت دپاره
د څښتن ثنا او صفت وکړئ!
Currently Selected:
زبور ۱۱۶: APB
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.